Hwègbèèlì 27:1 - Mokpwe: Bakwery (New Testament)

¹ È hvònda ema hwà mà kulɛ nanù ema i kpèeyà ò tenì ya melì me ŋmànja ò lì ɛndɛ o èkòmè ya Itàlì, hwà mà akɛlɛlɛ Pàwolò na hwahvɛhvɛ hwatò hwa hwèwòwà ò ma e mòkànèlì wa hwààna njuma ema à mà hwɛ̀lɛ̀hwɛ̀ Jùlìyɔ̀rzì. Jùlìyɔ̀rzì mɔ̀ à mà hwɛ lì kànèyà lìtuta la hwààna njuma ema hwà mà hwɛ lì hwɛlɛ nanù ema, “Lìtuta la hwààna njuma hwa ama Kàyìrzà.”

Hwègbèèlì 27:1 Mawu Ofanana

Matiyò 27:54

Ndì è mòkànèlì hwa hwàànà njùma na hwanɛ̀yi hwàànà njuma ema hwà mà hwɛ lì ɔŋgeya Yerzù, hwà mà ɛnɛ mònyìŋgìrzɛ̀nɛ̀ na mamɛ ya arzɛ ema e ma gbèyɛ̀nɛ hwa mà lɛ̀mbeya mòkambiya rzìi hwa òhwa nanù ema, “Nà e jɔ̀kɛ̀ ònò mòtò à mà hwɛ ndi è Ŋmanà wà munyanà wà ama Lohwɛ̀.”

Lukàrzɛ̀ 23:47

È mòtìmbèlì wà hwàànèlì hwa njùma, à mà ɛ̀nɛ mamɛ ya àrzɛ ema e ma gbèyɛ̀nɛ̀, à mà eka Lohwɛ̀ rzìi a òhwa nanù ema, “Ò jɔ̀kɛ̀, ò nò mòtò à mà hwɛ ndi mòtò wà gbamù.”

Lukàrzɛ̀ 7:2

Ò èŋge mbòwà ò mà hwɛ mòkànèlì mɔ̀kɔ wà hwàànèlì hwa njùma wà Ròmànì ema à mà kànèyà egbe yɔ̀kɔ yà rzònja. À mà òhva mògbèèlì wà èni ema, à mà lìŋgàne rzìi, òŋgò mògbèèlì à mà ɔ̀kirzɛ̀ natɛ̀ɛ à mà hvɛ lì ŋwa.

Hwègbèèlì 10:1

O ma hwɛ munyanà mɔ̀kɔ wa Ròmànì ò mbòwa ya Kàyìrzèrìyà à mà hwɛ̀lɛ̀hwɛ̀ Kɔ̀nɛlìyurzi. A ma hwɛ ndi mòkànèlì ema à mà hwɛ lìkànèyà lìtuta lɔ̀kɔ la egbe yɔ̀kɔ ya hwàanà njuma ema lì ma hwɛ̀lɛ̀hwɛ̀ nanù ema, “Lìtuta lɔ̀kɔ la egbe yɔ̀kɔ ya hwàanà njuma ò èkòmè ya Itàlì.”

Hwègbèèlì 10:22

Hwà mà mò alàhwɛ̀ nanù ema, “È mòtìmbèlì wa hwàanà njùma Kɔ̀nɛlìyurzi mɔ̀ ndi à jò òmi. A hwèlì ndi mòtò wa gbamù ema a gbèeyà Lohwɛ̀. Ndeŋgànɛ̀lɛ̀ a ŋgbàahwì èluhwe na hwatò hwa arzɛ hwa wònyà Yudà. Aŋgèlì hvɔ̀kɔ ya ama Lohwɛ̀ e ma mò òhweyà nanù ema, a ò yòhwɛ ò ndawò ya eni, aŋga nanù ò ma à mà hweyà mamɛ ò hwɛni lì mò òhweyà.”

Hwègbèèlì 16:10

O mburza hvònda ema Pàwolò à mà ɛnɛ ini jɛ̀nɛ̀nì, irzɔ i ma wòŋgirzɛnɛ ŋgelì hvɔ̀kɔ ò lì ɛ̀ndɛ ò Màrzèdonìyà, èhwanja i ma kulɛ nanù ema Lohwɛ̀ à mà hwɛ lì jò hwɛlɛ ò lì ɛ̀ndɛ lì òhweyà hwaŋga hwatò Ŋmɛ̀ndì mò Gbamù.

Hwègbèèlì 18:2

Nà òma à mà uke aŋga à mà ùŋmanɛlɛ mòtò wa wònyà Yudà ema à mà hwɛ̀lɛ̀hwɛ̀ Akwìlà. Akwìlà à mà ŋyàhwɛlɛ ndi ò mbòwà ndɛnɛ ya Pòntìyùrzì. Mɔ̀ à mà uwɛ̀lɛ̀lɛ̀yi ndi mòhvènya ò èkòmè ya Itàlì na e jòjìyɛ̀ ya eni Prìrzìlà. Wɔ̀ hwà mà anjiya ò Itàlì ehwànja e Kàyirza ya Ròmànì, Klàwùdìyùrzì à mà akɛlɛ njàmbɛ̀ ama hwatò hwa arzɛ ema hwa hwèlì wònyà Yudà, hwa anjiye ò èkòmè ya Ròme. Pàwolò à mà ɛ̀ndɛ lì ɛnɛ Akwìlà na jòjìyɛ̀ wa eni.

Hwègbèèlì 19:21

O mburza ya hwene hwègbèèlì hwe arzɛ, Pàwolò à mà kulɛ ò ŋmèma mò eni nanù ema a akeyà ò tenì ya hwèrzòòkà hwe Màrzèdonìyà na Àkayiyà ndèŋgànà a e ɛndɛ ò Jèrurzalɛ̀mù. A ma òhwa nanù ema, “Nà mà ɛndɛ tɛ aŋga, na àŋgàmɛ̀nɛ̀yi lì ɛndɛ hvɛ ò lì ɛnɛ èkòmè ya Ròmànì.”

Hwègbèèlì 21:32

O lìwòkimɛnɛ e mòkànèlì wa hwàanà njuma a rzi hvàŋge tɔ̀ hvònda. A ma hvɔ̀rzɔ̀ hwàànèlì hwa njuma hwa ndɛnɛ na hwarzàlì rzi a ɔ̀ndɔ̀ ò Jèrurzalɛ̀mù na wɔ̀. Nà òma hwatò hwà mà mò ɛnɛ a jà na hwanelì hwa njuma rzìi hwa hwɛmɛ lì anana Pàwolò.

Hwègbèèlì 22:26

Nà òma òŋgò ŋmànèlì wà njuma à mà hweye nanù, rzi à ɛ̀ndɛ̀ òma è mòkànèlì wà hwàànèlì hwa njuma rzìi a mò ijòwa nanù ema, “O aŋgòwa, ò hwi mamɛ ema ò arza lì gbeyà nanù e? Ò nò munyanà à hwèlì ndi wònja yà Ròmànì!”

Hwègbèèlì 23:11

O wòŋgò wuu, Rzàŋgò à mà tɛmeya Pàwolò ò tòŋgòŋgò rzìi a mò òhweyà nanù ema, “O rza òka wɔ̀ŋgɔ̀! Èhwànja e ŋgànà ema ò nò tɛmelì e mbòŋgi ò ene mbòwa ya Jèrurzalɛ̀mù, nanù mɛnɛ hvɛ ndi ò hwɛni lì nò tɛmeya e mbòŋgi ò èkòmè ya Ròmànì.”

Hwègbèèlì 23:17

Pàwolò rzìi a hwɛlɛ ŋmànelì wa njuma mɔ̀kɔ rzìi a mò òhweyà nanù ema, “Ɛndɛnɛ ene mberza òma e mòkànèlì wa hwàànà njuma, a òhvi eyà ò lì mò òhweyà.”

Hwègbèèlì 24:23

Mɔ̀ à mà òhweyà òŋgò ŋmànelì wa njuma mòndɛnɛ ema à mà hwɛ lì ɔŋgeya Pàwolò ema a hwɛ ndi ò lì mò ɔŋgeya nanù mɛnɛ. Ndi inyɛ a ŋgbe Pàwolò ŋmanà ehvòlò, ndeŋgànɛlɛ a hwɛmɛ imbùnda ja ama Pàwolò i mò ŋgbe lìwòŋgò ema a arza.

Hwègbèèlì 25:12

Hvɛ̀rzìtùrzì rzìi a atòòwanɛ meyòhvò na hwèwàŋgì wa eni ema hwe mò eyeya, rzìi a alàhwɛ̀ nanù ema, “Nà òma ò ma òhwɛ nanù ema Kàyìrzà ndi à hwɛni lì ò kàyìrzɛ, ò eŋgànɛlɛ ò aŋgàmɛ̀nɛ̀yi lì ɛndɛ ò ma Kayirzà.”

Hwègbèèlì 25:25

Ndi ò hweyàrzìrzèlì hwe ami, na ɛni nanù ema, a rza gbèyi tɔ̀ eyà ema e mò kànɛyi e kpelì. Ndi ehwànja à mà wunduwa nanù ema ŋmàŋgò mò eni mò kàyàwe ndi na Kàyìrzà, ò eŋgànɛlɛ imba na mo òma aŋga.

Hwègbèèlì 27:11

Ndi e mòkànèlì wa rzònja a rzi lòkɛ̀ mamɛ ema Pàwolò à mà òhwe ndi à mà lòkɛ̀ ndi mamɛ ema e mòlukelì na e mòhwɛnɛ wa meŋge melì me ŋmànja hwa mò òhwe.

Hwègbèèlì 27:43

Ndi òŋgò mòkànèlì wa rzònja, à mà arza ò lì kàrzòlɛ Pàwolò, ò eŋgànɛ̀lɛ̀ à mà aya irzònja ema hwa rzi gbeyà nanù. Mɔ̀ à mà kànèyà nanù ema hwaŋga hwatò ema hwa tànɛyi lì nyɔ̀keyà hwa hvànje ò malìhwa hvɔ̀ni hwa nyɔ̀keyà ò lì uka ò rzàawà.

Hwègbèèlì 27:6

Aŋga ndi òŋgò mòkànèlì wa hwàànà njuma a ɛnɛ melì me ŋmànja ema me ma uwɛ̀lɛ̀lɛ̀yi ò mbòwa ndɛnɛ ya Alɛ̀rzàndrìyà ema me ma hwɛ lì ɛndɛ ò èkòmè ya Itàlì, rzìi a jò kpɛɛlɛ ò tenì ya meŋge melì me ŋmànja.

Hwègbèèlì 28:1

Nà òma i ma ùke gbamù ò rzàawà, aŋga ndi ja a rzɔ̀ŋgìtɛ̀nɛ̀ nanù ema èŋge èki ema i ma hwɛ ema e ma tòŋgahwa na malìhwa e hwɛ̀lɛ̀hwɛ̀ ndi Malta.

Hwègbèèlì 28:16

È hvònda i ma ùke ò Ròmànì, Pàwolò à mà ŋgbààhwà wònjà ò lì lìya mɔ̀ ŋmìti, ndi à mà òhva rzònja ema e ma mò ɔŋgeya.

Hibrù 13:24

È kɔmè hwatimbelì hwa anyu hwa arzɛ, nà hwatò hwa arzɛ hwa ama Lohwà. Hwatò hwa Lohwɛ̀ ema hwa uwɛ̀lɛ̀lɛ̀yi o Itàlì wɔ̀ hvɛ hwa e omelì ikɔ̀mi.