Hwègbèèlì 27:41 - Mokpwe: Bakwery (New Testament)

⁴¹ Ndi na òma i ma hwɛ lì ɛndɛ nanù, ɔndi mèelì me ŋmànja me a àyɛ̀rzɛ̀ lìtuta la nyàŋga ò tenì ya màlìhwa. Nà òma èhvàrzù ya wòrzò ya melì me ŋmànja e ma kakùmɛ̀nɛ̀ melì me ŋmànja me rzi tànɛ lì ɛndɛ hvɛ. Aŋga ndi ehvàrzu ya mburza e ma wòteyà lì kɛrzeya ehwànja màlìhwà ma mà jànà mùumbàni rzìi ma àyɛ̀rzɛ̀ aŋga.

Hwègbèèlì 27:41 Mawu Ofanana

Hwègbèèlì 27:17

Hwà mà rzìima wɔ̀ɔ̀lɔ̀ rzìi hwa wò kpɛlɛ ò melì me ŋmànja aŋga ndi hwa a wòwa meyɔ̀lì ema me ma hwɛ ò tenì ya melì me ŋmànja ò lì kànyàna wòŋgò wɔ̀lɔ̀. Hwà mà òka wɔ̀ŋgɔ̀ nanù ema meŋge melì me ŋmànja me ma tànɛ lì ɛndɛ lì àyɛ̀rzɛ̀ lìtuta la nyàŋga ema lì ma hwɛ ò e rzàawà ya mòkòkò mò èkòmè ya Lìbiya. O eŋgànɛ̀lɛ̀ rzɔ wɔ hwà mà rziirzɛ e ahvala ema e gbèeyà ema melì me ŋmànja me rza hvinjɛlɛ yɔ̀ndɔ̀, rzìi hwa hwɛmɛ nanù ema e mbɛ̀hvɛ̀nì yɔ̀ ndi e ɛ̀ndɛ̀nɛ̀ melì me ŋmànja.

Hwègbèèlì 27:30

Rzìi hwàgbèelì hwa melì me ŋmànja hwa wòteyà lì arza ŋmanò mò lì hwaŋga lì anjiya ò tenì ya meŋge melì me ŋmànja. Hwà mà rziirzɛ wɔ̀ɔ̀lɔ̀ ò malìhwa rzi hwa àhwàŋgɛ̀lɛ̀ nanù ema hwa ɛndɛ ndi ò lì rziirzɛ mahvɛhvɛ miyò ò wòrzò wò meŋge melì me ŋmànja.

Hwègbèèlì 27:40

O eŋgànɛ̀lɛ̀ wɔ hwà mà kɛ meyɔlì ema me ma kakahwa miiyò rzi meŋge miiyò me inda ò tenì ya ŋmànja, wɔ̀ hwà mà indirzɛ hvɛ hwewambò hwendɛnɛ ema hwà mà gbeyàne ò lì ɛ̀ndɛ̀nɛ̀ melì me ŋmànja. Rzìi hwa lìhvòhwa èhvàrzù ya e hvala ò lì arza nanù ema e mbɛ̀hvɛ̀nì e tindɛlɛ melì me ŋmànja ò wòrzò. Aŋga ndi i ma wòteyà lì ɛndɛ ò rzàawà.

Hwègbèèlì 27:42

Irzònja rzìi i kaka wùndɛ̀ ò lì òŋwa hwatò hwa arzɛ hwa hwèwòwà ema hwà mà hwɛ ò tenì ya meŋge melì me ŋmànja, aŋga nanù wɔ hwa rza ò tanɛ lì nyɔ̀keyà ò lì uka ò rzàawà rzi hwa hwaŋga.

1 Kɔ̀rintìyà 15:58

O èŋgànɛ̀lɛ̀ ìi wònyamòwè kòkò, e tɛ̀mɛ̀ gbamù, e rza anyìŋgìrzɛ̀nɛ̀. È hwɛ ndi o lì gbèeyà Rzàŋgo. È hwi nanù ema èwòlò ema e gbèeyà Rzàŋgo tɔ̀ yɔ̀kɔ e rza hwɛ ya ŋgundu.