Hwègbèèlì 28:2 - Mokpwe: Bakwery (New Testament)

² Hwatò hwa èŋge èki ema i ma uŋmànɛlɛ hwà mà jò òŋgòwànà. Yùulùlì e ma inyàmɛnɛ rzìi e mbuwà yɔhvɛ e ma wòteya lì yɔ̀ɔ ò èŋgànɛ̀lɛ̀ hwà mà jò kòteya mùùnya ò rzàawà ya ŋmànja nanù ema ja atòwɛ rzìi hwa jò kàrzɛ.

Hwègbèèlì 28:2 Mawu Ofanana

Matiyò 10:42

Ò jɔ̀kɛ̀, nà è òhweyà nanù ema, tɔ̀ ima mòtò ema à ŋgbelì tɔ̀ mòtò tɔ̀ mɔ̀kɔ wà hwaŋga ema hwa nò oŋgama tɔ̀ malìhwa mà lì nyɔ, tɔ̀ òŋgò mòtò à rzi hwɛ wòlìtò, òŋgò ema à ŋgbelì, à hwɛni lì lùwa etaŋgi jà ama Lohwɛ̀.”

Yòwanìrzɛ̀ 18:18

Yùulùlì è mà hwɛ, ò èŋgànɛ̀lɛ̀ hwàgbèèlì hwa è Pìlìrzì è kàrzamì nà è wɔ̀ hwa è Ndawò yà Lohwà hwa mà tɛ̀mɛ̀, hwa atòŋgɛ mùnya ema hwa mà kòte ò lì atòwɛ. Pètrò mɔ̀ hvɛ à mà tɛ̀mɛ̀ aŋga nà wɔ̀, ò lì atòwɛ mòŋgò mùnya.

Hwègbèèlì 27:3

O wònɛyi wùnyà irzɔ i ma uka ò mbòwa ndɛnɛ ya Rzidònì. Jùlìyɔ̀rzì à mà hwɛneya Pàwolò ŋmèma mò gbamù. Rzìi à mò hwɛmɛ nanù ema a ɛndɛ a ɛnɛ imbunda ja eni, òma hwà mà mò ŋgba tɔ̀ mamɛ ema a arza.

Hwègbèèlì 28:3

Pàwolò à mà rzàŋga hwàànà mbɛtɛ wa hweyòlì a hwa kaka lòmba. Nà òma mɔ̀ à mà hwɛ lì ika iŋgi mbɛtɛ ò mùnya, rzìi hvèyi e wurza ò tenì ya lìŋgi lòmba la mbɛtɛ ja hweyòlì ema mùùnya mò ma hvaye, e kòka lìya la ama Pàwolò rzìi e kakùmɛ̀nɛ̀ aŋga.

Hwègbèèlì 28:4

Hwàŋga hwatò hwa èŋge èki hwà mà ene na òma wòŋgò gbahwà wò ma kakùmɛ̀nɛ̀ Pàwolò ò lìya rzìi hwa a òhwalɛnɛ wɔ̀ na wɔ̀ nanù ema, “Onò mòtò a hwèlì ndi mò òŋwelì wa hwatò. Mɔ̀ à mà arza lì ŋwa ò tenì ya ŋmànja, ndi tɔ̀ nanù e mbàkò ya ama Lohwɛ̀ e ma mò lɛmbɛ.”

Ròmànì 1:14

Èwòlò ema imba nà hwɛni è hwèlì ndi ò lì òhweyà tɔ̀ ima mòtò ŋmɛ̀ndì mò gbamù, tɔ̀ hwa hwɛ ndi hwatò hwa mbowà tɔ̀ hwatò hwa wàŋga.

Ròmànì 14:1

È emeyà hwatò hwa arzɛ ema lìlòkɛ̀ la awu lì ɔtɔ̀wù, e rzi keka lì tɔ̀wɔ na wɔ̀ lì hvòmɛ̀nɛ̀ hweŋge hweyà hwe arzɛ ema hwa lutelì nanù ema hwa àŋgàmɛ̀nɛ̀ lì gbeyà na hweŋge ema hwa rza àŋgàmɛ̀nɛ̀ ò lì gbeyà.

Ròmànì 14:3

Hwàtò ema hwa làa tɔ̀ mamɛ, hwa rzi keka lì niya e wɔ̀ ema hwa rza làa wò làa à làa. Ndèŋgana hwatò hvɛ ema hwa rza làa lòŋgò la hwema hwa rzi kàyìrzɛ̀ hwatò ema hwa làa hwèèmà hwe arzɛ èhwanja Lohwɛ̀ a hwa emelì wɔ̀ hwa arzɛ.

Ròmànì 2:27

O èŋgànɛ̀lɛ̀ hwaŋga hwatò ema hwa ika e mbenda tɔ̀ nɛ hwa rza endàhwɛ̀, hwa e uŋmɛ̀lɛ̀ inyɔ wònyà Yudà nanù ema hweyà ema e gbeyà hwe rza hvòmɛ̀nɛ̀. È ma endàhwa ndèŋgàna e òhvi mbenda ema e tìlahwì ò kaàtì ndi e rza e òŋgama.

1 Kɔ̀rintìyà 14:11

Ndi nà rza rzɔ̀ŋgìtɛ̀nɛ̀ tɛ mbɔrzi, nà hwɛ ndi ŋmɛ̀ni nà tɔ̀ njɛnɛ ema à ohwa èŋge mbɔrzi, mɔhvɛ̀ a hwɛ ndi ŋmɛ̀ni na imba.

2 Kɔ̀rintìyà 11:27

Nà ma gbeyà rzayi-rzayi ja hwèwòlò hwe ŋginyà, rzayi-rzayi ja ŋgèlì hvɛ nà mà lìya na hwehvɛnyɛ. Marzako hvɛ na rzi luwe tɔ̀ yoma ya lì laa tɔ̀ e yɔ la lì nyɔ, na rzi hwɛnɛ hvɛ tɔ̀ e hvolo ya lì laa mòlelì. Manɛyi marzako hvɛ yùululì ya ŋginyà e ma no kpeya o nyo ema na rza ohvɛ tɔ̀ yoma ya lì wɔtɔ̀.

Kòlòrzìyà 3:11

ò rza enje hwèkàkòwèlì ò hwatò hwa wònyà Yudà nà hwatò ema hwa rza enje wònyà Yudà, tɔ̀ mòtò ema à endàhwì tɔ̀ è mɔ̀ ema à rza endàhwɛ̀. Ò rza enje hwèkakòwèlì ŋga mòtò à hwèlì ndi ŋmɛ̀nì tɔ̀ mòtò wà hwaŋga tɔ̀ mòtò wà wònja. Krirztò ndi à hwèlì hweyà hwe arzɛ, ndèŋgànɛlɛ à hwèlì ò tenì yà inyɔ hwa arzɛ.

Hibrù 13:2

È rzì hwɛmɛ o lì karzɛ hwàyɛ̀nì o màndà ma anyu o i hvonda ja arzɛ. Nànù ndi lòŋgo la hwatò hwà mà gbeye hwà mà karzɛnɛ i aŋgèlì o màndà ma awu e rzi hwɛ lì hwiya.