Hwègbèèlì 24:3 - Mokpwe: Bakwery (New Testament)

³ Irzɔ i kàrzɛ hwene hweyà ò hweki hwe arzɛ na ò ihvònda ja arzɛ. O eŋgànɛlɛ jò ò eka rzàyi-rzàyi.

Hwègbèèlì 24:3 Mawu Ofanana

Lukàrzɛ̀ 1:3

O èŋgànɛ̀lɛ̀ rzɔ, ìmba hvɛ nà wòwì hvònda ò lì nɔkìrzɛ̀ hwenè hweyà hwe arzɛ natɛ̀ɛ nà ò hwèwòtelì, nà ɛni nanù ema, ò lɔ̀wu ema ìmba hvɛ na wòwè hvònda ò lì ò tìleya hwenè hweyà, yɔ̀kɔ ò mburzà yà ɛnɛ̀yi.

Hwègbèèlì 23:24

È àrzeyà Pàwolò iwɔ̀rzi ema i mò ɛ̀ndɛnɛ. È mò timbe e mò ɛ̀ndɛ̀nɛ̀ ò ma e mòkànèlì Hvɛlìkrzi e rzi hwɛ nanù ema eyà ya wòhwe e mò gbèyɛ̀nɛ.”

Hwègbèèlì 23:26

“Imba Klàwùdìyùrzì Lìrzìyàrzì ndi na ò tilelì ini itita ò wa Hvɛlìkrzi e mòkànèlì wa èluhwe ndɛnɛ. Nà ò kɔ̀mi.

Hwègbèèlì 23:33

Wɔ hwà mà ɛ̀ndɛ̀nɛ̀ Pàwolò ò mbòwa ndɛnɛ ya Kàyìrzèrìyà. Nà òma hwà mà uke aŋga hwà mà tɛtirzɛ e mòkànèlì itita rzìi hwa mò akɛlɛlɛ Pàwolò.

Hwègbèèlì 24:2

Aŋga ndi hwà mà hwɛlɛ Tɛ̀tùlùrzì, rzìi a wòteyà lì òhwa hweyà lì teŋgɛ̀nɛ̀ Pàwolò nanù ema, “Mòkànèlì Hvɛlìkrzi kòkò, ò wa ema òhvi èluhwe ema e kàrzàmi, irzɔ i ma luwa ɛ̀yɔ̀lɛ̀ ema e wawi ò rze ya lìkànèyà la aŋgɔ, ndèŋgànɛ̀lɛ̀ lìhwiyè la aŋgɔ̀ lì ma jò jàneyà hwèlìhvòwelì hwe ndɛnɛ ema hwe jò janelì hvɛ gbaamù ò èkòmè ya arzu.

Hwègbèèlì 24:4

Nà rza arza lì wòwa e hvònda ya aŋgɔ̀ rzayì-rzayì ò eŋgànɛlɛ rzɔ na ò rzòrzòmelì nanù ema ò gbeyàne ŋmèma mò aŋgɔ mò gbamù ò jò ŋgbèe ŋmanà hvòka wa hvònda ò lì òkànèyà mamɛ ema jò òhwa.

Hwègbèèlì 26:25

Pàwolò rzìi a alàhwɛ̀ nanù ema, “Kìŋgɛ wa èluhwe kòkò, na rza kpànyi. Mamɛ na òhwa e hwèlì ndi e jɔ̀kɛ̀ ndèŋgànɛ̀lɛ̀ e òndi lìhwiyè.