Hwègbèèlì 27:16 - Mokpwe: Bakwery (New Testament)

¹⁶ Nà òma i ma aka e mbɛŋgɛ ya e ŋmanà yòndi ema a hwɛ̀lɛ̀hwɛ̀ Kawuda, i ma luwa ŋmanà ehvòlò ò lì akeyà èki ema e mbɛ̀hvɛ̀nì e rzi imbamɛ. Aŋga ndi i ma keke natɛ̀ɛ rzìi i rzeeya ehvòlò ya wɔ̀lɔ̀ ema i ma hwɛ lì rzìima ò mburza aŋga nanù wò rzi wuhweyà. Je e hwiya lì gbeyà nanù ò ma i ma taka rzàyi-rzàyi.

Hwègbèèlì 27:16 Mawu Ofanana

Hwègbèèlì 16:10

O mburza hvònda ema Pàwolò à mà ɛnɛ ini jɛ̀nɛ̀nì, irzɔ i ma wòŋgirzɛnɛ ŋgelì hvɔ̀kɔ ò lì ɛ̀ndɛ ò Màrzèdonìyà, èhwanja i ma kulɛ nanù ema Lohwɛ̀ à mà hwɛ lì jò hwɛlɛ ò lì ɛ̀ndɛ lì òhweyà hwaŋga hwatò Ŋmɛ̀ndì mò Gbamù.

Hwègbèèlì 27:15

Èŋge mbɛ̀hvɛ̀nì e ma tìndɛ̀lɛ melì me ŋmànja. Melì me ŋmànja me rzi tànɛ lì ɛndɛ ò wòrzò ò èhvàrzù ema e mbɛ̀hvɛ̀nì e ma uwɛ̀lɛ̀lɛ̀yi. O eŋgànɛ̀lɛ̀ i ma hwɛmɛ ò lì arza, lì keka lì ɛ̀ndɛ̀nɛ̀ melì me ŋmànja ò eŋgànɛ̀lɛ̀ rzɔ i ma hwɛmɛ e mbɛ̀hvɛ̀nì ò lì ìnɛ̀lɛ̀ melì me ŋmànja, ò lì me ɛ̀ndɛ̀nɛ̀ tɔ̀ òne.

Hwègbèèlì 27:17

Hwà mà rzìima wɔ̀ɔ̀lɔ̀ rzìi hwa wò kpɛlɛ ò melì me ŋmànja aŋga ndi hwa a wòwa meyɔ̀lì ema me ma hwɛ ò tenì ya melì me ŋmànja ò lì kànyàna wòŋgò wɔ̀lɔ̀. Hwà mà òka wɔ̀ŋgɔ̀ nanù ema meŋge melì me ŋmànja me ma tànɛ lì ɛndɛ lì àyɛ̀rzɛ̀ lìtuta la nyàŋga ema lì ma hwɛ ò e rzàawà ya mòkòkò mò èkòmè ya Lìbiya. O eŋgànɛ̀lɛ̀ rzɔ wɔ hwà mà rziirzɛ e ahvala ema e gbèeyà ema melì me ŋmànja me rza hvinjɛlɛ yɔ̀ndɔ̀, rzìi hwa hwɛmɛ nanù ema e mbɛ̀hvɛ̀nì yɔ̀ ndi e ɛ̀ndɛ̀nɛ̀ melì me ŋmànja.

Hwègbèèlì 27:30

Rzìi hwàgbèelì hwa melì me ŋmànja hwa wòteyà lì arza ŋmanò mò lì hwaŋga lì anjiya ò tenì ya meŋge melì me ŋmànja. Hwà mà rziirzɛ wɔ̀ɔ̀lɔ̀ ò malìhwa rzi hwa àhwàŋgɛ̀lɛ̀ nanù ema hwa ɛndɛ ndi ò lì rziirzɛ mahvɛhvɛ miyò ò wòrzò wò meŋge melì me ŋmànja.