Hwègbèèlì 26:4 - Mokpwe: Bakwery (New Testament)

⁴ O eŋgànɛ̀lɛ rzɔ hwatò hwa arzɛ hwa wònyà Yudà hwa hwi lòŋgɛ la ami lì wòteya nà mà hwɛ erzɔ̀mbɛ. Wɔ̀ hwa hwi lòŋgɛ la ami, lì wòteya nà mà hwɛ mberza ema nà mà hwɛ lì lìya ò ìtììtènì ja hwatò wa ami, rzɛ̀hvɔ̀nì e hvònda ema nà mà hwɛ ò Jèrurzalɛ̀mù.

Hwègbèèlì 26:4 Mawu Ofanana

Hwègbèèlì 22:3

“Nà hwèlì ndi mòtò wà Yudà, na ŋyàhwɛlɛyi ndi ò mbòwa ya Tàrzɔ̀rzì ò erzòòkà ya Rzìlìrzìyà, ndi na kòkèlì ndi ò tenì ya Jèrurzalɛ̀mù. Nà òkòlɛ̀hwɛyi ndi na Gàmàlìyɛ̀lì ndèŋganɛlɛ mɔ̀ ndi à mà nò òkòlɛ̀ kɔ̀yi-kɔ̀yi lì hvòmɛ̀nɛ̀ imbenda ja ama imbamba ja arzu. Nà ma hwɛnɛ nyɔ̀ŋgi ndɛnɛ ò lì gbèeyà Lohwɛ̀ na òma inyɔ hwa arzɛ hvɛ ema e hwèlì anu òma yawònò e hwèlì e gbèeyà Lohwɛ̀.

Hwègbèèlì 24:14

Ò jɔ̀kɛ̀ imba na imelì ò wòrzò wò aŋgɔ̀ nanù ema na gbèeyà Lòohwà ema imbamba ja arzu i ma gbèeyà nàa òma imba na òŋgama e Njiya ya jɔ̀kɛ̀. Nà lòkɛ̀ hweyà hwe arzɛ ema hwe tɛmi ehve-ehve lì hvòmɛ̀nɛ̀ e mbenda ya ama Mòrzè na mamɛ ema hwà-òhwèlì hwa hwèlìŋgɛ̀ hwà mà tìle.

Gàletìyà 1:13

È mà hweyà nɛ lòŋgɛ là ami lì mà lome lì hwɛ è hvonda ema na mà nɔ̀ŋgɔ ɛ̀ɛ̀mɛ̀ ya wònyà Yudà. È ma hweyà nanù ema imba nà mà hwɛ lì tàkìrzɛ̀ hwatò hwa ama Krirztò na ekɔɔni ya ami ya arzɛ. Nà ma arza lì hwa kulɛ hwa arzɛ.

Hvìlipìyà 3:5

È hvonda ema nà mà ŋyàahwè, nà ma endàhwa o mèenyà hwàmbi. Nà hwèlì ndi mùnyanà hwa Irzàyɛ̀lì ema na uwɛlɛlɛ o lìtumba la ama Bènjàmɛ̀nì. È rzàŋgo na e nyàŋgo ya ami hwà mà hwɛ ndi hwatò hwa Hibrù. Nà ma hwɛ ndi mùnyanà wa Hvàlìrzàyì, nà mà ika imbenda na oma ja arzahwa.

2 Tìmotì 3:10

Ndi o wa Tìmòtì o nɔŋgi gbamù hwèyòkòlèlì ema nà mà okolɛ hwatò, ndèŋgàna o nɔŋgi ɛ̀ɛ̀mɛ̀ ya ami, ndèŋgàna o òŋgami mamɛ ema na arza lì gbeyà o lòŋgɛ la ami. O hwi oma na lòkɛ̀yì Lohwɛ̀, o hwi lì àjùlɛ̀ la ami ndèŋgàna o hwi e ndìŋgɛ ya ami ema na uŋmɛ̀lɛ̀ hwatò. O hwi nɛ imba na kaki ŋmèma o ene èwòlò ema na gbeyà.