Hwègbèèlì 26:13 - Mokpwe: Bakwery (New Testament)

¹³ Ìi kìŋgɛ kòkò, ò eyàà yà kɔ̀rzi yà ŋmèrze, nà òma nà mà hwɛ ò yɔ̀ndɔ, nà ɛnɛ ŋmàye ema mò mà uwɛ̀lɛ̀lɛ̀yi ò ŋmanyu yà lohwà ema mò mà hvànya lì aka tɔ̀ ŋmàye mò igbe, ema mò mà nò tòŋga imba nà hwaŋga ema ì mà ɛ̀ndɛ̀lɛ̀nɛ̀.

Hwègbèèlì 26:13 Mawu Ofanana

Matiyò 17:2

Aŋga rzɔ ndi Yerzù à mà atikòwɛ ò wòrzò wò awu, wòrzò wa eni wò ma hvànya ndi nàa igbèyi, lìhwatù la eni hvɛ lì ma ayèŋgòwɛ̀ mbɔmi yà ŋmàye mò rzɛŋgɛ-rzɛŋgɛ.

Hwègbèèlì 22:6

“Nà òma nà mà hwɛ ò yɔ̀ndɔ̀ rzìi nà uka ò lì kòmbɛ̀nɛ̀ è mbòwa ndɛnɛ yà Dàmàrzkɔ̀rzì, eyàà yà kɔ̀rzi yà ŋmèrze, ŋmàye mò ŋginyà rzi mò nò hvàyeyà è nyò yà arzɛ ema mò mà uwɛ̀lɛ̀lɛ̀yì ò lìwòhwɛ là ŋmanyu.

Hwègbèèlì 22:9

Hwàtò ema hwa mà hwɛ nà imba ò mòndèŋge, hwa mà ɛnɛ mòŋgò ŋmàye, ndi hwa rzi hweye lìlò là ama è mɔ̀ ema à mà hwɛ lì nò òhwìrzɛ̀nɛ̀.

Hwègbèèlì 26:12

“Ò ene ŋgàna ɔ̀ndeŋgàtɛ̀ imba nà mà ɛ̀ndɛ ò mbòwa yà Dàmàrzkɔ̀rzì nà è wònjà nà lìkànèyà là ama ipìlìrzì ndɛnɛ ema hwa mà nò ŋgbe.

Hwègbèèlì 26:14

Irzɔ hwa arzɛ ì mà kpa ò rze. Aŋga ndi nà à hweyà lìlò lì nò òhweyà ò mbɔrzi yà Hibrù nanù ema, ‘Rzàwòlò, ìi Rzàwòlò, mamɛ ndeŋgatɛ ò nò tàkìrzɛ̀ e? È njuma ema ò nò anana e gbèyi ndi nàa ŋmanà ema a nyɔ̀ŋgɔ rzìi a à kòka lìhwɛ la ama nyàŋgɛ. A agbeyɛ ndi mɔ̀ ŋmìti wòhwe.’

Hwègbèèlì 9:3

Aŋga ndi Rzàwòlò à mà anjiye rzi a ɛndɛ. Nà òma mɔ̀ à mà kòmbɛ̀nɛ̀ è mbòwa yà Dàmàrzkɔ̀rzì, lìwòkimɛnɛ lìŋmɛti lì mà uwɛ̀lɛ̀lɛ̀yì ò ŋmanyu yà lohwà, rzìi lì mò hvàyeyà è nyò yà arzɛ.

Hwèwulùwèlì 1:16

O lìya la eni la momɛ̀, à mà tɛtɛ rzombe lìrzamba. Rzɔ̀lɔ̀ ema e ma eeya rzayi-rzayi o hwèhvàrzù hwe-ahwakɛ yɔ̀hvɛ e ma wurza o wàna ya eni. Wòrzo wa eni wɔ̀ hvɛ wo ma hvànya na ŋginyà nàa igbèyi ja kɔ̀rzi ya ŋmerze.

Hwèwulùwèlì 21:23

Ène mbowà ndɛɛndɛ e rza arza igbèyi tɔ̀ ŋmɛ̀ɛlì o lì e hvàyeya ehwànja èluhwe ya ama Lohwɛ̀ yɔ̀ ndi e hwèlì ŋmàye mo eni, ndèŋgànɛ̀lɛ̀ e Ŋgumà ya Mɔ̀lɛ̀ŋgù ndi à gbèyi nàa ètùlu ya eni.