Hwègbèèlì 27:8 - Mokpwe: Bakwery (New Testament)

⁸ I ma àyinɛ̀lɛ̀ ndi yɔ̀ndɔ ya e rzàawà ya ŋmànja ndèŋgana je òhwa nanù ema i ma uka èki ema e hwɛ̀lɛ̀hwɛ̀ Rzèhvì Hàbɔ̀rzì. Èŋge èki e rzi rzɔ̀lɛnɛ na e mbòwa ndɛnɛ ya Làrzìyà.

Hwègbèèlì 27:8 Mawu Ofanana

Matiyò 19:23

Yerzù rzìi a òhweyà Hwà-òkòwèlì wa eni nanù ema, “Nà e òhweyà ndi e jɔ̀kɛ̀ ema e ambani èhwàŋgì ya mòtò ò lì kpèeyà ò lìkànèyà la ŋmanyu yà lohwà.

Hwègbèèlì 27:12

Èŋge èki ema melì me ŋmànja me ma hwɛ e rzi hwɛ ndi èki ema hwatò hwà mà kànɛyi lì hwɛ e hvònda ema e mbɛ̀hvɛ̀nì e uŋgɛlɛ. O eŋgànɛ̀lɛ̀ rzɔ̀, hwatò ema hwà mà kòka hwà mà hwɛ ndi hwaŋga ema hwà mà lìŋgàna nanù ema hwa ɛ̀ndɛ̀nɛ̀ ndi yɔ̀ndɔ ò wòrzò ò lì keka lì uka ò e mbòwa ndɛnɛ ya Hvɔ̀nìrzì. Hvɔ̀nìrzì à mà hwɛ ndi èki ema hwà mà hwɛ lì rzɛ̀lɛ melì me ŋmànja ò erzòòkà ya Klɛ̀tì. Klɛ̀tì ema à mà hwɛ lì ɔ̀ŋgɔ e rzàawà ya lɛlu na e ya mbɛ̀ŋgɛ. Aŋga ndi hwà mà tànɛyi lì lìya ò e hvònda ya yùulùlì ndɛnɛ.

Hwègbèèlì 27:13

Ŋmanà mbɛ̀hvɛ̀nì ema e ma uwɛ̀lɛ̀lɛ̀yi mbɛŋgɛ e ma wòteyà lì aka. Rzìi hwaŋga hwatò hwa lùtèyà nanù ema hwa tànɛyi hwa ɛndɛ ò wòrzò na ŋmànò mò awu. O eŋgànɛlɛ wɔ̀ hwà mà rzìima mìiyò ma awu ò tenì ya melì me ŋmànja rzìi hwa ɛ̀ndɛ̀nɛ̀ yɔ̀ndɔ̀ ya awu ya màlìhwa lì akeyà ò tòŋgòŋgò ò lì uka ò erzòòkà ya Klɛti.