Hwègbèèlì 3:10 - Mokpwe: Bakwery (New Testament)

¹⁰ Hwà mà mò emba ema mɔ̀ ndi à mà hwɛ lì lìya ò lì ɔmbɔ hwèèmà ò hwèkpèèlì ema hwe hwɛ̀lɛ̀hwɛ̀ mòlòŋgà hwe e kɔ̀tɔ̀ ya e Ndawò ya Lohwà. Wɔ̀ hwà mà ònda na hwètàmìrzèlì na lì jèja lì hvòmɛ̀nɛ̀ eyà ya gbamù ema e ma mò gbèyɛnɛ.

Hwègbèèlì 3:10 Mawu Ofanana

Matiyò 14:35

Nà òma hwaŋga hwatò hwa eŋge mbòwà hwà mà embe Yerzù, rzìi hwa òmɛnɛ ŋmɛ̀ndì ema hwatò hwa jànè hwaŋga ema hwa ɔ̀kirzɛ̀ ò manɛyi màmbòwà ma arzɛ ma kòmbɛ̀nɛ̀. Rzìi hwa jàneyà Yerzù hwaŋga hwà-òkèlì.

Lukàrzɛ̀ 4:36

Hwatò hwa arzɛ hwa mà jeja, rzìi hwa àyijòwànɛ̀ mɔ̀kɔ nà ɔ̀nɛ̀yi nanù ema, “Ima lìtumba la mbɔrzi lìni e? Nɛ mòtò a tànɛyi lì kànèyà hwèlìŋgɛ̀ hwe wòhwe nà ŋginyà, rzìi hwe wurzà e?”

Lukàrzɛ̀ 9:43

Hwatò hwa arzɛ hwa mà tàmà, ò lì ɛnɛ̀ mànyàkà mà amà Lohwɛ̀ a mà gbèye. Tɔ̀ nɛ hwa mà hwɛ ò hwètàmirzelì lì hvòmɛ̀nɛ̀ mamɛ ema Yerzù a mà gbèye, Yerzù à mà òhweyà Hwà-òkòwèlì hwa eni nanù ema,

Yòwanìrzɛ̀ 5:20

Èhwanja Tatɛ̀ a lìŋgàni è Ŋmanà wà eni, ò èŋgànɛ̀lɛ̀ a mò uŋmɛ̀lɛ̀ mamɛ ya arzɛ ema mɔ̀ à gbeyà. A ò mò uŋmɛ̀lɛ̀ hvɛ hweyà hwe ndɛnɛ ò lì gbeyà lì aka hwenè, aŋga nanù òma inyɔ hwa arzɛ e ma jeja.

Yòwanìrzɛ̀ 9:3

Yerzù rzìi a hwa alàhwɛ̀ nanù ema, “Rzeketɛ wòhwe wò eni tɔ̀ na e wò ama rzàŋgò wa eni na e nyàŋgò ya eni ndèŋgàtɛ̀ a ŋyàahwi nanù. A ma ŋyàahwà ndi na ndima aŋga nanù e ŋginyà ya ama Lohwɛ̀ e ɛneya ò lòŋgɛ la eni.

Yòwanìrzɛ̀ 9:8

Hwatò ema hwà mà lìya lì mò kòmbɛ̀nɛ̀ ema hwà mà mò ɛnɛ nanù ema à mà hwɛ ndi mòtò wa ndima, hwà mà àyijòwànɛ̀ mɔ̀kɔ na ɔ̀nɛyi nanù ema, “Rzeke ònò mòtò ònò ema a yɔki lì lìya lì ɔmbɔɔ e?”

Hwègbèèlì 2:12

O lì jeja la awu na hwètàmirzelì rzìi hwa a ijòwanɛ mɔ̀kɔ na ɔ̀nɛyi nanù ema, “Mamɛ e hwèlì jànda ja enè eyà e?”

Hwègbèèlì 2:7

O hwetamirzelì rzìi hwa ijòwa nanù ema, “Rzeke hwanù hwatò hwa arzɛ ema hwa òhwa nanù, hwa hwèlì ndi hwatò hwa erzòòkà ya Gàlìlì e?

Hwègbèèlì 3:2

Nàŋgɛ rzɔ munyanà mɔ̀kɔ à mà hwɛ ò hwèkpèèlì hwe lìyòhva la kɔ̀tɔ hwe e ndawò yà Lohwà. Liŋgi lìyòhva la kɔ̀tɔ lì ma hwɛ̀lɛ̀hwɛ̀ ndi nanù ema, Liyòhva la Mòlòŋgà. Oŋgò mòtò à mà ŋyahwa ndi mbòkò. Hwà mà hwɛ lì mò hwanɛ wùnyà tɛ, rzìi hwa mò ika ò lìŋgi lìyòhva la kɔ̀tɔ̀ ò lì ɔmbɔ wòlì ò hwatò ema hwà mà hwɛ lì kpèeyà ò ndawò yà Lohwà.