Hwègbèèlì 3:6 - Mokpwe: Bakwery (New Testament)

⁶ Ndi Pètrò à mà mò òhweyà nanù ema, “Nà rza òhvi tɔ̀ kahvà ò lì ò ŋgba. Ndi na ò ŋgbà mamɛ ema imba na òhvi. O lìna la ama Yerzù Krirztò mòtò wa Nàrzàrɛ̀tì tɛ̀mɛ̀nɛ ò ŋmanyu ò ɛ̀ndɛ!”

Hwègbèèlì 3:6 Mawu Ofanana

Matiyò 10:9

È rzìi akpatɛ na tɔ̀ wòlì.

Matiyò 7:22

O wòŋgò wùnyà wò hwèkàyìrzèlì rzayì-rzayì ja hwatò hwa ò nò jèeyà lì òhwà nanù ema, ‘Rzàŋgò, Rzàŋgò rzeke irzɔ i mà hwɛ lì òhweyà hwatò hweyà ema Lohwɛ̀ à mà jò òmane ema i hwa òhweyà nanù ema hwe ò gbèyɛ̀nɛ̀. Rzeke i mà gbeyàna lìinà la aŋgɔ̀ ò lì hvaya hwèlìŋgɛ̀ hwe wòhwe ò hwatò, na lì gbeyà hvɛ rzayi-rzayi ja hweyà hwe mànyakà e?’

Makòrzì 14:8

À gbèyi è yɔ yà eni ema à tànɛ̀yi. À nò kòmi lìni lìyɔ̀ki là hvɛ̀ɛ̀hvɛ̀ ò nyò yà ami ò lì wòŋgìrzɛ̀nɛ̀ lì imàhwɛlɛ là ami ndèŋgàna è hvònda.

Makòrzì 16:17

Hwatò ema hwa lòkɛ̀yì hwa òhva ŋginyà ò lì gbeyà hweyà hwe mànyakà: Wɔ̀ hwa ò hvaya hwèlìŋgɛ̀ hwe wòhwe ò lìna la ami, wò òhwa hvɛ imbɔrzi hvènya.

Yòwanìrzɛ̀ 19:19

Pìlatò rzìi à tìla mòtìla ò ehwambò rzìi à è wòmeyà ò mbarza, ò ŋmanyu teŋyi lì aka èki ema mòòhvò mò ama Yerzù mò mà hwɛ. Mòtìla mò mà hwɛ nanù ema, “Yerzù mòtò wà è mbòwa yà Nàrzarɛ̀tì è Kìŋgɛ yà wònyà Yudà.”

Hwègbèèlì 10:38

Inyɔ e hwi nanù ema Lohwɛ̀ à mà ɔ̀kirzɛ̀ Yerzù, è mòtò wà Nàrzàrɛ̀tì, rzìi à mò ŋgba Èlìŋgɛ̀ yà Wòtani nà è ŋginyà. Yerzù à mà hwɛ lì ɛndɛ ò èki yà arzɛ, rzìi a à gbeyà gbamù. Nà òma Lohwɛ̀ à mà hwɛ na mɔ̀, mɔ̀ à mà wɔ̀wìrzɛ̀ hwatò hwa arzɛ ema hwà mà hwɛ ò rze ya e ŋginyà ya ama Mòkarzɛ̀.

Hwègbèèlì 16:18

A ma gbeyà nanù ò tenì ya rzayì-rzayì ja mèenyà, natɛ̀ɛ e ma tàtìrzɛ̀ Pàwolò, rzi a mò ayeŋgòwɛ̀lɛ̀lɛ̀ a kanja èŋge èlìŋgɛ̀, a yò òhweyà nanù ema, “O lìna la ama Yerzù Krirztò na ò kànèlì ò mò anjiye ò nyò.” O lìŋgi lìrzakò mɛnɛ, èŋge èlìŋgɛ̀ ya wòhwe e ma mò anjiya ò nyò.

Hwègbèèlì 2:22

Petrò rzìi a ɛ̀ndɛ̀nɛ̀ e mbɔrzi ò wòrzò rzìi a òhwa nanù ema, “Hwàtò hwa Irzàyɛ̀lì, e òkànèyà kɔ̀yi-kɔ̀yi ò hweyà ema na arza lì òhwa. Lohwɛ̀ à mà gbeyà Yerzù mòtò wa e mbòwa ya Nàrzàrɛ̀tì ò lì gbeyà hweyà hwe ndɛnɛ hwe mànyakà na hwembànèlì ò lì e uŋmɛ̀lɛ̀ nanù ema mɔ̀ ŋmitɛ-ŋmitɛ ndi à mò òmi. Inyɔ hwiti e hwi nanù èhwanja eŋge eyà e ma gbèyɛ̀nɛ ndi ò ìtììtènì ja anyu.

Hwègbèèlì 2:36

Petrò rzìi a hwatɛ hvɛ ò lì òhwa nanù ema, “O eŋgànɛlɛ rzɔ inyɔ hwa arzɛ hwatò hwa Irzàyɛ̀lì e hwɛni lì hwiye na e jɔ̀kɛ̀ nanù ema, ò nò Yerzù ema inyɔ e ma wòmeyà ò mbarza mɔ̀ ndi à hwèlì e mɔ̀ ema Lohwɛ̀ à mà gbeyɛ, e Rzàŋgò ndèŋgànɛ̀lɛ̀ mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi.”

Hwègbèèlì 3:16

Onò mòtò ema e ɛnɛ nanù ema e hwi gbamù. È ŋginyà ema lìinà la ama Yerzù lì hwɛni na lì lòkɛ̀ ema mɔ̀ à hwɛni, na lì lòkɛ̀ hvɛ ema mɔ̀ à hwɛni na lìŋgi lìna lɔ ndi lì ŋgbelì ònò mòtò ema à mà hwɛ mbòkò e ŋginyà na lì mò wɔ̀wìrzɛ̀. Ndeŋgana inyɔ hwiti e ma ɛnɛ.

Hwègbèèlì 3:5

Oŋgò mòtò rzìi a hwa rzòkɛ mìirzɔ̀ a ɔ̀ŋgɛ̀lɛ̀ nanù ema a ò wa lùwàna jùùmɛ̀.

Hwègbèèlì 3:7

Pètrò rzìi a mò lɛmbɛ ò lìiya la eni la mòme a mò òŋgòwànà ò lì tɛ̀mɛ̀. O ŋgelì hvɔ̀kɔ mɛnɛ, òŋgò mòtò meende na hwèkɛ̀ŋgɛ̀ hwe eni hwe màtàŋgà hwe ma wɔ̀wɔ̀ rzìi hwe enyòhwɛ̀nɛ̀.

Hwègbèèlì 4:10

inyɔ hwatò hwa arzɛ hwa Irzàyɛ̀lì e hwiye rzɔ ndi nanù ema, ònò mòtò ema a e tɛmelì ò wòrzò à mà wɔ̀wìrzɛ̀hwɛ ndi na e ŋginyà ema e hwèlì ò lìna la ama Yerzù Krirztò, mòtò wa Nàrzàrɛ̀tì. È ma wòmeyà ò mbarza, ndi Lohwɛ̀ à mà mò hvùmùlɛ ò kpelì.

Hwègbèèlì 4:7

Hwà mà tɛmirzɛ Pètrò nà Yòwanìrzɛ̀ ò wòrzò wa awu, rzìi hwaa hwà ijòwa nanù ema, “Ima ŋginyà na ima lìna ema inyɔ e ma gbeyàne ò lì wɔ̀wìrzɛ̀ ònò mòtò ema à mà hwɛ mbòkò e?”

Hwègbèèlì 9:34

Pètrò à mà mò òhweyà nanù ema, “Aneyàrzì e, Yerzù Krirztò a ò wɔ̀wìrzɛ̀ anu naŋgɛ. Tɛmɛ ò ŋmanyu, ò rzeeya lìnɔ̀ŋgɔ la aŋgɔ̀.” Ŋgelì hvɔ̀kɔ Aneyàrzì à mà tɛ̀mɛ̀nɛ.

1 Kɔ̀rintìyà 4:11

O lìni lìrzako irzɔ i ɛ̀ndɛnɛ ndi na e njàwò na e nyìrzɛ̀ ya malìhwa, i rza ohvi hvɛ tɔ̀ màatù ema mà jo kànɛ̀yi. Hwatò hwa jo anana hvɛ ndi i hvonda ja arzɛ. I rza hwɛnì hvɛ tɔ̀ èki ya lì lìya.

2 Kɔ̀rintìyà 6:10

I hwèlì o tenì ya ndùtù ndi o i hvonda ja arzɛ i hwèlì o mɔ̀nyɛ̀ŋgì. Tɔ̀ nɛ i rza ohvɛ hwema rzayi-rzayi ndi èwòlò ema i gbeyà e gbeyà hwatò rzayi-rzayi o lì lòkɛ̀ Lohwɛ̀. O èŋgànɛ̀lɛ̀ rzɔ eŋge e hwa gbèyi ema wɔ̀ hwa ohvi hwema rzayi-rzayi. Tɔ̀ nɛ i rza ohvɛ tɔ̀ yoma, mònàmɛ̀ mò ama Lohwɛ̀ mo hwèlì ndi e mo arzu.

2 Kɔ̀rintìyà 8:12

È hwɛnì tɛ nyɔ̀ŋgi ya lì ŋgbà mòtò yoma na oma e ohvi, e emànɛ̀lɛ̀hwɛ̀yì na Lohwɛ̀. Lohwɛ̀ a rza arza nanù ema mòtò a ŋgbe lì aka mamɛ ema a ohvi.

2 Kɔ̀rintìyà 8:9

È hwi na oma e Rzàŋgo ya arzu Yerzù Krirztò a e oŋgòhwànà o lì hwɛ enji. Tɔ̀ ima lìtumba la yòma ema Lohwɛ̀ a hwɛnì, mɔ̀ Yerzù ndi à e hwɛni. Ndi tɔ̀ nanù o nyòla ya anyu à mà hwɛmɛ eŋge ehwàŋgì ya eni ya arzɛ o ŋmanyu rzìi a rzihwa anù rze nàa mòtakèlì wa mòtò. A ma gbeyà ndi nanù o lì arza nanù ema inyɔ e luwe mònàmɛ̀ ema Lohwɛ̀ a ŋgbà hwatò.

Jèmìrzì 2:5

Wònyànyàŋgo wa ami kòkò, e okànèyà. Rzeke e hwèlì ndi e jɔ̀kɛ̀ nanù ema Lohwɛ̀ mɔ̀ à mà màa lì hvɔ̀rzɔ̀ mèlìrzà me hwatò ema hwa hwɛ hwàlòkèlì hwa ama Krirztò e? Ndèŋgànɛlɛ lìŋgi lì lòkɛ̀ ndi lì hwèlì mònàmɛ̀ mo awu, ndèŋgànɛ̀lɛ mɔ̀ à mà hwa hvɔ̀rzɔ̀ nanù ema wɔ̀ ndi hwa hwèlì hwatò ema hwa o hwɛ lìkànèyà la eni. Ndeŋgànɛlɛ lìŋgi lìkànèyà ndi mɔ̀ à ohwi nanù ema, mɔ̀ à ŋgba hwatò ema hwa mo lìŋgàni.

1 Pètrò 4:10

È hwɛ hwàgbèèlì hwa gbamù ndèŋgànɛ̀lɛ̀ e gbeyàne màahweyà ma anyu o lì oŋgowàna mɔ̀kɔ na ɔ̀nɛyi.