Biblia Todo Logo
Baibulo la pa intaneti

- Zotsatsa -




Hwègbèèlì 23:9 - Mokpwe: Bakwery (New Testament)

9 Malò ma awu ma mà hwɛ ndi lì agba ò ŋmanyu. O eŋgànɛ̀lɛ̀ lòŋgò la hwà-òkòlèlì hwa e mbenda ema hwà mà hwɛ ndi ò ehvehva ya Hvàlìrzàyì, hwà mà tɛ̀mɛ̀nɛ̀ ò ŋmanyu, rzìi hwa tɛɛ na ŋginyà nanù ema, “Irzɔ i rza lùwànì ònò mòtò tɔ̀ njɔ̀mi. È tànɛyi lì hwɛ nanù ema, èlìŋgɛ̀ tɔ̀ aŋgèlì ndi e ma mò òhweyà eyà!”

Onani mutuwo Koperani




Hwègbèèlì 23:9
23 Mawu Ofanana  

Lòŋgò la hwà-òkòlèlì hwa mbenda ema hwà mà hwɛ Hvalìrzàyì hwa mà ɛnɛ Yerzù à làa nà hwaŋga hwatò hwa wòhwe nà hwàrzàŋgèlì hwa è njàŋge yà lìkànèyà, hwa mà ijòwa hwà-òkòwèlì hwa eni nanù ema, “Mamɛ ndèŋgàtɛ̀ Yerzù à làa nà iŋgi nyàyi ja hwatò e?”


Pìlatò rzìi à hwa ijòwa è ŋgèlì è ùkirzɛ̀ iyàwò nanù ema, “Ò mamɛ ndeŋgàtɛ e? Ì mà eyà yà wòhwe ònò mòtò à gbèyi e? Nà rza ɛni tɔ̀ eyà yà wòhwe ema ò nò mòtò à gbèyi ò lì òŋwahwa. Nà mò gbiyɛ̀ hvònji, rzìi nà mò hwɛmɛ à ɛ̀ndɛ̀.”


Pìlatò rzìi à ayèŋgòwɛ̀lɛ̀lɛ̀ Ipìlìrzì ndɛ̀nɛ nà è ŋgìndì, rzìi à hwa òhweyà nanù ema, “Nà rza lùwànì ònò mòtò lìtìŋgà ò lì mò tùlɛ.”


Ìhvalìrzàyì nà hwà-òkòlèlì hwà awu hwa mbenda, hwa a tɔ̀kirzɛnɛ, rzi hwa wòteya lì ijòwa hwà-òkòwèlì hwà mà Yerzù nanù ema, “Mamɛ ndeŋgàtɛ inyɔ è làa, nà lì nyɔ nà hwàkɔ̀tèlì hwa è njàŋge yà lìkànèyà nà hwahvɛhvɛ hwatò hwa wòhwe e?”


È ŋgìndì ema è mà tɛ̀mɛ̀ aŋga è mà hwèya lìŋgi lìlò. Lòŋgò là hwatò hwa mà òhwa ndi nanù ema, è ŋgalà à lohwà ndi è kandèlì nanù. Hwanɛ̀yi hwa mà òhwa hwà ama, aŋgèlì yà ama Lohwɛ̀ ndi è mò òhwàni.


Ndèŋgànà kanatɛ Lohwɛ̀ à ma ŋgbe hwanù hwatò ema hwa rza enje wònyà Yudà iŋgi jàhwèyà ema à mà jò ŋgbe lìŋgi lìrzakò ema irzɔ, i ma lòkɛ̀ Rzàŋgò Yerzù Krirztò, imbahvɛ nà mà hwɛ ndi njɛ̀nɛ, ò lì tɛmirzɛ hwètɛ̀yìrzèlì hwe ama Lohwɛ̀ e?”


“Nà òma nà mà hwɛ ò yɔ̀ndɔ̀ rzìi nà uka ò lì kòmbɛ̀nɛ̀ è mbòwa ndɛnɛ yà Dàmàrzkɔ̀rzì, eyàà yà kɔ̀rzi yà ŋmèrze, ŋmàye mò ŋginyà rzi mò nò hvàyeyà è nyò yà arzɛ ema mò mà uwɛ̀lɛ̀lɛ̀yì ò lìwòhwɛ là ŋmanyu.


Nà mà kpa ò rze, rzìi nà hweyà lìlò ema lì nò òhweyà nanù ema, ‘Rzàwòlò, ìi Rzàwòlò! Mamɛ ndèŋgàtɛ ò nò tàkìrzɛ̀ e?’


Nà ma arzìirzɛ̀ ndi na rza luwa tɔ̀ eyà ema e òhwa nanù ema mɔ̀ à aŋgàmɛ̀nɛ̀yi lì ŋwa tɔ̀ lì aŋgɛhwɛ ò hwèwòwà. Hweya hwe arzɛ ema hwa òhwa nanù ema mɔ̀ à gbèyi, hwe hwèlì ndi hweyà ema hwe ɔŋgeya e mbenda ya awu.


(Litiŋga la eŋge hvenda lì ma hwɛ ndi nanù ema, hwatò hwa ehvehva ya Rzàdùrzì hwa lòkɛ̀yi nanù ema, mòtò a ŋwelì tɛ a rza hvùmùwà. Wɔ̀ hwa lòkɛ̀yi hvɛ nanù ema ò rza enje tɔ̀ aŋgèlì tɔ̀ hwèlìŋgɛ̀. Ndi hwatò hwa ehvehva ya Hvàlìrzàyì hwa lòkɛ̀yi nanù ema hwene hweyà hwe ayɛ hwe hwèlì).


Ndi ò hweyàrzìrzèlì hwe ami, na ɛni nanù ema, a rza gbèyi tɔ̀ eyà ema e mò kànɛyi e kpelì. Ndi ehwànja à mà wunduwa nanù ema ŋmàŋgò mò eni mò kàyàwe ndi na Kàyìrzà, ò eŋgànɛlɛ imba na mo òma aŋga.


È hvònda ema hwà mà anjiye ò e tumba ndawò ya hwèkàyìrzèlì hwà mà àwòhwànɛ̀lɛ̀ lì hvòmɛ̀nɛ̀ Pàwolò nanù ema, “Onò mòtò a rza gbèye tɔ̀ eyà ema e mò kànɛyi e kpelì tɔ̀ lì aŋgɛhwɛ ò hwèwòwà.”


Nà òhwa ndi nanù ehwànja ò tenì ya wònò wuu ema wò akayi nanù, aŋgèlì ya ama Lohwɛ̀, Lòohwà ema lì nò hwɛni, ndèŋgànà imba na gbèeyà e nò jèeyayi. Èŋge aŋgèlì e nò òhweyàyi nanù ema,


Ndi e hwèlì tɛ nanù ema Lohwɛ̀ mɔ̀ ndi à hwa ŋgbelì e ŋginyà, inyɔ e rza tanɛyi ò lì tɛmirzɛ hwanu hwatò. Rzìi ò lìrzùkù inyɔ e ò ayembɛ nanù ema yà ana ndi lì teŋgɛ̀nɛ̀ Lohwɛ̀.” Wòlìya wò ma emeyà mayòwà mà ama Gàmàlìyɛ̀lì.


À mà kpa ò rze, rzìi à hweyà lìlò ema lì mò òhweyà nanù ema, “Rzàwòlò, ìi Rzàwòlò! Mamɛ ndèŋgàtɛ ò nò tàkìrzɛ̀ e?”


Ja àrzà ndi lì gbeyà ema Rzàŋgo a hwɛnɛ lìrzìŋga e? Irzɔ jo ɔ̀ŋgɛ̀lɛ̀ ndi nanù ema ji imbamì lì mò akà e?


Titsatireni:

Zotsatsa


Zotsatsa