Hwègbèèlì 3:16 - Mokpwe: Bakwery (New Testament)

¹⁶ Onò mòtò ema e ɛnɛ nanù ema e hwi gbamù. È ŋginyà ema lìinà la ama Yerzù lì hwɛni na lì lòkɛ̀ ema mɔ̀ à hwɛni, na lì lòkɛ̀ hvɛ ema mɔ̀ à hwɛni na lìŋgi lìna lɔ ndi lì ŋgbelì ònò mòtò ema à mà hwɛ mbòkò e ŋginyà na lì mò wɔ̀wìrzɛ̀. Ndeŋgana inyɔ hwiti e ma ɛnɛ.

Hwègbèèlì 3:16 Mawu Ofanana

Matiyò 14:29

Yerzù rzìi a mò òhweyà nanù ema, “Jà!” Rzìi Pètrò a rzihwa ò wɔ̀lɔ̀, a wòteya lì ɛ̀ndɛ̀nɛ̀ matàŋgà ò ŋmanyu ya malìhwa ò lì ɛ̀ndɛ lì ùŋmanɛlɛ Yerzù.

Matiyò 9:22

Yerzù rzìi a ayèŋgòwɛ̀ à mò ɛnɛ̀, rzìi à mò òhweyà nanù ema, “È ŋmanà wà amì wà mòlanà kòkò, lìlòkɛ̀ la aŋgɔ̀ ndi lì ò wɔ̀wìrzɛ̀yi.” Lìwòkìmɛ̀nɛ̀ òŋgò mòlanà à mà wɔ̀wɔ̀.

Yòwanìrzɛ̀ 14:12

Nà e òhweyà ndi e jɔ̀kɛ̀. Tɔ̀ ima mɔ̀ ema a nò lòkɛ̀yì, a ò gbeyà hweyà ema na gbeyà. Mɔ̀ a ò gbeyà tɔ̀ hweyà ema hwe akayi hwenè hweyà. Èhwanja imba na ɛ̀ndɛ òma Tatɛ̀.

Yòwanìrzɛ̀ 7:23

È hwèlì tɛ ema mòtò à endàhwà ò wùnyà wò lì arziyòlɛ, aŋga nanù ò ma hwà mà unda e mbenda yà ama Mòrzè. Yaa mamɛ ndèŋgàtɛ̀ e nò tatana èhwanja na wɔ̀wìrzɛ̀ mòtò ò wùnyà wò lì arziyòlɛ e?

Hwègbèèlì 14:9

A ma hwɛ lì òkànèyà na òma Pàwolò à mà hwɛ lì òhwa ŋmɛ̀ndì mò gbamù. Pàwolò a mò rzòke mìirzɔ̀, rzìi a ɛnɛ nanù ema òŋgò mòtò a hwɛnì lìlòkɛ̀ nanù ema a ò wɔ̀wìrzɛ̀hwɛ.

Hwègbèèlì 16:18

A ma gbeyà nanù ò tenì ya rzayì-rzayì ja mèenyà, natɛ̀ɛ e ma tàtìrzɛ̀ Pàwolò, rzi a mò ayeŋgòwɛ̀lɛ̀lɛ̀ a kanja èŋge èlìŋgɛ̀, a yò òhweyà nanù ema, “O lìna la ama Yerzù Krirztò na ò kànèlì ò mò anjiye ò nyò.” O lìŋgi lìrzakò mɛnɛ, èŋge èlìŋgɛ̀ ya wòhwe e ma mò anjiya ò nyò.

Hwègbèèlì 3:6

Ndi Pètrò à mà mò òhweyà nanù ema, “Nà rza òhvi tɔ̀ kahvà ò lì ò ŋgba. Ndi na ò ŋgbà mamɛ ema imba na òhvi. O lìna la ama Yerzù Krirztò mòtò wa Nàrzàrɛ̀tì tɛ̀mɛ̀nɛ ò ŋmanyu ò ɛ̀ndɛ!”

Hwègbèèlì 3:8

Oŋgò mòtò rzìi a tɛ̀mɛ̀nɛ ò ŋmanyu, a hvanja rzìi a wòteya lì kɔ̀kɔ̀ mèendè ma eni aŋga. Rzìi mɔ̀ à kpèeyà ò Ndawò yà Lohwà na Petrò na Yòwanìrzɛ̀, a à hvanja a eka Lohwɛ̀.

Hwègbèèlì 4:10

inyɔ hwatò hwa arzɛ hwa Irzàyɛ̀lì e hwiye rzɔ ndi nanù ema, ònò mòtò ema a e tɛmelì ò wòrzò à mà wɔ̀wìrzɛ̀hwɛ ndi na e ŋginyà ema e hwèlì ò lìna la ama Yerzù Krirztò, mòtò wa Nàrzàrɛ̀tì. È ma wòmeyà ò mbarza, ndi Lohwɛ̀ à mà mò hvùmùlɛ ò kpelì.

Hwègbèèlì 4:30

O uŋmɛ̀lɛ̀ e ŋginyà ya aŋgɔ̀ ò lì wɔ̀wìrzɛ̀ hwatò. Ndeŋgana ò jò gbeye irzɔ ò lì tanɛ lì gbeyà hwembànèlì na hweyà hwe mànyakà lì akeyà na lìinà la ama Yerzù, e mògbèèlì wa aŋgɔ̀ wa Wòtani.”

Hwègbèèlì 4:7

Hwà mà tɛmirzɛ Pètrò nà Yòwanìrzɛ̀ ò wòrzò wa awu, rzìi hwaa hwà ijòwa nanù ema, “Ima ŋginyà na ima lìna ema inyɔ e ma gbeyàne ò lì wɔ̀wìrzɛ̀ ònò mòtò ema à mà hwɛ mbòkò e?”

Ròmànì 3:22

Èŋge ŋgàna e hwèlì ndi nanù ema, tɔ̀ ima mòtò ema a lòkɛ̀ Yerzù Krirztò mɔ̀ ndi à tɛmi ehve-ehve. O rza enje tɔ̀ tìŋgɛ̀ ema mòtò a hwèlì ndi wònyà Yudà tɔ̀ a rza enje wònyà Yudà.

1 Kɔ̀rintìyà 13:2

Tɔ̀ na hwɛnɛ hvɛ ndi jàhwèyà ja lì ohwa ŋmɛ̀ndì mo Lohwɛ̀ nɔke-nɔke, tɔ̀ na hwɛnɛ hvɛ ndi lìhwiyè la lì rzɔ̀ŋgìtɛ̀nɛ̀ la ìwùndɛ̀ ja arzɛ. Nà tànɛyi hvɛ tɛ lì hwɛnɛ̀ lì lòkɛ̀ ema lì no gbeyà ema na ohweyà e hvàko, ema e tikowe hwetɛmelì hweni. Rzi na rzi uŋmɛ̀lɛ̀ hwatò e ndìŋgɛ, nanù oma na rza enje tɔ̀ eyà.