Hwègbèèlì 3:11 - Mokpwe: Bakwery (New Testament)

¹¹ Nà òma òŋgò mòtò à mà alɛ̀mbɛ̀nɛ Pètrò nà Yòwanìrzɛ̀, hwatò hwa arzɛ hwà mà tàmà rzìi hwa wòteyà lì hwaŋga ò lì ɛndɛ lì hwa ùŋmànɛ̀lɛ̀ ò e hvàlandà ema e hwɛ̀lɛ̀hwɛ̀ e hvàlandà ya ama Rzòlòmɔ̀nì. O eŋge hvònda e mòtò ema Petrò na Yòwanìrzɛ̀ hwà mà wɔ̀wìrzɛ̀ à mà hwɛ lì hwa òŋgama nanù mɛnɛ.

Hwègbèèlì 3:11 Mawu Ofanana

Lukàrzɛ̀ 22:8

Yerzù rzìi a òma Pètrò nà Yòwanìrzɛ̀, a hwa òhweyà nanù ema, “È ɛ̀ndɛ̀ e rzɛ̀ŋgɛ̀nɛ̀ hwèlèèlì hwe lì Akà Ɔnɛ̀yi.”

Lukàrzɛ̀ 8:38

Òŋgò mòtò ema Yerzù a mà wɔ̀wìrzɛ̀, rzìi a rzòrzòmeyà Yerzù ò lì mò òŋgama. Ndi Yerzù a mà mò tìmbìrzɛ̀ rzìi a mò òhweyà nanù ema,

Yòwanìrzɛ̀ 10:23

Yerzù à mà ɛndeya ò hvàlàndà yà è Ndawò yà Lohwà ema e hwɛ̀lɛ̀hwɛ̀ e Hvàlàndà yà ama Rzòlòmɔ̀nì.

Hwègbèèlì 2:6

Nà òma wɔ̀ hwà mà hweye mònò mɔtɔwu, ŋgindi ndɛnɛ ya hwatò e ma arzaŋganɛ ò eŋge èki ema hwalòkelì hwà mà hwɛ. Tɔ̀ ima mɔ̀ wa awu à mà jeja èhwanja na òma hwàlòkèlì hwà mà hwɛ lì òhwa, wɔ̀ hwa arzɛ hwà mà emba imbɔrzi ja awu ja mbòwa.

Hwègbèèlì 3:12

Nà òmà Pètrò à mà ɛnɛ hwanu hwatò, rzìi a hwa òhweyà nanù ema, “Ìi wònyà Irzàyɛ̀lì mamɛ ndèŋgàtɛ ene eyà ye tàmìrzɛ̀ nanù e? Mamɛ ndèŋgàtɛ e jò ɔ̀ŋgɔ nanù e? È ɔ̀ŋgɛ̀lɛ̀ ndi nanù ema ò e ŋginyà ya arzu tɔ̀ èhwanja i rzaŋgi ò wòrzò wò ama Lohwɛ̀, ɔ̀ndeŋgàtɛ̀ i wɔ̀wìrzɛ̀ ònò mòtò ema a ɛndɛ e?”

Hwègbèèlì 3:3

Nà òma à mà ɛnɛ Pètrò nà Yòwanìrzɛ̀ hwà mà arze lì kpèeyà rzi a hwa ɔmbɔ jàhwèyà.

Hwègbèèlì 3:4

Pètrò nà Yòwanìrzɛ̀ hwa mò rzɛ mìirzɔ̀, Pètrò rzìi a mò òhweyà nanù ema, “O jò ɔ̀ŋgɔ!”

Hwègbèèlì 5:12

I àpɔ̀rzìtòlò i ma gbeyà hweyà hwe mànyakà na hwembànèlì hwe rzayì-rzayì ò tenì ya hwatò. Hwàlòkèlì hwa arzɛ hwà mà hwɛ ndi lì taneya nàa mòtò mɔ̀kɔ ò ihvònda ja arzɛ ò marzɛrzɛ ma ama Rzòlòmɔ̀nì ò e ndawò yà Lohwà.