Hwègbèèlì 4:1 - Mokpwe: Bakwery (New Testament)

¹ Pètrò nà Yòwanìrzɛ̀ hwà mà hwɛ lì òhwirzɛnɛ hwatò. Nà òma hwà mà hwɛ lì gbeyà nanù, lòŋgò la ipilìrzi na e mòkànèlì wa ipòlìrzi hwa e ndawò yà Lohwà, na lòŋgò la Rzàdòrzi hwà mà hwa jèeya.

Hwègbèèlì 4:1 Mawu Ofanana

Matiyò 16:12

Hwà-òkòwèlì hwa eni rzìi hwa rzɔ̀ŋgìtɛ̀nɛ̀ nanù ema Yerzù a rzi hwɛ̀ ndi lì hwa òhweyà ema hwa aŋgòhweyà ehwindi ema hwa gbeyàna hwèhvòòtò. Ndi à mà hwɛ ndi lì hwa òhweyà ema hwa àŋgòhweyà hwèyòkòlelì hwe Ihvàlìrzàyì na Irzàdùrzì.

Matiyò 22:16

Hwàŋga hwatò hwà mà òmeya Yerzù Hwà-òkòwèlì hwa awu, mòndeŋge na hwatò hwa èhvèhva yà ama Hɛ̀rɔ̀dì. Hwanu hwatò rzi hwa ijòwa Yerzù nanù ema, “Ìi Mòòkòlèlì, i hwi nanù ema ò òhwa e jɔ̀kɛ̀. Ndèŋgànà i hwi hvɛ nanù ema hwèyòkòlèlì hwe aŋgɔ̀ lì hvòmɛ̀nɛ̀ imbenda ja ama Lohwɛ̀ hwe hwèlì ndi jɔ̀kɛ̀. Màlùteyà ma hwatò na hwèhwɛ̀ɛlì hwe hwèhvòlò hwe awu hwe rza eŋgòwa hwèyòkòlèlì hwe aŋgɔ̀.

Matiyò 27:20

Ipìlìrzì ndɛnɛ nà hwàmbaki hwà mbòwà hwà ma kɔ̀mɛlɛ̀ è ŋgìndì ò lì òhweyà Pìlatò nanù ema a hwɛmɛ Bàlabàrzi a ɛndɛ e ya eni ndi hwa òŋwe Yerzù.

Matiyò 27:41

Nànù mɛnɛ hvɛ ndi, Ipìlìrzì ndɛnɛ̀ nà hwà-òkòlèlì hwa mbenda na hwàmbàkì hwa mà hwɛ lì mò kùwa nanù ema,

Matiyò 3:7

Nà òma Yòwanìrzɛ̀ à mà ɛnɛ rzayì-rzayì ja Hvàlìrzàyì nà Rzàdùrzì hwa jà ema à hwa lùhwìrzɛ̀, rzìi à hwa òhwèyà nanù ema, “Inyɔ hvèyi! Njɛnɛ à è kòkòhwɛ̀lɛ̀yi nanù ema è hwaŋgè è kɔ̀kìrzɛ̀ yà ama Lohwɛ̀ ema è jà e?

Lukàrzɛ̀ 20:1

Wùnya wɔ̀kɔ, Yerzù a mà hwɛ lì òkòlɛ̀ hwatò ò Ndawò yà Lohwà na lì òhwa Ŋmɛ̀ndì mò Gbamù, Ipìlìrzì ndɛnɛ, nà hwà-òkòlèlì hwa mbenda, nà hwàmbaki hwa mbòwa wɔ̀ hvɛ hwa mà mò jèeyà.

Lukàrzɛ̀ 22:4

Jùdàrzì rzii a ɛ̀ndɛ lì ùŋmanɛlɛ Ipìlìrzì ndɛ̀nɛ, nà hwàkànèlì hwa è Ndawò yà Lohwà rzi a hwa òhweyà, nɛ mɔ̀ à tànɛyì lì hwa àhwìrzɛ̀lɛ̀lɛ̀ Yerzù.

Yòwanìrzɛ̀ 15:20

È ɔ̀ŋgɛ̀lɛ̀ kɔ̀yi-kɔ̀yi mamɛ nà mà è òhweyà nanù ema, ‘Ò rza enje mògbèèlì ema à akayi rzaŋgɛ.’ Hwatò hwa nò tàkìrzɛ̀ tɛ eŋge ŋgàna è hwèlì ndi nanù ema hwa è ò tàkìrzɛ̀ inyɔ hvɛ, hwa mà ika tɛ hwèyòkòlelì hwe ami, nanù òma hwa ò ika hvɛ hwèyòkòlelì hwe anyu.

Yòwanìrzɛ̀ 18:3

Jùdàrzì rzìi à ɛndɛ ò eŋge hvaya ò tenì yà mùùtù mò Njàhwɛ̀, à tìmba è ŋgìndì yà hwanelì hwa njùma nà lòŋgò là hwàgbèèlì hwa è Ndawò yà Lohwà ema Ipilìrzi ndɛnɛ nà Ihvàlìrzàyì hwa mà òme wɔ̀ hwa mà hwanɛ̀ mèkakò, hwètùlù nà hwɛ̀ɛ̀kɛ̀ hwe njùma.

Hwègbèèlì 4:6

Anàrzì ema mɔ̀ ndi à mà hwɛ e Pìlìrzì è Kàrzamì mɔ̀ hvɛ à mà hwɛ aŋga. Nànù mɛnɛ na Kàyìhvàrzì, Yòwanìrzɛ̀ Àlɛ̀rzanda na hwahvɛhvɛ ema wɔ̀ hvɛ hwa hwèlì ò lìtumba la ama e Pìlìrzì e Kàrzami.

Hwègbèèlì 5:17

O eŋge hvònda, e Pìlìrzì e Kàrzàmi na hwèyòrzà hwe eni hwe arzɛ, hwatò hwa ehvehva ya Irzàdùrzì, hwà mà nòneyà i àpɔ̀rzìtòlò na ŋginyà.

Hwègbèèlì 5:24

È hvònda rzɔ ema Ipìlìrzì ndɛ̀nɛ na òŋgò mòkànèlì wa pòlìrzi ema a kànèyà hwàɔŋgèlì hwa e Ndawò yà Lohwà hwà mà hweye nanù, hwà mà hwɛ lì tàmà rzi hwa a ijòwa nanù ema, “Mamɛ e hwèlì jànda ja ene eyà e?”

Hwègbèèlì 5:26

Rzìi òŋgò mòkànèlì hwa pòlìrzi ya e ndawò yà Lohwà à mà ɛndɛ na hwatò hwa eni, a ɛndɛ lì ŋgbaŋgɛ iŋgi àpɔ̀rzìtòlò rzìi a hwa jànà. Ndi hwa rzi gbeyàne ŋginyà ò lì hwa ŋgbaŋgɛ, èhwanja hwà mà òka wɔ̀ŋgɔ̀ nanù ema hwatò ema hwà mà hwɛ aŋga hwà mà tànɛyi lì hwa aŋgba màŋyàyi.

Hwègbèèlì 6:12

O ene ŋgàna rzɔ hwaŋga hwatò ema hwà mà teŋgɛ̀nɛ̀ Rzìtehvànɛ, rzìi hwa hvuŋguwa mèèmà me hwatò, hwàmbaki hwa mbòwa na hwà-òkòlèlì hwa mbenda. Hwà mà hvùma Rzìtehvànɛ rzìi hwa mò ɛ̀ndɛnɛ ò wòrzò wò wòlìya wò hwèkàyìrzèlì.

Hwègbèèlì 6:7

Ène eyà e ma gbeyà eyà ya Lohwà e nyàla ò erzòòkà ya arzɛ. Mɔ̀rzɔ̀ŋgi mò hwàlòkèlì ò Jèrurzalɛ̀mù mò ma nyàla karzi-karzi. Ndeŋgànɛ̀lɛ̀ rzayì-rzayì ja Pìlìrzì i ma wòteyà ò lì òŋgama ŋmɛ̀ndì mò gbamù.