Hwègbèèlì 27:3 - Mokpwe: Bakwery (New Testament)

³ O wònɛyi wùnyà irzɔ i ma uka ò mbòwa ndɛnɛ ya Rzidònì. Jùlìyɔ̀rzì à mà hwɛneya Pàwolò ŋmèma mò gbamù. Rzìi à mò hwɛmɛ nanù ema a ɛndɛ a ɛnɛ imbunda ja eni, òma hwà mà mò ŋgba tɔ̀ mamɛ ema a arza.

Hwègbèèlì 27:3 Mawu Ofanana

Matiyò 11:21

ò lì òhwa nanù ema, “Lìkunde lì ndɛnɛ̀ lì hwèlì lì e àmbɛ̀lɛ̀, inyɔ hwatò wa Kòràrzinì! Lìkunde lì ndɛnɛ̀ hvɛ nà hwatò hwa Bɛ̀trzàyìdà! Mànyakà ema Lohwɛ̀ a mà gbèye ò mbòwà yà anyu, ma mà gbèyɛnɛ tɛ ndì ò mbòwà yà Tàyi nà Rzidònì, hwaŋga hwatò ema hwa ma wɔtɔ̀ màatù ma màyɛ̀ɛhwɛ̀, rzìi hwa akòmɛ hvɛ lìwù ò inyò ja awù ò lì uŋmɛ̀lɛ̀ nanù ema hwa mà ayèŋgòwɛ̀ ò wòhwe wò awu.

Hwègbèèlì 12:20

O nàŋgɛ̀ rzɔ Kìŋgɛ̀ Hɛ̀rɔ̀dì à mà hwɛnɛ hwetàtò rzayì-rzayì na hwatò hwa imbowà ja Tàyi na Rzidònì. O èŋgànɛ̀lɛ̀ hwatò hwà mà hwɛmɛ iŋgi mbòwa ja ahwakɛ ò lì ɛndɛ lì mò ɛnɛ. È mòtò wa wòrzò ema hwà mà ɛndɛ ò lì ùŋmànɛ̀lɛ̀ aŋga nanù à mà hwɛ ò ɛ̀yɔ̀lɛ̀ na e kiŋgɛ à mà hwɛ ndi Blàrzìtùrzì. Blàrzìtùrzì à mà hwɛ ndi mòkutu ò e ndawò ya ama kiŋgɛ. Hwà mà gbeyà ndi nanù èhwanja mòlelì mò awu mò ma uwɛ̀lɛ̀lɛ̀yi ndi ò èkòmè ya ama Hɛ̀rɔ̀dì.

Hwègbèèlì 24:23

Mɔ̀ à mà òhweyà òŋgò ŋmànelì wa njuma mòndɛnɛ ema à mà hwɛ lì ɔŋgeya Pàwolò ema a hwɛ ndi ò lì mò ɔŋgeya nanù mɛnɛ. Ndi inyɛ a ŋgbe Pàwolò ŋmanà ehvòlò, ndeŋgànɛlɛ a hwɛmɛ imbùnda ja ama Pàwolò i mò ŋgbe lìwòŋgò ema a arza.

Hwègbèèlì 27:1

È hvònda ema hwà mà kulɛ nanù ema i kpèeyà ò tenì ya melì me ŋmànja ò lì ɛndɛ o èkòmè ya Itàlì, hwà mà akɛlɛlɛ Pàwolò na hwahvɛhvɛ hwatò hwa hwèwòwà ò ma e mòkànèlì wa hwààna njuma ema à mà hwɛ̀lɛ̀hwɛ̀ Jùlìyɔ̀rzì. Jùlìyɔ̀rzì mɔ̀ à mà hwɛ lì kànèyà lìtuta la hwààna njuma ema hwà mà hwɛ lì hwɛlɛ nanù ema, “Lìtuta la hwààna njuma hwa ama Kàyìrzà.”

Hwègbèèlì 27:43

Ndi òŋgò mòkànèlì wa rzònja, à mà arza ò lì kàrzòlɛ Pàwolò, ò eŋgànɛ̀lɛ̀ à mà aya irzònja ema hwa rzi gbeyà nanù. Mɔ̀ à mà kànèyà nanù ema hwaŋga hwatò ema hwa tànɛyi lì nyɔ̀keyà hwa hvànje ò malìhwa hvɔ̀ni hwa nyɔ̀keyà ò lì uka ò rzàawà.

Hwègbèèlì 28:16

È hvònda i ma ùke ò Ròmànì, Pàwolò à mà ŋgbààhwà wònjà ò lì lìya mɔ̀ ŋmìti, ndi à mà òhva rzònja ema e ma mò ɔŋgeya.