Hwègbèèlì 27:2 - Mokpwe: Bakwery (New Testament)

² Irzɔ i ma kpèeyà ò tenì ya melì me ŋmànja ò mbòwa ya Adramitiyumi. Meŋge melì me ŋmànja me ma wòŋgirzɛnɛ ò lì ɛndɛ lì uka ò e rzàawà ya ŋmànja mò erzòòkà ya Èrzìyà. Rzìi i wòteyà lì ɛndɛ yɔ̀ndɔ ya ŋmànja. Ndèŋgana irzɔ je anjiya aŋga, i ma wòwa Arìrztàkùrzì. Arìrztàkùrzì à mà hwɛ ndi mòtò wa erzòòkà ya Màrzèdonìyà, ema à mà uwɛ̀lɛ̀lɛ̀yi ò mbòwa ndɛnɛ ya Tɛ̀rzàlònìkà.

Hwègbèèlì 27:2 Mawu Ofanana

Lukàrzɛ̀ 8:22

Wùnyà wɔ̀kɔ, Yerzù à mà kpèeyà ò tenì yà wɔ̀lɔ̀ nà hwà-òkòwèlì hwa eni rzìi a òhwa nanù ema, “Je ɛ̀ndɛ, ja aka ò ɛnɛ̀yì èhvàrzù ya yùlù.” Rzìi hwa wòteyà lì ɛ̀ndɛ.

Hwègbèèlì 16:17

Oŋgò ŋmanà ŋgɔ̀ndɔ̀ à mà wòteyà lì òŋgama Pàwolò na irzɔ rzi a tɛ ò ŋmanyu nanù ema, “Hwanù wunyanà hwa hwèlì ndi hwàgbèèlì hwa ama Lohwɛ̀ ema lì karzami. Wɔ̀ hwa jèelì ndi ò lì e òhweyà nɛ inyɔ e tànɛyi lì rzùŋgàhwà.”

Hwègbèèlì 17:1

Nà òma Pàwolò na mòndeŋge mò eni mò ma akeyà ò mambòwà mà ndɛnɛ ma Amhvipòlìrzi na Apòlonìyà rzi hwa kpèeyà ò mbòwa ya Tɛ̀rzàlònìkà. È ndawò ya màkànɛ̀ ya wònyà Yudà e ma hwɛ aŋga.

Hwègbèèlì 19:19

Rzayi-rzayi ja hwaŋga ema hwà mà hwɛ lì gbeyà èwòlò ya ndimirzi hwà mà jànà i kààtì ja awu ja arzɛ ema hwa ma hwɛ lì gbeyàna ò lì aŋgbana lìyaŋga ò èki yɔ̀kɔ rzi hwa ji rzɛlɛ ò marzò ma hwatò hwa arzɛ. I kààtì ja arzɛ ema hwà mà rzɛlɛ, i ma tanɛ lì hwɛ eyà ya mòrzurzelì mò eyà ya meni meta me hwèlùnì.

Hwègbèèlì 19:29

Mòŋgò mòhvùŋgu mò ma nyàla ò e mbòwa ndɛɛndɛ ya arzɛ. È ŋgindi rzìi e hvùma Gàyiyùrzì na Arìrztàkùrzì, ema hwà mà uwɛ̀lɛ̀lɛ̀yi o Màrzèdonìyà ema hwà mà hwɛ ò mòndeŋge na Pàwolò, rzìi hwa hwà hwaŋgàna ò ndawò ya wòlìya wò mbòwa.

Hwègbèèlì 2:9

O ìtììtènì ja arzu, lòŋgò la hwatò hwa mà uwɛ̀lɛ̀lɛ̀yi ndi ò èkòmè ya Pàtìyà, Mediya na Èlàmi; ò èkòmè ya Mèrzòpòtemìyà, Jùdeyà, Kapadorzìyà; O hwèkòmè hwe Pòntìyùrzì, na Èrzìyà,

Hwègbèèlì 21:5

Ndi na òma e hvònda ya arzu na wɔ e ma ɔ̀lɛ irzɔ i ma hwa lìiya aŋga, rzi je ɛndɛ e ya arzu. Wɔ hwa arzɛ na i jòjìyɛ̀ ja awu na hwàanà hwa awu, hwà mà jò lìyɛlɛ ò lì wurza ò tenì ya eŋge mbòwa ndɛnɛ. I ma hwɛmɛ e mbòwa rzìi jò uka ò rzàawà. Irzɔ hwa arzɛ i ma rzuma màwɔ̀ŋgɔ̀ŋgɔ̀ ma arzu ò mòkòkò rzi i kànɛ.

Hwègbèèlì 28:10

Hwanù hwatò hwà mà jò ŋgbàà màahweyà rzayì-rzayì. Nà òma e hvònda e ma ùke ya lì ɛ̀ndɛ yɔ̀ndɔ̀ ya malìhwa, hwanù hwatò hwà mà jò ŋgba mamɛ ya arzɛ ema e jò arzana ò lì ɛ̀ndɛ eŋge yɔ̀ndɔ̀.

Hwègbèèlì 28:12

I ma ɛndɛ rzìi jò uka ò mbòwa ndɛnɛ ya Rzilakurzi, rzìi i lìya aŋga menya meyawò.

Hwègbèèlì 28:16

È hvònda i ma ùke ò Ròmànì, Pàwolò à mà ŋgbààhwà wònjà ò lì lìya mɔ̀ ŋmìti, ndi à mà òhva rzònja ema e ma mò ɔŋgeya.

Hwègbèèlì 28:2

Hwatò hwa èŋge èki ema i ma uŋmànɛlɛ hwà mà jò òŋgòwànà. Yùulùlì e ma inyàmɛnɛ rzìi e mbuwà yɔhvɛ e ma wòteya lì yɔ̀ɔ ò èŋgànɛ̀lɛ̀ hwà mà jò kòteya mùùnya ò rzàawà ya ŋmànja nanù ema ja atòwɛ rzìi hwa jò kàrzɛ.

Kòlòrzìyà 4:10

Arìrztàkùrzì, ema mɔ̀ hvɛ a hwèlì o hwèwòwà na imba, a e omelì ikɔ̀mi. Màkòrzì, ema a hwèlì Bànàbàrzì ŋmanyàŋgò wa eni mɔ̀ hvɛ a e omelì ikɔ̀mi. Nà ma màa lì e ohweyà lì hvomɛ̀nɛ̀ Màkòrzì mɔ̀ à jelì tɛ e mo kàrzɛ.

Hvìlɛ̀mɔ̀nì 1:24

Nànù mɛnɛ hvɛ nà Màkòrzì, Arìrztàkùrzì, Dèmàrzì nà Lukàrzì, hwàgbèèlì ema irzɔ nà wɔ̀ ì gbèeyà èwòlò wɔ̀hvɛ hwa è òmèlì ikɔ̀mi.