Hwègbèèlì 24:5 - Mokpwe: Bakwery (New Testament)

⁵ Irzɔ i luu nanù ema ònò mòtò a hwɛ̀lɛ̀hwɛ̀ɛ Pàwolò a hwèlì ndi mòtò hwa mòhvùŋgu, ndeŋgànɛlɛ mɔ̀ à tinɛlɛ mòhvùŋgu ò tenì ya wònyà Yudà hwa arzɛ ò e rze ya arzɛ. Ndèŋgànɛlɛ mɔ̀ à hwèlì ndi mòtìmbèlì mɔ̀kɔ wa ehvehva ya Nàrzàlɛ̀nì.

Hwègbèèlì 24:5 Mawu Ofanana

Matiyò 10:25

Ò èŋgànɛ̀lɛ̀ è mòòkòwèlì à rza aŋgàmɛ̀nɛ̀yi lì arza èluhwe ema è akàyi è yà ama è mòòkòlelì wà eni. È mògbèèlì mɔ̀ hvɛ à rza aŋgàmɛ̀nɛ̀yi lì arza èluhwe ema è akàyi è yà ama è rzàŋgò yà eni wà èwòlò. Hwa kpɛ tɛ mòòhvò mò lìtumba lìinà ema Bɛ̀lrzɛ̀bùlì, nanù òma hwaŋga hwatò ema hwa hwèlì ò ndawò ya eni hwa ò hwɛ̀lɛ̀hwɛ lìinà ema lì hwiyòhwi lì aka lìni.”

Matiyò 2:23

À ɛ̀ndɛ̀ rzi à lìya ò mbòwà ndɛnɛ ema è mà hwɛ̀lɛ̀hwɛ̀ Nàrzàrɛ̀tì. Ene è mà gbèyɛ̀nɛ ndi ò lì òndìrzɛ̀ mamɛ Lohwɛ̀ à mà òhwèyà hwà-òhwèlì hwa hwèlìŋgɛ̀ lì hvòmɛ̀nɛ̀ Yerzù nanù ema, “À ò hwìyɛ̀nɛ ndi nàa mòtò wà Nàrzàrɛ̀tì.”

Makòrzì 1:24

“Jìyeyi! Ìi Yerzù wà Nàrzàrɛ̀tì, mamɛ ò jò àrzàna e? Ò jelì ndi lì jò hvàŋga e? Nà hwi njɛnɛ ò hwèlì, ò hwèlì ndi è mɔ̀ ema Lohwɛ̀ à òmi, ema à Tàni.”

Lukàrzɛ̀ 23:19

(Bàrabàrzì à mà hwɛ ndi mòtò mɔ̀kɔ, ema à mà aŋgɛhwɛ ò hwèwòwà. Ò nò mòtò Bàrabàrzì à mà òŋwa mòtò, rzìi à jànà lùwànje ò mbòwà).

Lukàrzɛ̀ 23:2

Aŋgà ndi hwa mà wòteya lì mò kùwa ewɛnyɛnyɛ, lì mò kìkòwa lì òhwà nanù ema, “Ò nò mòtò à hwèlì à hvùŋgùwà ekòmè ya arzu. À òhwà àma, ì rzì taŋga è njàŋge yà ama Kàyìrzà. À òhwà à mà Mɔ̀ ndì à Ɔ̀kirzɛ̀hwɛ̀yi, ama mɔ̀ ndì a hwèlì è kiŋgɛ̀.”

Lukàrzɛ̀ 23:25

À ma hwa rzòlòhweya è mòtò ema hwa mà àrze. Òŋgò mòtò ema à ma òŋwa è mòtò, ema à ma jànà hvɛ lùwànje ò mbòwà. À mà hwa ŋgba Yerzù à ma hwa mò gbeyàne tɔ̀ mamɛ ema hwa mà àrze.

Lukàrzɛ̀ 23:5

Ndi hwa mà tìnɛlɛ rzìi hwa òhwa nanù ema, “Hwèyòkòlèlì hwe ama ò nò mòtò, hwe hvɛhvi hwatò hwa arzɛ nà mèèrzɔ̀ɔ̀nì ò èrzòòkà yà àrzɛ yà Jùdeyà. À mà hwe wòteyà ò Galìlì rzìi à hwe jàni hvɛ anù.”

Hwègbèèlì 15:5

Ndi tɔ̀ nanù, lòŋgò la hwàlòkèlì ema hwà mà hwɛ ò ehvehva ya Hvàlìrzàyì hwà mà tɛ̀mɛ̀ ò ŋmanyu rzìi hwa òhwa nanù ema, “Hwàŋga hwatò ema hwa rza enje wònyà Yudà ema hwa lòkɛ̀ Yerzù, hwa àŋgàmɛ̀nɛyi lì endàhwa, na lì òhwahwɛlɛ ò lì ika imbenda ja ama Mòrzè.”

Hwègbèèlì 21:28

Hwa a tɛɛ nanù ema, “Ìi wònyàmòwè hwa Irzàyɛ̀lì, e jò òŋgòwane! È mòtò ònò ema a òkòlɛ hwatò hwa arzɛ ò hweki hwe arzɛ nanù ema hwatò hwa Irzàyɛ̀lì, e mbenda ya ama Mòrzè na e ndawò yà Lohwà hwe rza enje tɔ̀ eyà. Tɔ̀ nàŋgɛ nanù, mɔ̀ à mà jànà lòŋgò la hwatò ema hwa rza enje wònyà Yudà ò tenì ya e ndawò yà Lohwà ndèŋgànà eŋge eyà e ma gbeyà e ndawò yà Lohwà e rza rzàŋgi hvɛ.”

Hwègbèèlì 22:22

Hwàtò hwa mà òkànèyà Pàwolò natɛ̀ɛ è hvònda ema mɔ̀ à mà òhwe nanù ema Lohwɛ̀ à mà mò òma ò lì ɛndɛ ò hwatò ema hwa rza enje wònyà Yudà. Nà òma hwa mà hweye nanù, rzìi hwa wòteyà lì tɛ̀ɛ̀ ò ŋmanyu nà màlò mà kàrzàmi, lì òhwa nanù ema, “È mò ɛ̀ndɛ̀nɛ̀! È mò òŋwe! À rza kànɛ̀yì ò lì hwɛ lòŋgɛ!”

Hwègbèèlì 24:14

Ò jɔ̀kɛ̀ imba na imelì ò wòrzò wò aŋgɔ̀ nanù ema na gbèeyà Lòohwà ema imbamba ja arzu i ma gbèeyà nàa òma imba na òŋgama e Njiya ya jɔ̀kɛ̀. Nà lòkɛ̀ hweyà hwe arzɛ ema hwe tɛmi ehve-ehve lì hvòmɛ̀nɛ̀ e mbenda ya ama Mòrzè na mamɛ ema hwà-òhwèlì hwa hwèlìŋgɛ̀ hwà mà tìle.

Hwègbèèlì 24:4

Nà rza arza lì wòwa e hvònda ya aŋgɔ̀ rzayì-rzayì ò eŋgànɛlɛ rzɔ na ò rzòrzòmelì nanù ema ò gbeyàne ŋmèma mò aŋgɔ mò gbamù ò jò ŋgbèe ŋmanà hvòka wa hvònda ò lì òkànèyà mamɛ ema jò òhwa.

Hwègbèèlì 25:7

È hvònda ema hwà mà jàne Pàwolò aŋga, hwatò hwa wònyà Yudà ema hwà mà uwɛ̀lɛ̀lɛ̀yi ò Jèrurzalɛ̀mù hwà mà mò tɛmeya ò tòŋgòŋgò. Wɔ̀ hwà mà wòteyà lì òhwa hweyà hwe wòhwe ema wɔ hwà mà òhwe nanù ema à mà gbeyà. Ndi hwa rzìi tànɛ lì uŋmɛ̀lɛ̀ tɔ̀ lìtiŋga tɔ̀ lɔ̀kɔ nanù ema mɔ̀ à mà gbeyà hwene hweyà.

Hwègbèèlì 26:5

Wɔ̀ hwà mà nò hwiya hvòka hvònda ema e wawi ndeŋgànɛlɛ wɔ̀ hwa lìŋgànì tɛ, wɔ̀ hwa tànɛyi lì nò tɛmeya mbòŋgi nanù ema natɛ̀ɛ na ò hwèwòtelì nà mà hwɛ ndi mòtò wa ehvahve ema a òŋgama hweyà hwe ama Lòohwà la arzu ò mburza nyàyi ema e hvòmɛ̀nɛ̀ kɔ̀yi-kɔ̀yi. Nà hwe òŋgama ndi nàa e mòtò ema a hwèlì ò ehvehva ya Hvàlìrzàyì a àŋgàmɛ̀nɛ̀yi lì gbeyà.

Hwègbèèlì 28:22

Ndi irzɔ i lìŋgàna lì hwiya mɔ̀ŋgɛ̀lɛ̀ ma aŋgɔ̀ èhwanja irzɔ i hwi nanù ema ò hweki hwe arzɛ hwatò hwa òhwa wòhwe lì teŋgɛ̀nɛ̀ ene ehvehva ema ò hwèlì nanù.”

Hwègbèèlì 5:17

O eŋge hvònda, e Pìlìrzì e Kàrzàmi na hwèyòrzà hwe eni hwe arzɛ, hwatò hwa ehvehva ya Irzàdùrzì, hwà mà nòneyà i àpɔ̀rzìtòlò na ŋginyà.

Hwègbèèlì 6:13

Hwà mà jànà lòŋgò la hwatò ò lì mò tɛmeya mbòŋgi ya mòlàŋgà. Hwanu hwatò hwà mà òhwa nanù ema, “Onò mòtò a òhwa hweyà hwe wòhwe ò i hvònda ja arzɛ lì teŋgɛ̀nɛ̀ e Ndawò yà Lohwà ema e hwèlì wòtani na lì teŋgɛ̀nɛ̀ imbenda ema Lohwɛ̀ à mà jò ŋgbɛ.

1 Kɔ̀rintìyà 11:19

O tɛ̀ɛ̀tɛ̀ɛ o hwɛnì lì hwɛ la akahwanɛ̀ɛ o ìtììtènì ja anyu aŋga nanù hwaŋga ema hwa hwèlì hwa nɔŋgelì hwa jɔ̀kɛ̀ hwa ama Lohwà, hwa ɛnɛhwɛ na e jɔ̀kɛ̀.

1 Kɔ̀rintìyà 4:13

Hwatò hwa jo òhwìrzɛ̀nɛ̀ tɛ hweyà hwe wòhwe, irzɔ i hwa tìmbìrzɛ̀lɛ̀ ndi nà hweyà hwe gbamù. Ndi tɔ̀ nanù, natɛ̀ɛ nà naŋgɛ, hwatò hwa jò ɛnɛ ndi nàa mbìndo ò mìrzɔ̀ mà awu.

1 Pètrò 2:19

Lohwɛ̀ a e okana mɔ̀nyɛ̀ŋgi e hwèlì tɛ nanù ema e àjùlɛ̀nɛ̀yi mòrziyò mo lìtake ema e rzi àŋgàmɛ̀nɛ̀ lì luwa o nyòla ya eni.