Hwègbèèlì 4:12 - Mokpwe: Bakwery (New Testament)

¹² “Lì òŋgirzɛhwɛ lì rza uwɛ̀lɛ̀lɛ̀yi na ohvɛhvɛ mòtò lì aka tɛ Yerzù, èhwanja ò rza enje tɔ̀ lì hvɛhvɛ lìnà ò tenì ya ene rze ema Lohwɛ̀ à mà ŋgbe hwatò hwa hwènàmà ema lì àŋgàmɛ̀nɛyi lì jò rzùŋgà.”

Hwègbèèlì 4:12 Mawu Ofanana

Matiyò 1:21

À ò ŋya ŋmanà wà mùnyanà, o ò mò kpɛ̀ ndi lìinà Yerzù, èhwanja à ò òŋgirzɛ hwatò wà eni ò wòhwe wò awu.”

Lukàrzɛ̀ 24:47

È tìlahwì nanù ema, hwatò hwa òhwe Ŋmɛ̀ndì mò Gbamù ò hwekòmɛ̀ hwe àrzɛ ema, hwatò hwa ayèŋgòwɛ̀ ò wòhwe wò awu ò lìinà la ama Yerzù, aŋga nanù Lohwɛ̀ a hwà làkìrzɛ̀ wòhwe wò awu. Hwa wòteya lì òhwa Ŋmɛ̀ndì mò Gbamù ò Jèrurzalɛ̀mù.

Yòwanìrzɛ̀ 14:6

Yerzù rzìi a alàhwɛ̀ nanù ema, “Imba ndi na hwèlì e njiya ema e ɛndɛ òma Tatɛ̀ wa ami, e jɔ̀kɛ̀ e uwɛ̀lɛ̀lɛ̀yi ndi na imba, imba hvɛ ndi na ŋgbà lòŋgɛ. Tɔ̀ mòtò tɔ̀ mɔ̀kɔ a rza tànɛyi lì jà òma Tatɛ̀ wa ami ema a rza akelɛ na imba.”

Yòwanìrzɛ̀ 3:36

Tɔ̀ ima mɔ̀ ema a lòkɛ̀yì òŋgò Ŋmanà wa eni a hwɛnɛ lòŋgɛ la gbìndèyà, ndi tɔ̀ ima mɔ̀ ema a rza gbeyà na òma Mɔ̀ a òhwi, a rza luwa lòŋgɛ la gbìndèyà, a ò timba ndi lì luwa hvɛ e kɔ̀kìrzɛ̀ ya ama Lohwɛ̀.

Hwègbèèlì 13:26

Pàwolò à mà hwatɛ hvɛ ò lì òhwa nanù ema, “Ìi wònyàmòwe kòkò, ò mòtèndè mò ama Abràhamù, na hwatò ema hwa gbèeyà Lohwɛ̀ naŋgɛ nanù, irzɔ ndi hwa òmelì mònò ŋmɛ̀ndì mò gbamù mò lì rzùŋgàhwa.

Hwègbèèlì 2:5

O eŋge hvònda, wònyà Yudà ema hwà mà hwɛ lì kanɛ̀ Lohwɛ̀ hwà mà hwɛ ò Jèrurzalɛ̀mù. Hwanu hwatò hwà mà uwɛ̀lɛ̀lɛ̀yi hwehvɛhvɛ hweki ò e rze yà mɔ̀nyɛ̀.

1 Kɔ̀rintìyà 3:11

Èhwanja o rza enje tɔ̀ mòtò tɔ̀ mɔ̀kɔ ema a tànɛyi lì kɔ̀kɔ̀ mohvɛhvɛ mɔ̀nɔ̀ŋgɔ̀, lì aka tɛ mɔ̀nɔ̀ŋgɔ̀ ema nà mà lomɛ lì kɔ̀kɔ̀. Mòŋgo mɔ̀nɔ̀ŋgɔ̀ mo hwèlì ndi hwèyòkòwèlì ema nà mà màa lì e okolɛ̀ lì hvomɛ̀nɛ̀ Yerzù Krirztò, ema Lohwɛ̀ ama jo rzuŋga moŋgɛ ma arzu lì akeyà na Yerzù Krirztò.

Kòlòrzìyà 1:23

Inyɛ̀ è hwɛ ndi nanù ema lì lòkɛ̀ là anyu lì àŋgàmɛ̀nɛ̀yi lì imbama, è inyàmɛ̀nɛ̀ hwètɛ̀mèlì hwe matàŋga mà anyu ò mɔ̀nyɛ̀, ndèŋgànɛ̀lɛ̀ è ika mèèmà mè anyu ò ŋmɛ̀ndì mò gbamù ema è mà hwèyɛ. Moŋgo ŋmɛ̀ndì mò gbamù ema inyɔ è mà màa lì hweyà, mò hwèlì ndi ŋmɛ̀ndì mò gbamù ema mò mà nyàlɛ̀ ò è rze yà arzɛ, ndeŋgànɛlɛ mɔ̀ ndi imba Pàwolò nà atìmbìrzɛ̀yi è mògbèèlì wà ama Lohwɛ̀ ò lì gbeyà.

Hibrù 12:25

È hwɛnì lì aŋgòwa, nanù ema e rzi ndinda mamɛ ema Lohwɛ̀ a e ohweyà. Hwatò ema hwa rzi hweyàne e mòtò ema Lohwɛ̀ à mà ike o rze o lì kòkòwɛ̀lɛ̀ hwatò hwà mà kɔ̀kìrzɛ̀hwɛ̀. Nà oma hwà mà kɔ̀kìrzɛ̀hwɛ̀, nanù ndi irzɔ hvɛ jo ò kɔ̀kìrzɛ̀hwɛ̀ i rza hweyàni tɛ màyòwà ema mà uwɛ̀lɛ̀lɛ̀yi o ŋmanyu ya Lohwà.

Hibrù 2:3

Nɛ rzɔ, inyɔ e ɔ̀ŋgɛ̀lɛ̀ nanù ema irzɔ i tànɛyi lì hwaŋga ene e kɔ̀kìrzɛ̀, e hwèlì tɛ nanù ema irzɔ̀ i rza hwɛni tɛ e hvonda na mono ŋmɛ̀ndì mò gbamù e? Mono ŋmɛ̀ndì mò gbamù, mɔ̀ ndi mo jànà ene tumba mòrzùŋgèlì. È Rzàŋgo Yerzù mɔ̀ ŋmitɛ ŋmitɛ ndi à lomi lì ohweyà hwatò lì hvomɛ̀nɛ̀ mono ŋmɛ̀ndì mò gbamù. Ndeŋgànɛ̀lɛ̀ hwatò ema hwà mà hweya hweyà ema mɔ̀ à mà ohwe, hwà mà jo gbeyà irzɔ o lì rzɔ̀ŋgìtɛ̀nɛ̀ nanù ema hweŋge hweyà hwe ma hwɛ ndi e jɔ̀kɛ̀.

Hwèwulùwèlì 20:15

Tɔ̀ njɛnɛ ema lìinà là eni lì rzi tìlahwɛ ò tenì yà è kààtì yà lòŋgɛ, à ò hvìmbàhwà ò tenì yà yùlu yà mùnya.