Hwègbèèlì 3:1 - Mokpwe: Bakwery (New Testament)

¹ Wùnyà wɔ̀kɔ̀ Pètrò nà Yòwanìrzɛ̀ hwà mà hwɛ lì ɛ̀ndɛ ò Ndawò yà Lohwà ò e hvònda ya màkanɛ̀. Èŋge hvònda e ma hwɛ ndi ŋgɛ̀ŋgì iyàwò ja ŋmerze.

Hwègbèèlì 3:1 Mawu Ofanana

Matiyò 17:1

O mburzà yà mèènyà mòtòhwa Yerzù rzìi a wòwa Pètrò, Jèmìrzì, na Jèmìrzì ŋmanyàŋgò wa enì Yòwanìrzɛ̀ rzìi a hwa timba ò hvàko ema e kàrzamì ò ekì ema hwà mà hwɛ wɔ̀ mɛnɛ.

Matiyò 26:37

Yerzù à mà wòwa Pètrò nà hwàànà hwa wunyanà hwa ama Rzɛ̀bɛ̀dì hwahwàkɛ. A ma ònda ndùtù na mòtaka ò ŋmèma.

Matiyò 27:45

O lìrzàkò la kɔ̀rzì ya ŋmèrze rzìi jììtìtì i lìŋga èki ya arzɛ natɛ̀ɛ lì uka ŋgɛ̀ŋgi iyàwò.

Lukàrzɛ̀ 1:10

Nà òmà a mà hwɛ lì rzɛlɛ̀ itùwà, è ŋgìndì yà hwatò ya àrzɛ, è mà hwɛ ò èwòkà, ò lì kanɛ̀.

Lukàrzɛ̀ 18:10

“Hwatò hwàhwàkɛ̀ hwa mà ɛ̀ndɛ ò Ndawò yà Lohwà ò lì kànɛ̀. Mɔ̀kɔ à mà hwɛ ndi hvàlìrzàyì. Ɔ̀nɛ̀yi hvɛ à mà hwɛ ndi è mòrzàŋgèlì wà è njàŋge yà lìkànèyà.

Lukàrzɛ̀ 22:8

Yerzù rzìi a òma Pètrò nà Yòwanìrzɛ̀, a hwa òhweyà nanù ema, “È ɛ̀ndɛ̀ e rzɛ̀ŋgɛ̀nɛ̀ hwèlèèlì hwe lì Akà Ɔnɛ̀yi.”

Lukàrzɛ̀ 24:53

Hwà-òkòwèlì hwa eni hwa mà hwɛ ò Ndawò yà Lohwà ihvònda jà arzɛ, ò lì ekà Lohwɛ̀.

Yòwanìrzɛ̀ 21:7

È Mòòkòwèlì ema Yerzù à mà lìŋgàne, rzìi a òhwà nanù ema, “È hwèlì ndi Rzàŋgò!” È hvònda Rzimɔ̀ni Pètrò à mà hweye nanù ema Rzàŋgò òŋgò, à mà wɔtɔ̀ mòŋgòmbè mò eni (Èhwanja à mà ulɛ màatù ma eni). Rzìi à hvanja, a unda ò tenì ya malìhwa.

Hwègbèèlì 10:3

Ò lìrzakò là ŋgɛ̀ŋgi iyàwò ŋmèrze mɔ̀kɔ, rzìi mɔ̀ à ɛnɛ jɛ̀nɛ̀nì. Ò iŋgi jɛ̀nɛ̀nì, mɔ̀ à mà ɛnɛ è aŋgèlì yà ama Lohwɛ̀. Èŋge aŋgèlì è mà hwɛlɛ nanù ema, “Ìi Kɔ̀nɛlìyurzi.”

Hwègbèèlì 10:30

Kɔ̀nɛ̀lìyùrzì rzìi à tìmbìrzɛ̀lɛ̀lɛ̀ nanù ema, “Mèènyà mè iyàwò ema mè mà aka, nà mà hwɛ lì kanɛ̀ ò ndawò yà ami, ò lìni lìrzàkò là ŋgɛ̀ŋgi iyàwò jà ŋmèrze, lìwòkimɛnɛ mòtò ema à mà wɔtɔ̀ lìwɔtì là kɛ̀ŋgɛ̀ŋgɛ̀ rzìi à nò tɛ̀meyà ò wòrzò,

Hwègbèèlì 2:46

Wùnyà tɛ wɔ̀ hwa mà hwɛ lì tàneyà ò Ndawò yà Lohwà ò lì kanɛ̀. Wɔ̀ hwa mà làlɛnɛ̀ ò màndawò mà awu nà mɔ̀nyɛ̀ŋgì mò arzɛ nà ŋmèma mɔ̀kɔ.

Hwègbèèlì 3:3

Nà òma à mà ɛnɛ Pètrò nà Yòwanìrzɛ̀ hwà mà arze lì kpèeyà rzi a hwa ɔmbɔ jàhwèyà.

Hwègbèèlì 3:4

Pètrò nà Yòwanìrzɛ̀ hwa mò rzɛ mìirzɔ̀, Pètrò rzìi a mò òhweyà nanù ema, “O jò ɔ̀ŋgɔ!”

Hwègbèèlì 4:13

Hwèlìyèlì hwe hwàkàyirzèlì hwe ma tàmà ò lì ɛnɛ nanù ema Pètrò nà Yòwanìrzɛ̀ hwà mà hwɛ lì òhwa e rzi hwɛ lì òka wɔ̀ŋgɔ̀. Èhwanja hwà mà ayembɛ nanù ema, hwa rzi rzɔŋgɔ̀ hwèyòkòwèlì ndèŋgànà hwà mà hwɛ hvɛ ndi hwatò hwa ŋgundu. Aŋga ndi hwa a ayèmbɛ nanù ema hwanu hwatò hwà mà hwɛ ndi na Yerzù ò ihvònda ja arzɛ.

Hwègbèèlì 5:25

Mòtò mɔ̀kɔ rzìi a kpèeyà lì jà lì hwa òhweyà nanù ema, “È ò kànèyà tɛ! Hwatò ema e ma ika ò hwèwòwà wɔ̀ hwaŋga ò Ndawò yà Lohwà hwa òkòlɛ̀ hwatò.”

Hwègbèèlì 8:14

Nà òma I àpɔ̀rzìtòlò ema i ma hwɛ ò Jèrurzalɛ̀mù i ma hweye nanù ema hwatò hwa Rzàmàrìyà hwà mà emeyà Ŋmɛ̀ndì mò Gbamù mò ama Lohwɛ̀, rzi hwà hwa òmeya Pètrò nà Yòwanìrzɛ̀.

Gàletìyà 2:9

Jèmìrzì, Pètrò nà Yòwanìrzɛ̀ ema hwatò hwà mà hwiye nàa màwòndì ma ŋmèmba, hwà mà ayèmbɛ nanù ema Lohwɛ̀ ndi à mà no ŋgba ene ndèli ya lì hwɛ e àpɔ̀rzìtòlò ya eni, o eŋgànɛ̀lɛ̀ wɔ̀ hwà mà jo hwatɛ irzɔ na Bànàbàrzì o lì uŋmɛ̀lɛ̀ nanù ema hwà mà emeyà nanù ema irzɔ na wɔ̀ i gbeyà ndi èwòlò yɔ̀kɔ. Irzɔ na wɔ̀ i ma tɛ̀yirzɛyi nanù ema i hwɛ o lì ohweyà hwatò ema hwa rza enje wònyà Yudà ŋmɛ̀ndì mò gbamù, na oma wɔ̀ hvɛ hwa lìmeya ndi o lì ohweyà wònyà Yudà ŋmɛ̀ndì mò gbamù.