Hwègbèèlì 26:11 - Mokpwe: Bakwery (New Testament)

¹¹ O ŋgèlì rzayì-rzayì hvɛ imba nà mà hwɛ lì hwa kɔ̀kìrzɛ̀ ò tenì ya indawò ja màkanɛ̀ ja wònyà Yudà ja arzɛ, ndeŋgànɛlɛ nà mà hwɛ hvɛ lì arza nanù ema hwa òhwe hweyà hwe wòhwe ò lì teŋgɛ̀nɛ̀ Yerzù. Imba nà mà hwa tàtàna rzàyi-rzàyi nyàyi ema nà mà hwɛ lì ɛndɛ ò màhvɛhvɛ mambòwà nà ò hwehvɛhvɛ hwèkòmè ò lì hwa tàkirzɛ.”

Hwègbèèlì 26:11 Mawu Ofanana

Matiyò 10:17

È wòwe hvɛ hvònda na hwatò, ehwànja o ò hwɛ hwatò ema hwa e ò ɛ̀ndɛ̀nɛ̀ ò i ndawò ja hwèkàyìrzèlì, ndèŋgànà e gbiyɛhwɛ hvɛ hvònji ò ndawò ja awu ja màkanɛ̀.

Makòrzì 13:9

Hwenè hweyà hwe wòtelì tɛ lì gbèyɛ̀nɛ, è hwɛnì lì aŋgòwa. Èhwanja hwa hwɛnì lì è ŋgbàŋgɛ rzìi hwa è àkɛ̀lɛ̀lɛ ò màà mà hwàkàyìrzèlì hwa meyàŋgò. Hwa è gbiyɛ hvònjì ò ndawò ja màkanɛ̀ ja wònyà Yudà. O nyòla ya ami è tɛ̀mɛ̀ ò màrzò ma hwàkànèlì na ìkiŋgɛ̀ ò hwèkàyìrzèlì. Hwenè hweyà hwe ò gbèèyɛnɛ aŋga nanù òma e ma hwa òhweyà Ŋmɛ̀ndì mò Gbamù mò òma Lohwɛ̀.

Makòrzì 3:28

Nà è òhweyà è jɔ̀kɛ̀ nanù ema, wòhwe wò àrzɛ nà ìrzìlàkò hwatò hwa òhwa, Lohwɛ̀ à hwa làkìrzɛ̀,

Lukàrzɛ̀ 15:17

“È hvònda ema ò nò ŋmanà a mà àyeembɛ, aŋga ndi a à òhwanɛ̀lɛ̀ mɔ̀ ŋmìti nanù ema, ‘Ɔ̀ŋgɔ tɛ, nà òmà hwàgbèèlì hwà mà tatɛ̀ wɔ̀ hwa làa natɛ̀ɛ mò lìiya, ìmba hvɛ nà hwèlì anù nà ŋwaànà è njàwò!

Lukàrzɛ̀ 21:12

Ndèŋgàna hwenè hweyà hwe àrzɛ hwe e hwiya lì gbèyɛnɛ, hwa è ŋgbaŋgɛ̀, rzìi hwa è takìrzɛ̀. Hwa è ɛ̀ndɛ̀nɛ̀ ò ndawò ja màkanɛ̀, hwa e kàyìrzɛ rzìi hwa e aŋgɛ̀ ò hwèwòwà. Hwa è jàna ò màrzò ma ìkiŋgɛ̀ nà hwàkànèlì ò nyòla ami.

Lukàrzɛ̀ 6:11

Ihvàlìrzàyì nà Hwà-òkòlèlì hwà mbenda hwa mà ònda nà hwètàtò rzìi hwa òhwanɛ̀lɛ mɔ̀kɔ nà ɔ̀nɛ̀yi mamɛ hwa tànɛyi lì gbeyàna Yerzù.

Hwègbèèlì 13:45

È hvònda wònyà Yudà hwà mà ɛnɛ e ŋgìndì, hwà mà òndana na lìrziŋga. Rzìi hwa wòteya lì teŋgɛ̀nɛ̀ mamɛ ema Pàwolò à mà hwɛ lì òhwa na ò lì mò rzòrzòlɛ hweyòlì.

Hwègbèèlì 18:6

Ndi wɔ̀ hwà mà hwɛ lì teŋgɛ̀nɛ̀ Pàwolò na lì mò òhwàna hweyà hwe wòhwe, à mà titòwa e rzɔ̀wɛ̀ ema e ma mò hwɛ ò mataŋgà mà eni ò lì uŋmɛ̀lɛ̀ nanù ema e kɔ̀kìrzɛ̀ ya ama Lohwɛ̀ e hwèlì lì hwa ambɛ̀lɛ̀ rzìi mɔ̀ à hwa òhweyà nanù ema, “È wɔ̀lɛ̀nɛ̀ tɛ òma inyɔ hwiti ndi e arzi. Nà rza enje e ya ami ò tenì. Li wòteya nàŋgɛ̀ na ɛ̀ndɛ ndi lì òhweyà hwaŋga hwatò ema hwa rza enje wònyà Yudà ŋmɛ̀ndì mò gbamù.”

Hwègbèèlì 22:19

Nà mà mò alàhwɛ̀ nanù ema, ‘Ìi Rzàŋgò hwanu hwatò hwa hwi gbamù nanù ema imba nà mà hwɛ lì kpèeyà ò tenì yà indawò jà màkanɛ̀ jà wònyà Yudà, ò lì ŋgbaŋgɛ nà lì gbiyɛ̀ hwaŋga hwatò ema hwa mà ò lòkɛ̀ hvònji.

Hwègbèèlì 22:5

È pìlìrzì è karzamì nà hwàmbàkì hwa arzɛ hwa lìkànèyà là mbòwà, hwa tanɛyi lì imànɛlɛ nanù ema nà òhwa ndi è jɔ̀kɛ̀. Nà mà hwa wòwànà hwètìtà ema hwa mà tìleya wònyanyàŋgò hwa ami hwa wònyà Yudà ema hwa hwèlì ò mbòwa ndɛnɛ yà Dàmàrzkɔ̀rzì. Ò eŋgànɛlɛ rzɔ imba nà mà ɛndɛ aŋga ò lì ŋgbaŋgɛ hwaŋga hwatò, lì hwa kàka, rzìi nà hwa tìmbànà ò Jèrurzalɛ̀mù aŋga nanù hwa kɔ̀kìrzɛ̀hwɛ.”

Hwègbèèlì 9:1

Ò ene hvònda Rzàwòlò mɔ̀ à mà hwɛ ndi lì kimeya ò lì òŋwa hwàlòkèlì hwa ama è Rzàŋgò. À mà ɛndɛ lì ùŋmànɛ̀lɛ̀ è Pìlìrzì ema è Kàrzami.

Jèmìrzì 2:7

Wɔ̀ ndi wɔ̀ hwa ohwa wòhwe o lì hvomɛ̀nɛ̀ lìinà la gbamù ema lì ma e ŋgbahwa.

2 Pètrò 2:16

Lohwɛ̀ à mà gbeyà nanù ema jàkàrzi ja eni i mo kànje o wòhwe wo eni. Jàkàrzi, èembe ema e rza ohwa, e ma ohwirzɛnɛ Bàlàamì na lìlo la mòtò. Èŋge eyà e ma gbeyà nanù ema ɛ̀ɛ̀mɛ̀ ya ŋmɛ̀ɛ̀nyɛ̀ mo ama e mòòhwèlì wà èlìŋgɛ̀ Bàlàamì e ma kuwa.