Hwègbèèlì 26:6 - Mokpwe: Bakwery (New Testament)

⁶ O yàwònò imba na tɛmi ndi anù ò lì kàyìrzɛ̀hwɛ na ò wa ehwànja na lòkɛ̀ nanù ema Lohwɛ̀ a òndìrzɛ lì kàkɛ̀nɛ la eni ema à mà kàkɛ̀nɛ imbamba ja arzu.

Hwègbèèlì 26:6 Mawu Ofanana

Hwègbèèlì 23:6

Nà òma Pàwolò à mà ayèmbɛ nanù ema lòŋgò la hwaŋga hwatò hwa eŋge ŋgindi hwà mà hwɛ ndi hwatò hwa ehvehva ya Rzàdùrzì ndèŋgànà hwànɛ̀yi hvɛ Ihvàlìrzàyì, mɔ̀ à mà kàrzɛ lìlò la eni rzi a òhweyà hwatò hwa lìkànèyà la mbòwa nanù ema, “Ìi wònyànyàŋgò wa ami hwa wònyà Yudà kòkò! Nà hwèlì ndi hvàlìrzàyì, ndèŋganɛlɛ na hwèlì ndi e ŋmanà wa mòtò ema a hwèlì ò ehvehva ya Hvàlìrzàyì. Nà hwèlì ndi ò hwèkàyìrzèlèlì anu ehwànja na lòkɛ̀yi nanù ema Lohwɛ̀ a ò hvùmùlɛ hwatò ema hwà mà ŋwɛɛ ò lòŋgɛ.”

Hwègbèèlì 24:15

Nà òhvi lìhvìtà na Lohwɛ̀ nyayi hvɔ̀kɔ hvɛ mɛnɛ na òma hwanù hwatò wɔhvɛ hwa òhvi. Nà àhvìtɛ̀ nanù ema hwatò hwa arzɛ hwa ò hvùmùwà ò kpelì, e wɔ̀ ema hwa tɛmi ehve-ehve na e hwaa wòhwe.

Hwègbèèlì 24:21

Lì akà tɛ ene eyà ya awɔ̀kɛ mɛnɛ ema nà mà gbeye. Nà ma kàrzɛ lìlò la ami nanù ema, ‘Inyɔ e nò kàyìrzɛ ndi ànu yàwònò èhwanja na lòkɛ̀yi nanù ema hwatò ema hwa ŋwelì hwa ò hvùmùwà hvɛ ò lòŋgɛ.’”

Hwègbèèlì 26:8

Mamɛ ndèŋgàtɛ inyɔ hwatò hwa wònyà Yudà e rza tànɛyi lì lòkɛ̀ nanù ema Lohwɛ̀ a tànɛyi lì hvùmùlɛ hwatò ema hwà mà ŋwɛɛ ò lì hwɛ o lòŋgɛ e?

Hwègbèèlì 28:20

Lìtiŋga lɔ̀ lìŋgi ema lì gbèyi imba na e hwɛlɛ nanù ema jò òhwe. Ò jɔ̀kɛ̀-jɔ̀kɛ̀ na arza nanù ema e hwiye nanù ema e hwèlì tɛ nanù ema iŋgɔ̀kɔ̀hwi i nò hwèlì tɛ ò màà ma ami, nanù òma i hwèlì ndi ò lì hvòmɛ̀nɛ̀ e mòtò ema hwatò hwa Irzàyɛ̀lì hwa ikayi màhvìtà mà awu nanù ema mɔ̀ à hwɛni lì jà.”

Hwègbèèlì 3:24

Hwanɛyi hwà-òhwèlì hwa hwèlìŋgɛ hvɛ lì wòteyà Rzamùwɛlì na hwaŋga hvɛ ema hwà mà jà ò mburza ya eni wɔ̀ hwa arzɛ hwà mà òhva ŋmɛ̀ndì, ndèŋgànɛ̀lɛ̀ hwà mà òhwa hweyà ema hwe ò gbèyɛ̀nɛ ò mene mèenyà.

Ròmànì 15:8

Nà e òhweyà nanù ema, Krirztò à mà timba ndi mògbèèlì wa wònyà Yudà ò lì uŋmɛ̀lɛ̀ nanù ema Lohwɛ̀ a hwèlì jɔ̀kɛ̀, ò lì òndìrzɛ̀ lì kàkɛ̀nɛ̀ ema à mà ika na imbamba ja awu jò ò gbèyɛ̀nɛ na e jɔ̀kɛ̀.

Gàletìyà 4:4

Ndi lìrzako ema e hvonda ya jɔ̀kɛ̀ e ma uke ema Lohwɛ̀ à mà kàkɛ̀nɛ̀, Lohwɛ̀ à mà oma Ŋmanà wa eni o rze. Oŋgo ŋmanà à mà uwɛ̀lɛ̀lɛ̀yi ndi o luŋga la molanà rzi a oŋgeya o rze ya e mbenda.

Tàyìtùrzì 2:13

Inyɛ̀ i gbeye nanù, na oma ja ambɛ̀lɛ̀ na lìhvìtà hwèèmà ema hwe o jɛ̀ɛ̀ o wòŋgo wùnyà ema Lòohwà la arzu, e mɔ̀ ema a Kàrzàmi na e Mòrzùŋgèlì hwa arzu Yerzù Krirztò à ò jà nà èluhwe ya eni.