Hwègbèèlì 26:3 - Mokpwe: Bakwery (New Testament)

³ Imba na nàmìrzɛ̀hwɛyi tòwòtòwò ehwànja ò wa ò hwèlì ndi mòtò ema ò rzɔ̀ŋgìtɛ̀nɛ̀ ɛ̀ɛ̀mɛ̀ ya arzɛ ya hwatò hwa wònyà Yudà ndèŋgànɛ̀lɛ̀ èki ema e kanjɛ-kànjɛ ya awu e uwɛ̀lɛ̀lɛ̀yì. O eŋgànɛlɛ na ò atɛkɛ ò lì nò àjùlɛ̀nɛ̀ lì nò òkànèyà kɔ̀yi-kɔ̀yi.

Hwègbèèlì 26:3 Mawu Ofanana

Hwègbèèlì 21:21

Wɔ hwà mà òhwahwɛlɛ lì hvòmɛ̀nɛ̀ ò wa nanù ema, ò òkòlɛ wònyà Yudà hwa arzɛ ema hwa lìya ò hwèkòmè hwe hwaŋga hwatò ema hwa rza enje wònyà Yudà, nanù ema wɔ̀ hwa rza oŋgàmà e mbenda ya ama Mòrzè. Wɔ hwa òhwa nanù ema, ò wa ò hwa òhweyà nanù ema hwa rzi enda hwàanà hwa awu, ndèŋgàna hwa rza òŋgama ɛ̀ɛ̀mɛ̀ ya wònyà Yudà.

Hwègbèèlì 24:10

Aŋga ndi e mòkànèlì Hvɛlìkrzi a à ŋgba Pàwolò ehvòlò ya lì òhwa eyà, Pàwolò rzìi a wòteyà lì òhwa nanù ema, “Imba na hwi nanù ema ò wa ò ma kàyìrzɛ meyaŋgò rzàyi-rzàyi ò tenì ya rzàyi-rzàyi ja meya ema me ma aka ò tenì ya ene èkòmè. Ndèŋgànɛlɛ na òka mɔ̀nyɛ̀ŋgì ò lì kaya ŋmàŋgò mò ami ò wòrzò wò aŋgɔ̀.

Hwègbèèlì 24:4

Nà rza arza lì wòwa e hvònda ya aŋgɔ̀ rzayì-rzayì ò eŋgànɛlɛ rzɔ na ò rzòrzòmelì nanù ema ò gbeyàne ŋmèma mò aŋgɔ mò gbamù ò jò ŋgbèe ŋmanà hvòka wa hvònda ò lì òkànèyà mamɛ ema jò òhwa.

Hwègbèèlì 25:26

Ndi ò jɔ̀kɛ̀ na rza òhvi tɔ̀ lìtiŋga la eyà ò lì tìla ò itita ò lì òmeya Kàyìrzà ò lì teŋgɛ̀nɛ̀ Pàwolò. O èŋgànɛ̀lɛ̀ ò naŋgɛ na e jànelì e mɔ̀ ò marzò ma anyù, rzɛ̀hvɔ̀nì ò wòrzò wò aŋgɔ̀ Kìŋgɛ̀ Agrìpa, aŋga nanù ò mburza hweyàrzìrzèlì hwe anyu, na ò hwɛnɛ eyà ya lì tìleya Kàyìrzà.

Hwègbèèlì 26:2

“Ìi Kiŋgɛ Agrìpa kòkò, imba na a ɛnɛ nàa na nàmìrzɛ̀hwɛ ò lì tɛ̀mɛ̀ ò wòrzò wò aŋgɔ̀ ò lì kàya ò wònò wùnyà lì hvòmɛ̀nɛ̀ hweyà hwe arzɛ ema hwàtimbelì hwa wònyà Yudà hwa òhwa lì nò teŋgɛ̀nɛ̀.

Hwègbèèlì 26:26

Kìŋgɛ̀ Agrìpa kòkò, na tànɛyi na ò òhwìrzɛ̀nɛ̀ na e kumba ehwànja na hwi nanù ema ò rzɔ̀ŋgitɛ̀nɛyi hwene hweyà hwe arzɛ. Nà lòkɛ̀ nanù ema ò rzɔ̀ŋgìtɛ̀nɛ̀ hweyà hwe arzɛ ema hwe ma gbèyɛ̀nɛ. Èhwànja hweyà ema hwe gbèyɛ̀nɛyi hwe rza gbèyɛ̀nɛyi ndi ò jututa.

Hwègbèèlì 26:7

Ène eyà ndi lìyòmɛ̀ la matumba nà mà hwàkɛ ma arzu ma mà àhvìtɛ̀ nanù ema mà luwa na òma hwa kànɛ Lohwɛ̀ ŋmerze na wuu. Ìi Kiŋgɛ kòkò, ndi lìni lì àhvìtɛ̀ lɔ̀ ndi lì gbèyi ema hwatò hwa wònyà Yudà hwa òhwa hweyà hwe wòhwe ò lì nò teŋgɛ̀nɛ̀.

Hwègbèèlì 28:17

O mburzà ya mèenyà meyawò, Pàwolò à mà rzàŋga hwatimbelì hwa hwatò hwa wònyà Yudà ema hwà mà lìya ò èŋge mbòwà ndɛnɛ ya Ròmànì ò wòlìya. È hvònda ema hwà mà jèe, rzìi mɔ̀ à hwa òhweyà nanù ema, “Ìi wònyànyàŋgò wa ami hwa Irzàyɛ̀lì, imba na rzi gbeye hwatò hwa arzu tɔ̀ eyà yɔ̀kɔ ya wòhwe, ndèŋgàna na rzi gbeye tɔ̀ eyà yɔ̀kɔ ya wòhwe ò lì teŋgɛ̀nɛ̀ ɛ̀ɛ̀mɛ̀ ema imbamba ja arzu i ma jò lìiya. Ndi tɔ̀ nanù, hwatò hwa arzu hwà mà nò lɛmbɛ ò Jèrurzalɛ̀mù rzìi hwa nò akɛlɛ ò hwàtimbelì hwa Ròmànì. O eŋgànɛ̀lɛ̀, na hwèlì ndi ànu nàa mòtò wa hwèwòwà.

Hwègbèèlì 6:14

I ma mò hwèya a òhwa nanù ema ònò Yerzù wa Nàrzàrɛ̀tì a rzuulɛ ene Ndawò yà Lohwà a eŋgòwa hvɛ hwɛ̀ɛ̀mɛ̀ hwe arzu ema hwe jò ŋgbàahwì na Mòrzè.”

1 Kɔ̀rintìyà 13:2

Tɔ̀ na hwɛnɛ hvɛ ndi jàhwèyà ja lì ohwa ŋmɛ̀ndì mo Lohwɛ̀ nɔke-nɔke, tɔ̀ na hwɛnɛ hvɛ ndi lìhwiyè la lì rzɔ̀ŋgìtɛ̀nɛ̀ la ìwùndɛ̀ ja arzɛ. Nà tànɛyi hvɛ tɛ lì hwɛnɛ̀ lì lòkɛ̀ ema lì no gbeyà ema na ohweyà e hvàko, ema e tikowe hwetɛmelì hweni. Rzi na rzi uŋmɛ̀lɛ̀ hwatò e ndìŋgɛ, nanù oma na rza enje tɔ̀ eyà.