Hwègbèèlì 3:13 - Mokpwe: Bakwery (New Testament)

¹³ Lòohwà là ama, Abràhamù, Irzàkì nà Jèkɔ̀bù, Lòohwà là ama hwà tàatɛ̀, lɔ̀ ndi lì ŋgbèlì è mògbèèlì hwa eni Yerzù èluhwe. Inyɔ è mà mò akɛ̀lɛ̀lɛ̀ ò màà mà hwàkànèlì nanù ema à òŋwahwe, rzìi è mò rzɔ̀rzɔ̀ ò wòrzò wò ama Pìlatò. Tɔ̀ nɛ Pìlatò mɔ̀ à mà ɔ̀ŋgɛ̀lɛ̀ nanù ema à rzòlòwàhwè inyɔ è mà tìmba lì mò rzɔ̀rzɔ̀.

Hwègbèèlì 3:13 Mawu Ofanana

Matiyò 11:27

“Tatɛ̀ wa ami a nò ŋgbelì hweyà hwe arzɛ ò màà mà ami. Tɔ̀ mòtò a rza hwi a hwiya e ŋmanà lì aka tɛ Lohwɛ̀ e Tatɛ̀. O rza enje hvɛ tɔ̀ mòtò ema a hwi a hwiya nɛ e Tatɛ̀ yɔ hvɛ e hwèlì lì aka tɛ e ŋmanà na tɔ̀ ima mòtò ema e ŋmanà a ò lìŋgànɛ ò lì mò uŋmɛ̀lɛ̀.

Matiyò 20:19

Rzi hwa mò akɛlɛlɛ ò hwaŋga hwatò ema hwa rza enje wònyà Yudà ema hwa mò yɔ̀yeya, hwa mò gbiyɛ hvònji na lì mò wòmeya ò mbarza. O wùnyà ema wò ò ùkirzɛ̀ mèenyà meyawò, Lohwɛ̀ a ò mò hvùmùlɛ.”

Matiyò 22:32

Mɔ̀ à mà òhwa nanù ema, ‘Nà hwèlì ndi Lohwà là ama Abràhamù, Irzàkì, nà Jèkɔ̀bù.’ Lohwɛ̀ à rza enje Lohwà là hwatò ema hwa mà ŋwɛ̀ɛ̀, à hwèlì ndi Lòohwà là hwatò ema hwa hwèlì lòŋgɛ.”

Matiyò 27:2

Hwà mà mò kaka, rzi hwà tìmbà lì mò akɛlɛlɛ Pìlatò ema mɔ̀ ndi e kiŋgɛ ya èkòmè ya Ròmànì à mà ika ò lì kànèyà hwatò hwa erzòòkà yà Jùdeyà.

Matiyò 28:18

Yerzù rzìi a tòmbeya lì hwa kòmbɛnɛ rzìi a hwa òhweyà nanù ema, “Nà ŋgbààhwi wònja ò lìkànèyà la ŋmanyu na e rze.

Makòrzì 15:11

Ndi Ipìlìrzì ndɛnɛ̀ ì mà hwɛ ndi lì umbɛlɛlɛ èŋge ŋgìndì lì òhweyà Pìlatò nanù ema a hwa ulɛlɛ ndi Bàrabàrzì ò hwèwòwà.

Lukàrzɛ̀ 22:57

Pètrò à mà hvèyìŋgòwa, rzìi à òhwa nanù ema, “Ìi mòlanà, nà rza mò hwi à hwiyà.”

Lukàrzɛ̀ 23:4

Pìlatò rzìi à ayèŋgòwɛ̀lɛ̀lɛ̀ Ipìlìrzì ndɛ̀nɛ nà è ŋgìndì, rzìi à hwa òhweyà nanù ema, “Nà rza lùwànì ònò mòtò lìtìŋgà ò lì mò tùlɛ.”

Lukàrzɛ̀ 6:37

“È rzi kàyìrzɛ̀ hwahvɛhvɛ hwatò, ndèŋga Lohwɛ̀ à rza ò kàyìrzɛ̀ wa hvɛ. È rzi òhwa hweyà hwe wòhwe lì hvòmɛ̀nɛ̀ hwahvɛhvɛ hwatò, Lohwɛ̀ mɔ̀ hvɛ à rza òhwa wòhwe lì è teŋgɛ̀nɛ̀. È àlàkìrzɛ̀nɛ̀, aŋga ndi Lohwɛ̀ mɔ̀ hvɛ a è làkìrzɛ̀.

Yòwanìrzɛ̀ 12:16

Nà òma hwene hweyà hwe mà gbèyɛ̀nɛ̀, hwà-òkòwèlì hwa eni hwa rzi hwe rzɔ̀ŋgìtɛ̀nɛ̀. Ndi nà òma Yerzù à mà hvùmùwè nà èluhwe yà ama Lohwà, rzìi hwa ɔ̀ŋgɛ̀lɛ̀ nanù ema hweyà ema hwe mà gbèyɛ̀nɛ̀ lì hvòmɛ̀nɛ̀ Yerzù, hwe mà lòma lì tìlahwa.

Yòwanìrzɛ̀ 18:40

Wɔ̀ hwa mà alàhwɛ̀ nà mèrzeya nanù ema, “Jàyɛ̀! Rzekɛtɛ mɔ̀. Ò jò rzòlòhweya ndi Bàrabàrzì!” (Bàrabàrzì à mà hwɛ ndi ŋmìhwɛ̀ mò ndɛɛ̀ndɛ).

Yòwanìrzɛ̀ 19:11

Yerzù à mà alàhwɛ̀ nanù ema, “Ò rza hwɛnì wònjà ò ŋmanyu yà ami natɛ̀ɛ Lohwɛ̀ à ò ŋgbà eŋgè wònjà. Ò èŋgànɛ̀lɛ̀ rzɔ è mɔ̀ ema à nò àkɛ̀lɛ̀lɛ̀ ò màa aŋgɔ̀ à gbèyi wòhwe wò ndɛnɛ.”

Yòwanìrzɛ̀ 19:12

Nà òma Pìlatò à mà hwèye nanù rzìi à wòteyà lì arza nɛ à rzòlòhweyà Yerzù ndì hwaŋga hwatò hwa mà tɛ̀ɛ̀ nanù ema, “Ò rzòlòhwì tɛ ònò mòtò, nanù òma ò rza enje yòrza yà ama Kàyìrzà. Tɔ̀ njɛnɛ à ahwɛlɛyi ŋmìti Kìŋgɛ òma à teŋgɛ̀nɛ̀yi Kàyìrzà.”

Yòwanìrzɛ̀ 19:15

Hwàŋga hwatò hwa tɛ nanù ema, “È mò òŋwe! È mò òŋwe! È mò wòmeya ò mbarza.” Pìlatò rzìi a hwa ijòwa nanù ema, “Nà wòmeya e kìŋgɛ ya anyu ò mbarza e?” Ipìlìrzì ndɛnɛ rzìi i tɛ ò ŋmanyu nanù ema, “I rza òhvi ehvɛhvɛ kiŋgɛ̀ lì aka tɛ Kàyìrzà.”

Yòwanìrzɛ̀ 7:39

Yerzù à mà hwɛ ndi lì òhwa, lì hvòmɛ̀nɛ̀ Èlìŋgɛ̀ yà Wòtani. Èŋge Èlìŋgɛ̀ yà Wòtani yɔ ndi hwaŋga hwatò ema hwà mà mò lòkɛ̀yì hwà mà hwɛnɛ lì ŋgbahwa. O lìŋgi lìrzakò ò ma Èlìŋgɛ̀ yà Wòtani e rzi hwa ŋgbàhwi èhwanja ò lìŋgi lìrzakò ò ma Lohwɛ̀ a rzi uŋmɛ̀lɛ̀ èluhwe ya ama Yerzù.

Hwègbèèlì 22:14

O mburza nanù, Ànàniyarzì rzìi à òhwa nanù ema, ‘Lohwɛ̀ la ama imbamba ja arzu à mà màà lì ò hvɔ̀rzɔ̀ ò lì hwiya lì emeyà la eni, na ò lì ɛnɛ e Mɔ̀ ema a hwèlì Èhve-ehve na ò lì hweyà imbɔrzi ema jò uwɛ̀lɛ̀lɛ̀yì ò wàna ya eni.

Hwègbèèlì 24:14

Ò jɔ̀kɛ̀ imba na imelì ò wòrzò wò aŋgɔ̀ nanù ema na gbèeyà Lòohwà ema imbamba ja arzu i ma gbèeyà nàa òma imba na òŋgama e Njiya ya jɔ̀kɛ̀. Nà lòkɛ̀ hweyà hwe arzɛ ema hwe tɛmi ehve-ehve lì hvòmɛ̀nɛ̀ e mbenda ya ama Mòrzè na mamɛ ema hwà-òhwèlì hwa hwèlìŋgɛ̀ hwà mà tìle.

Hwègbèèlì 3:12

Nà òmà Pètrò à mà ɛnɛ hwanu hwatò, rzìi a hwa òhweyà nanù ema, “Ìi wònyà Irzàyɛ̀lì mamɛ ndèŋgàtɛ ene eyà ye tàmìrzɛ̀ nanù e? Mamɛ ndèŋgàtɛ e jò ɔ̀ŋgɔ nanù e? È ɔ̀ŋgɛ̀lɛ̀ ndi nanù ema ò e ŋginyà ya arzu tɔ̀ èhwanja i rzaŋgi ò wòrzò wò ama Lohwɛ̀, ɔ̀ndeŋgàtɛ̀ i wɔ̀wìrzɛ̀ ònò mòtò ema a ɛndɛ e?”

Hwègbèèlì 3:26

Nànù rzɔ ndi Lohwɛ̀ à mà hvɔ̀rzè e Mògbèèlì wa eni rzìi a lòma lì e òmeya e mɔ̀ ò lì e nàmìrzɛ̀, ò lì eŋgòwa inyɔ hwa arzɛ ò lì anjiya ò hwègbèèlì hwe anyu hwe wòhwe.”

Hwègbèèlì 4:27

È ma gbèyɛ̀nɛ nanù. Hɛ̀rɔ̀dì na Pòntìyùrzì Pìlatò hwà mà taneya ò ene mbòwà nàa hwatò ema hwa rza enje wònyà Yudà na hwàtimbelì hwa wònyà Irzàyɛ̀lì. Wɔ̀ hwà mà gbeyà ndi nanù, ò lì gbeyà hwètɛ̀yìrzèlèlì lì teŋgɛ̀nɛ̀ Yerzù, e mògbèèlì wa aŋgɔ̀ ema a hwèlì Wòtani, ndèŋgànà mɔ̀ ema ò wa ò ma Ɔ̀kirzɛ̀yi.

Hwègbèèlì 4:30

O uŋmɛ̀lɛ̀ e ŋginyà ya aŋgɔ̀ ò lì wɔ̀wìrzɛ̀ hwatò. Ndeŋgana ò jò gbeye irzɔ ò lì tanɛ lì gbeyà hwembànèlì na hweyà hwe mànyakà lì akeyà na lìinà la ama Yerzù, e mògbèèlì wa aŋgɔ̀ wa Wòtani.”

Hwègbèèlì 7:32

‘Imba ndi nà hwèlì Lòohwà là ama imbamba ja anyu, Lòohwà là ama Abràhamù, Irzàkì nà Jèkɔ̀bù.’ Mòrzè rzìi a à tùmeyà nà mòkambiya ema à rzi tànɛ hvɛ tɔ̀ lì ɔŋgɔ̀.

Ròmànì 9:5

Wɔ̀ hwa uwɛlɛlɛyi ndi ò mòtende mò ama imbamba ja arzu ja kòhwa. Ndeŋgànɛ̀lɛ̀ Krirztò ò hwehwɛ̀ɛlì hwe eni nàa e mòtò wa hwènàmà, mɔ̀ à uwɛlɛlɛyi ndi ò mòtende mò awu. Inyɛ̀ Lohwɛ̀ ema a kànèyà hweyà hwe arzɛ a ekàhwè i hvònda ja arzɛ. Inyɛ̀ wò lìya nanù.

Hibrù 2:9

Ndi irzɔ ja ɛnɛ nɛ Yerzù a hwèlì. O ŋmanà hvoka hvonda Lohwɛ̀ à mà mo gbeyà ema a rza ukɛ tɔ̀ i aŋgèlì. O nàŋgɛ, Lohwɛ̀ à mà mo ŋgba ŋmàye na èluhwe nàa kìŋgɛ ehwànja o lìtake ema mɔ̀ à lu na e kpelì ema a ŋwelì. Lohwɛ̀ mɔ̀ à mà jo uŋmɛ̀lɛ̀ e ndèli ya eni o e kpelì ya ama Yerzù a ŋwɛlɛlɛyì hwatò hwa arzɛ.

Hwèwulùwèlì 1:18

Imba ndi na hwèlì oŋgo ema a hwèlì lòŋgɛ. Nà ma ŋwa, ndi o naŋgɛ na hwèlì lòŋgɛ o gbìndèyà na o gbìndèyà. Ndeŋgànɛ̀lɛ̀ na kànèyà e mbowà ya e kpelì.

Hwèwulùwèlì 1:5

Yerzù Krirztò mɔ̀ hvɛ à è omelì è ndèli nà ɛ̀yɔ̀lɛ̀. Mɔ̀ ndi à hwèlì è mɔ̀ ema à ohwa è jɔ̀kɛ̀ lì hvomɛ̀nɛ Lohwɛ̀ nyayi ema ì hwi nanù ema è hwèlì è jɔ̀kɛ̀. Mɔ̀ ndi à hwèlì è mòtò wà worzo ema à lomi lì hvùmùlɛ, ndèŋgànɛ̀lɛ̀ mɔ̀ ndi à hwèlì è mòkànèlì hwa ikìŋgɛ jà ene rze. À jò lìŋgàni, ndèŋganɛlɛ mɔ̀ à mà gbeyà wòhwe wò rza jò kànèyà hvɛ nà oma mɔ̀ à jo ŋwèlɛ̀lɛ̀yì ò mèyohvo mè arzu.