Hwègbèèlì 26:8 - Mokpwe: Bakwery (New Testament)

⁸ Mamɛ ndèŋgàtɛ inyɔ hwatò hwa wònyà Yudà e rza tànɛyi lì lòkɛ̀ nanù ema Lohwɛ̀ a tànɛyi lì hvùmùlɛ hwatò ema hwà mà ŋwɛɛ ò lì hwɛ o lòŋgɛ e?

Hwègbèèlì 26:8 Mawu Ofanana

Lukàrzɛ̀ 1:37

È hwèlì ndi nanù, èhwanja tɔ̀ eyà e rzà àmbì nà Lohwɛ̀.”

Lukàrzɛ̀ 18:27

Yerzù à mà hwa timbirzɛlɛlɛ nanù ema, “Mamɛ ema e ambani è mòtò wà hwènàmà, e rzà àmbanì Lohwɛ̀ ò lì e gbeyà.”

Hwègbèèlì 23:6

Nà òma Pàwolò à mà ayèmbɛ nanù ema lòŋgò la hwaŋga hwatò hwa eŋge ŋgindi hwà mà hwɛ ndi hwatò hwa ehvehva ya Rzàdùrzì ndèŋgànà hwànɛ̀yi hvɛ Ihvàlìrzàyì, mɔ̀ à mà kàrzɛ lìlò la eni rzi a òhweyà hwatò hwa lìkànèyà la mbòwa nanù ema, “Ìi wònyànyàŋgò wa ami hwa wònyà Yudà kòkò! Nà hwèlì ndi hvàlìrzàyì, ndèŋganɛlɛ na hwèlì ndi e ŋmanà wa mòtò ema a hwèlì ò ehvehva ya Hvàlìrzàyì. Nà hwèlì ndi ò hwèkàyìrzèlèlì anu ehwànja na lòkɛ̀yi nanù ema Lohwɛ̀ a ò hvùmùlɛ hwatò ema hwà mà ŋwɛɛ ò lòŋgɛ.”

Hwègbèèlì 25:19

Ndi wɔ̀ hwà mà òhva ndi mbùnakɛ̀ na mɔ̀ ò lì hvòmɛ̀nɛ̀ lì lòkɛ̀ la awu na mòtò mɔ̀kɔ ema a hwɛ̀lɛ̀hwɛ̀ Yerzù, ema à mà màa lì ŋwa, ndi mɔ̀ Pàwolò a òhwa nanù ema òŋgò mòtò a e hwèlì lòŋgɛ̀.

Hwègbèèlì 4:2

Hwà mà tata rzayi-rzayi èhwanja Pètrò nà Yòwanìrzɛ̀ hwà mà hwɛ lì òkòlɛ̀ hwatò nanù ema, Yerzù à mà hvùmùwà. Ène ŋgàna e òhwa ndi nanù ema e wɔ̀ hwa ŋwelì hwa ò hwɛ ò lòŋgɛ̀ hvɛ.

1 Kɔ̀rintìyà 15:34

È timbe o mahwiye ma anyu ma jɔ̀kɛ̀, e rzìi gbeyà wòhwe hvɛ. Lòŋgò la anyu e rza hwi Lohwɛ̀. È hwɛnì ndi lì oka ìrzɔnì na oma na ohwa ene eyà.

Hvìlipìyà 3:21

Mɔ̀ a o gbeyàna màyìmbi ma eni ema mɔ̀ à gbeyàna o lì kànèyà hweyà hwe arzɛ, ndèŋgànɛ̀lɛ̀ mɔ̀ à o tikowa inyo ja arzu ja e rze, inyo ja arzu ema i rza hwɛnɛ màyìmbi aŋga nanù jo luwa inyo ndɛnɛ ja màyìmbi na oma mɔ̀ à mà luwe e hvonda ema Lohwɛ̀ à mà mo hvùmùlɛ o kpelì.