Hwègbèèlì 4:13 - Mokpwe: Bakwery (New Testament)

¹³ Hwèlìyèlì hwe hwàkàyirzèlì hwe ma tàmà ò lì ɛnɛ nanù ema Pètrò nà Yòwanìrzɛ̀ hwà mà hwɛ lì òhwa e rzi hwɛ lì òka wɔ̀ŋgɔ̀. Èhwanja hwà mà ayembɛ nanù ema, hwa rzi rzɔŋgɔ̀ hwèyòkòwèlì ndèŋgànà hwà mà hwɛ hvɛ ndi hwatò hwa ŋgundu. Aŋga ndi hwa a ayèmbɛ nanù ema hwanu hwatò hwà mà hwɛ ndi na Yerzù ò ihvònda ja arzɛ.

Hwègbèèlì 4:13 Mawu Ofanana

Matiyò 11:25

O èŋge hvònda Yerzù rzìi a òhwa nanù ema, “Ìi Tatɛ̀, Rzàŋgò wà ŋmanyu yà lohwà nà è rze ya mɔ̀nyɛ̀, nà ò ekì ehwànja ò ùŋmɛlɛ jùma hwanà hweyà ema ò ma wunane hwàŋgà ema hwa òhvi mahwiye na hwaŋga hwatò ema hwa rzɔ̀ŋgìtɛ̀nɛ̀.

Matiyò 26:71

Aŋga ndi à anjiya aŋgà rzìi à ɛ̀ndɛ lì kòmbɛ̀nɛ̀ hwèkpèèlì hwe è kɔ̀tɔ̀ yà eŋge ewòka rzìi ò hvɛhvɛ mògbèèlì wà ŋgɔ̀ndɔ̀ à mò ɛnɛ rzìi à òhweyà hwatò ema hwa mà hwɛ aŋga nanù ema, “Onò mòtò à mà hwɛ nà Yerzù è mòtò wà è mbòwa yà Nàrzarɛ̀tì.”

Matiyò 26:73

Ò ŋmanà hvòka hvònda hwaŋga hwa mà tɛ̀mɛ̀ aŋga hwa à gbèeyà Pètrò rzìi hwa òhwa nanù ema, “Ò kɔ̀ɔ̀ ndi hweyà hwe ŋgundu, ò jɔ̀kɛ̀ ò hwèlì ndi mɔ̀kɔ ema à mà nɔ̀ŋgɔ òŋgò mòtò. Èhwanja hweyòhwèlì hwe aŋgɔ̀ hwe ò wulu nanù ema ò uhwɛlɛlɛ ò erzòòkà yà Galìlì.”

Lukàrzɛ̀ 22:8

Yerzù rzìi a òma Pètrò nà Yòwanìrzɛ̀, a hwa òhweyà nanù ema, “È ɛ̀ndɛ̀ e rzɛ̀ŋgɛ̀nɛ̀ hwèlèèlì hwe lì Akà Ɔnɛ̀yi.”

Yòwanìrzɛ̀ 19:26

Nà òma Yerzù à mà ɛnɛ nyàŋgò yà eni nà è mòòkòwèlì ema à mà lìŋgàne hwa tɛ̀mì aŋga rzìi à òhweyà nyàŋgɛ nanù ema, “Iyàkà è ŋmanà wà aŋgɔ̀ òŋgò.”

Yòwanìrzɛ̀ 7:15

Lìkànèyà là ama wònyà Yudà lì ma tameya hwèyòkòlèlì hwe eni. Rzìi hwa ijòwa nanù ema, “Nɛ a hwiyelì hwenè hweyà hwa arzɛ ema a rza ɛndɛ ò rzukulu ya mbenda e?”

Yòwanìrzɛ̀ 7:49

Ène ŋgìndì e rza hwi e mbenda ya ama Mòrzè. O èŋgànɛ̀lɛ̀ rzɔ èwòma e hwèlì na wɔ̀.”

Hwègbèèlì 4:14

Mòŋgò ŋmèmba mò hwàkàyìrzèlì mò rzi tanɛ lì òhwa hvɛ tɔ̀ eyà hvɛ èhwanja òŋgò mòtò ema Petrò na Yòwanìrzɛ̀ hwà mà wɔ̀wìrzɛ̀ à mà tɛ̀mɛ̀ aŋga na wɔ̀.

Hwègbèèlì 4:19

Pètrò nà Yòwanìrzɛ̀ hwà mà hwa a alàhwɛ̀ nanù ema, “Inyɔ hwiti e òhwe mamɛ e hvòmɛ̀nɛ̀ ò wòrzò wò ama Lohwɛ̀, ò lì e hwèyàna ŋga lì hwèyàna Lohwɛ̀ e?

Hwègbèèlì 4:29

Ìi Rzàŋgò, naŋgɛ ò wà witi ò hwɛni lì hwiya nanù ema, ò wòwe wòhwiya lì hvòmɛ̀nɛ̀ lì kimeya la awu, ndèŋgànà ò jò gbeye irzɔ hwàgbèèlì hwa aŋgɔ̀ ò lì òhwa ŋmɛ̀ndì mò aŋgɔ̀ e rzi hwɛ lì òka wɔ̀ŋgɔ̀.

Hwègbèèlì 4:31

Nà òma hwà mà kulɛ ò lì kanɛ̀, èki ema hwà mà taneya e ma nyiŋgà. Wɔ̀ hwa arzɛ hwà mà òndìrzɛ̀hwɛ na Èlìŋgɛ̀ yà Wòtani rzìi hwa wòteyà lì òhwa eyà ya Lohwà e rzi hwɛ lì òka wɔ̀ŋgɔ̀.

Hwègbèèlì 9:27

Bànàbàrzì rzìi a tɛ̀mɛ̀ a mò lɛmbɛ lìiyà la eni, a mò timbà lì mò ɛndɛneya inɛyi àpɔ̀rzìtòlò. A ma kuwa lì hwa nɔ̀ŋgeya nɛ Rzàwòlò mɔ̀ à mà ɛnɛ Rzàŋgò ò jɛ̀nɛ̀nì ò njiya, ndèŋgànɛlɛ nɛ e Rzàŋgò e ma mò òhwirzɛnɛ. A ma hwa òhweyà hvɛ na òma Rzàwòlò à mà hwɛ lì òhweyà hwatò hweyà lì hvòmɛ̀nɛ̀ Yerzù ò Dàmàrzkɔ̀rzì e rzi hwɛ mɔ̀ lì òka wɔ̀ŋgɔ̀.

Hwègbèèlì 9:28

Ène ŋgàna rzɔ, ema gbeyà Rzàwòlò a lìya na wɔ̀ rzi mɔ̀ à ɛndɛ ò hwekì hwe arzɛ hwe Jèrurzalɛ̀mù, ò lì òhwa Ŋmɛ̀ndì mò gbamù ò lìinà la ama Rzàŋgò à rzi hwɛ lì òka wɔ̀ŋgɔ̀.

1 Kɔ̀rintìyà 1:27

Ndi, Lohwɛ̀ à hvɔ̀rzì hweyà ema hwatò hwa anù rze yà mɔ̀nyɛ̀ hwà ɛ̀nɛ nà hweyà hwe ŋgundu, ò lì enyìrzɛ̀ hwatò ema hwa ɔ̀ŋgɛ̀lɛ̀ nanù ema hwa hwɛnì màhwiyè, à hvɔ̀rzì mamɛ ema hwatò hwa anù rze hwà ɛnɛ̀ ema è rza ohvi ŋginyà, ò lì enyìrzɛ hwatò ema hwa ɔ̀ŋgɛ̀lɛ̀ nanù ema wɔ̀ hwa ohvi ŋginyà.

1 Kɔ̀rintìyà 14:25

Nà omà hwaŋga hwatò hwa okànèyà mamɛ ema e ohwà, màlùtèyà ma awu ma wùndɛ ma wulùwàhwà, o ma hwà mà rzùma o màwɔ̀ŋgɔ̀ŋgɔ̀ ma awu o lì kànɛ̀ Lohwɛ̀. Rzi hwa wòteyà lì ohwà nanù ema, “Nà è jɔ̀kɛ̀ Lohwɛ̀ à hwèlì anù ìtììtènì ja anyu.”

2 Kɔ̀rintìyà 3:12

O èŋgànɛ̀lɛ̀ rzɔ na oma i ma lòkɛ̀ nanù ema ŋmɛ̀ndì ema jo òhwa mo òhvi wòlìto rzayi-rzayi, irzɔ i ma ohwa e rzi hwɛ lì oka tɔ̀ wɔ̀ŋgɔ̀ tɔ̀ wɔ̀kɔ.