Hwègbèèlì 26:9 - Mokpwe: Bakwery (New Testament)

⁹ Imba mbiti nà mà keka ò lì arza ŋmànò ò lì hvàŋga lìinà la ama Yerzù mòtò wa Nàrzàrɛ̀tì.

Hwègbèèlì 26:9 Mawu Ofanana

Yòwanìrzɛ̀ 15:21

Ndi hwa ò è gbèeyà hwenè hweyà hwe arzɛ ò lìnà là ami èhwanja hwa rza hwi e mɔ̀ ema a nò òmi.

Hwègbèèlì 21:13

Ndi Pàwolò à mà alàhwɛ̀ nanù ema, “Mamɛ inyɔ e hwèlì e gbeyà nanù e? O lì eyà nanù rzi ya a nò tùlɛ ŋmèma e? Nà wòŋgìrzɛ̀nɛyi rzeketɛ ò lì kakahwa mɛnɛ, ndi tɔ̀ ò lì ŋwèeyà ò Jèrurzalɛ̀mù, ehwànja na gbèeyà Rzàŋgò Yerzù.”

Hwègbèèlì 22:3

“Nà hwèlì ndi mòtò wà Yudà, na ŋyàhwɛlɛyi ndi ò mbòwa ya Tàrzɔ̀rzì ò erzòòkà ya Rzìlìrzìyà, ndi na kòkèlì ndi ò tenì ya Jèrurzalɛ̀mù. Nà òkòlɛ̀hwɛyi ndi na Gàmàlìyɛ̀lì ndèŋganɛlɛ mɔ̀ ndi à mà nò òkòlɛ̀ kɔ̀yi-kɔ̀yi lì hvòmɛ̀nɛ̀ imbenda ja ama imbamba ja arzu. Nà ma hwɛnɛ nyɔ̀ŋgi ndɛnɛ ò lì gbèeyà Lohwɛ̀ na òma inyɔ hwa arzɛ hvɛ ema e hwèlì anu òma yawònò e hwèlì e gbèeyà Lohwɛ̀.

Hwègbèèlì 22:4

Nà mà tàkirzɛ hwatò ema hwa mà òŋgama è njiya yà ama Yerzù rzayi-rzayi natɛ̀ɛ lòŋgò hwa ŋwa. Nà mà hwɛ lì ŋgbaŋgɛ wunyanà nà hwalanà rzi nà hwa aŋgɛ ò hwèwòwà.

Hwègbèèlì 22:8

Nà mà ijòwa nanù ema, ‘Ìi Rzàŋgò, ò wà ò hwèlì ndi njɛnɛ e?’ À mà nò alàhwɛ nanù ema, ‘Imba nà hwèlì ndi Yerzù wà Nàrzàrɛ̀tì ema ò tàkìrzɛ̀.’

Hwègbèèlì 24:5

Irzɔ i luu nanù ema ònò mòtò a hwɛ̀lɛ̀hwɛ̀ɛ Pàwolò a hwèlì ndi mòtò hwa mòhvùŋgu, ndeŋgànɛlɛ mɔ̀ à tinɛlɛ mòhvùŋgu ò tenì ya wònyà Yudà hwa arzɛ ò e rze ya arzɛ. Ndèŋgànɛlɛ mɔ̀ à hwèlì ndi mòtìmbèlì mɔ̀kɔ wa ehvehva ya Nàrzàlɛ̀nì.

Hwègbèèlì 3:17

“Ìi wònyàmòwe kòkò hwa Irzàyɛ̀lì, na hwi nanù ema tɔ̀ ima lìtumba la eyà ema inyɔ na hwàtìmbèlì hwa anyu e ma gbeyàne Yerzù, e ma e gbeyà ndi ehwànja e rzi hwiye mamɛ e ma hwɛ lì gbèeyà.

Hwègbèèlì 3:6

Ndi Pètrò à mà mò òhweyà nanù ema, “Nà rza òhvi tɔ̀ kahvà ò lì ò ŋgba. Ndi na ò ŋgbà mamɛ ema imba na òhvi. O lìna la ama Yerzù Krirztò mòtò wa Nàrzàrɛ̀tì tɛ̀mɛ̀nɛ ò ŋmanyu ò ɛ̀ndɛ!”

Hwègbèèlì 9:1

Ò ene hvònda Rzàwòlò mɔ̀ à mà hwɛ ndi lì kimeya ò lì òŋwa hwàlòkèlì hwa ama è Rzàŋgò. À mà ɛndɛ lì ùŋmànɛ̀lɛ̀ è Pìlìrzì ema è Kàrzami.

Hwègbèèlì 9:16

Ndeŋgàna imba na hwɛni lì mò uŋmɛ̀lɛ̀ mamɛ ya arzɛ ema a hwɛni lì taka ò nyòla ami.”

Ròmànì 10:2

Nà hwa tɛ̀mèlì mbòŋgi nanù ema wɔ̀ hwa hwɛni ekɔ̀njì ò ma Lohwɛ̀. Ndi wɔ̀ hwa rza rzɔ̀ŋgìtɛ̀nɛ̀ nɛ wɔ̀ hwa hwɛni lì hwɛnɛ èkɔ̀njì na mɔ̀.

Hvìlipìyà 3:6

Nà ma hwɛnɛ e nyɔ̀ŋgi rzayi-rzayi nyayi ema e ma gbeyà ema na tàkirzɛ lì arzàŋganɛ la hwatò hwa ama Yerzù Krirztò. Tɔ̀ mòtò a rzi tanɛ lì ohwa nanù ema nà mà ohva tɔ̀ lìtɔ̀tì tɔ̀ lɔ̀kɔ la wòhwe o nyo ya ami, ehwànja nà mà ika e mbenda ya arzɛ ya hwatò hwa Irzàyɛ̀lì.

1 Tìmotì 1:13

A ma gbeyà nanù, tɔ̀ nɛ o hwewotelì nà mà hwɛ lì mo teŋgɛ̀nɛ na ìrzìlàkò, nà mà hwɛ o lì tàkìrzɛ̀ hvɛ hwaŋga hwatò ema hwà mà mo lòkɛ̀ na o lì mo òhwirzɛnɛ hvɛ mbɔrzi ja wòhwe. Ndi o hwene hweyà hwe arzɛ ema nà mà hwɛ lì gbeyà, Yerzù Krirztò à mà no komeya ììlì ja eni èhwanja na rzi ohve lì lòkɛ̀ ndèŋgàna na rzi hwiye mamɛ ema nà mà hwɛ lì gbeyà.