Hwègbèèlì 3:14 - Mokpwe: Bakwery (New Testament)

¹⁴ È mà rzɔ̀rzɔ̀ è mɔ̀ wà Wòtani nà Èhve-ehve, rzìi inyɔ è timba ndi lì rzòrzòmeyà Pìlatò nanù ema à è rzòlòhweyà ndi è mòtò ema à òŋwa hwatò.

Hwègbèèlì 3:14 Mawu Ofanana

Matiyò 27:20

Ipìlìrzì ndɛnɛ nà hwàmbaki hwà mbòwà hwà ma kɔ̀mɛlɛ̀ è ŋgìndì ò lì òhweyà Pìlatò nanù ema a hwɛmɛ Bàlabàrzi a ɛndɛ e ya eni ndi hwa òŋwe Yerzù.

Makòrzì 1:24

“Jìyeyi! Ìi Yerzù wà Nàrzàrɛ̀tì, mamɛ ò jò àrzàna e? Ò jelì ndi lì jò hvàŋga e? Nà hwi njɛnɛ ò hwèlì, ò hwèlì ndi è mɔ̀ ema Lohwɛ̀ à òmi, ema à Tàni.”

Makòrzì 15:11

Ndi Ipìlìrzì ndɛnɛ̀ ì mà hwɛ ndi lì umbɛlɛlɛ èŋge ŋgìndì lì òhweyà Pìlatò nanù ema a hwa ulɛlɛ ndi Bàrabàrzì ò hwèwòwà.

Makòrzì 15:7

Ò èŋge hvònda, mòtò mɔ̀kɔ ema à mà hwɛ̀lɛ̀hwɛ̀ Bàrabàrzì, à mà hwɛ ò hwèwòwà. À mà hwɛ ò hwèwòwà nà hwahvɛhvɛ hwatò ema hwà mà hvùŋguhwa lìkànèyà là Ròmànì.

Lukàrzɛ̀ 1:35

È aŋgèlì è mà mò alàhwɛ̀ nanù ema, “Èlìŋgɛ̀ yà Wòtani e ò rzìhweyà, ndèŋgàna è ŋginyà yà ama Lohwɛ̀ lì karzamì è ò hwandà. O eŋgànɛ̀lɛ̀, òŋgò Ŋmanà wà wòtani ema o ò ŋya, a ò hwɛ̀lɛ̀hwɛ̀ ndi è Ŋmanà wà ama Lohwɛ̀.

Lukàrzɛ̀ 23:25

À ma hwa rzòlòhweya è mòtò ema hwa mà àrze. Òŋgò mòtò ema à ma òŋwa è mòtò, ema à ma jànà hvɛ lùwànje ò mbòwà. À mà hwa ŋgba Yerzù à ma hwa mò gbeyàne tɔ̀ mamɛ ema hwa mà àrze.

Yòwanìrzɛ̀ 16:10

Hwa tòni lì hvòmɛ̀nɛ̀ hweyà ema hwe hwèlì jɔ̀kɛ̀, èhwanja imba na ɛ̀ndɛ òma Tatɛ̀, ndèŋgàna inyɔ e rza ò nò ɛnɛ hvɛ.

Yòwanìrzɛ̀ 18:40

Wɔ̀ hwa mà alàhwɛ̀ nà mèrzeya nanù ema, “Jàyɛ̀! Rzekɛtɛ mɔ̀. Ò jò rzòlòhweya ndi Bàrabàrzì!” (Bàrabàrzì à mà hwɛ ndi ŋmìhwɛ̀ mò ndɛɛ̀ndɛ).

Hwègbèèlì 13:28

Tɔ̀ nɛ wònyà Yudà hwa rzi lùwɛ tɔ̀ njɔ̀mì ò lì mò òŋwa, hwa mà òhweyà Pìlatò nanù ema à gbèye hwa òŋwe Yerzù.

Hwègbèèlì 2:27

Nà àrzìyòlɛ̀ ò lìhvìta èhwanja à rza ò kìnyɛ̀lɛ̀ èlìŋgɛ̀ yà ami ò èkòmè ya kpelì, ndèŋgànɛ̀lɛ̀ ò rza ò emeyà nanù ema èèmbè yà ama è mògbèèlì wà aŋgɔ̀ ema à ò gbèeyà nà ŋmèma mɔ̀kɔ ò lì rzɔ̀mbeyà ò tenì ya rzɔ̀ŋgɔ̀.

Hwègbèèlì 22:14

O mburza nanù, Ànàniyarzì rzìi à òhwa nanù ema, ‘Lohwɛ̀ la ama imbamba ja arzu à mà màà lì ò hvɔ̀rzɔ̀ ò lì hwiya lì emeyà la eni, na ò lì ɛnɛ e Mɔ̀ ema a hwèlì Èhve-ehve na ò lì hweyà imbɔrzi ema jò uwɛ̀lɛ̀lɛ̀yì ò wàna ya eni.

Hwègbèèlì 4:27

È ma gbèyɛ̀nɛ nanù. Hɛ̀rɔ̀dì na Pòntìyùrzì Pìlatò hwà mà taneya ò ene mbòwà nàa hwatò ema hwa rza enje wònyà Yudà na hwàtimbelì hwa wònyà Irzàyɛ̀lì. Wɔ̀ hwà mà gbeyà ndi nanù, ò lì gbeyà hwètɛ̀yìrzèlèlì lì teŋgɛ̀nɛ̀ Yerzù, e mògbèèlì wa aŋgɔ̀ ema a hwèlì Wòtani, ndèŋgànà mɔ̀ ema ò wa ò ma Ɔ̀kirzɛ̀yi.

Hwègbèèlì 5:28

“I ma e kòkòwɛ̀lɛ̀ nanù ema, e rzi keka lì òkòlɛ̀ eyà ò lìna lì ama ònò mòtò, ndi inyɔ e ma òndìrzɛ̀ e mbòwà ya Jèrurzalɛ̀mù na hwèyòkòlèlì hwe anyu. Ndeŋgànɛ̀lɛ̀ inyɔ ya arza lì òhwa nanù ema irzɔ ndi jò òŋwi ònò mòtò.”

Hwègbèèlì 7:52

O ma hwɛ tɔ̀ mòòhwèlì wà èlìŋgɛ̀ tɔ̀ mɔ̀kɔ ema imbamba ja anyu, i rzi tàkirzɛ̀ e? Wɔ̀ hwà mà òŋwa irzuhwɛlɛ ja ama Lohwɛ̀ ja arzɛ ja kòhwa, ema hwà mà hwɛ lì òhwa lì hvòmɛ̀nɛ̀ hwejèelì hwe ama e mɔ̀ ema a gbèeyà hweyà ema hwe hvòmɛ̀nɛ̀. O naŋgɛ rzɔ inyɔ e ma mò àhwirzɛ̀ na lì mò òŋwa.

2 Kɔ̀rintìyà 5:21

Lohwɛ̀ à mà hvɔ̀rzɔ̀ Yerzù o lì taka o nyòla wòhwe hwa arzu hwa arzɛ ema i ma gbeyɛ. Yerzù a rza gbèyi tɔ̀ wòhwe tɔ̀ nɛ à mà emeyà o lì ŋwa o nyòla arzu. Lohwɛ̀ à mà jo làkìrzɛ̀ wòhwe wo arzu ndèŋgànɛlɛ a ohwi à mà i rza gbeyà wòhwe hvɛ na oma mɔ̀ hvɛ a rza gbeyà wòhwe.

Jèmìrzì 5:6

Inyɔ e ohwa nanù ema hwatò ema hwa gbeyà hweyà ema hwe hvomɛ̀nɛ̀yi o worzo wo ama Lohwɛ̀ hwa hwèlì ndi hwatò hwa wòhwe, ndeŋgànɛlɛ inyɔ e hwa oŋwa. Hwa rza tànɛyi lì tɛ̀mɛ̀ o lì e teŋgɛ̀nɛ̀.

1 Pètrò 3:18

Nà ohwi ene eyà nanù ehwànja Krirztò mɔ̀ hvɛ à mà taka na lì ŋwa o nyòla wòhwe wo arzu o ŋgèlì hvɔ̀kɔ o iŋgèlì ja arzɛ. A ma hwɛ ndi mòtò ema à mà hwɛ lì gbeyà hweyà ema Lohwɛ̀ a arza, ndi à mà ŋwa o nyòla hwatò hwa wòhwe. A ma gbeyà ndi nanù aŋga nanù irzɔ i uka o ma Lohwɛ̀. Hwàto hwà mà mo òŋwa ndi e nyàma nyo ya eni ya e mòtò wa hwènàmà ndi e ma ŋwa. Lohwɛ̀ à mà gbeyà èlìŋgɛ̀ ya eni o lì hwɛ lòŋgɛ.

1 Yòwanìrzɛ̀ 2:1

Inyɔ ema e hwèlì nàa hwàanà hwa ami, na e tìleya ene kààtì aŋga nanù e rza gbeyà wòhwe. Ndi e hwèlì tɛ ema mòtò a gbèyi tɛ wòhwe, irzɔ jo òhvi mòtò ema a tɛmi ehve-ehve Yerzù Krirztò. Mɔ̀ ndi à jo rzorzomeya e Tàtɛ.

Hwèwulùwèlì 3:7

À mà nò òhweyà hvɛ nanù ema, “Tìleyà è aŋgèlì ema è hwèlì ò ŋmèmba ema mò hwèlì ò Hvìladɛlhvìyà nanù ema, “Ŋmɛ̀ndì mono ema mò uwɛ̀lɛ̀lɛ̀yì nà è mɔ̀ ema à hwèlì wòtani nà jɔ̀kɛ̀. Mɔ̀ à hwɛni màyìmbì ò lì kànèyà nyayi hvɔ̀kɔ nà oma kìŋgɛ Dàhwitì à mà hwɛ lì kànèyà. Mɔ̀ à lìhvo tɛ lìyòhva tɔ̀ mòtò à rza tànɛ à lì umba, ndèŋgànɛlɛ à umbi tɛ lìyohva tɔ̀ mòtò à rza tànɛ à lì lìhvowa.