Hwègbèèlì 21:8 - Mokpwe: Bakwery (New Testament)

⁸ O wònɛyi wùnyà irzɔ i ma anjiya ò mbòwa ya Tòlɛmàyìrzì rzi jò uka ò mbòwa ya Kàyìrzèrìyà. Nà òma i ma uke aŋga, i ma kpèeyà ò e ndawò ya ama Hvìlìpì e mòòhwèlì wà ŋmɛ̀ndì mò gbamù, rzi i lìya na mɔ̀. Mɔ̀ à mà hwɛ ndi mɔ̀kɔ wà lìrzàmba la wunyanà ema hwà mà hvɔ̀rzɔ̀wɔ̀ nàa hwà-òŋgòwànèlì ò ŋmèmba mò Jèrurzalɛ̀mù.

Hwègbèèlì 21:8 Mawu Ofanana

Hwègbèèlì 10:1

O ma hwɛ munyanà mɔ̀kɔ wa Ròmànì ò mbòwa ya Kàyìrzèrìyà à mà hwɛ̀lɛ̀hwɛ̀ Kɔ̀nɛlìyurzi. A ma hwɛ ndi mòkànèlì ema à mà hwɛ lìkànèyà lìtuta lɔ̀kɔ la egbe yɔ̀kɔ ya hwàanà njuma ema lì ma hwɛ̀lɛ̀hwɛ̀ nanù ema, “Lìtuta lɔ̀kɔ la egbe yɔ̀kɔ ya hwàanà njuma ò èkòmè ya Itàlì.”

Hwègbèèlì 16:10

O mburza hvònda ema Pàwolò à mà ɛnɛ ini jɛ̀nɛ̀nì, irzɔ i ma wòŋgirzɛnɛ ŋgelì hvɔ̀kɔ ò lì ɛ̀ndɛ ò Màrzèdonìyà, èhwanja i ma kulɛ nanù ema Lohwɛ̀ à mà hwɛ lì jò hwɛlɛ ò lì ɛ̀ndɛ lì òhweyà hwaŋga hwatò Ŋmɛ̀ndì mò Gbamù.

Hwègbèèlì 16:13

O Wùnya wò lì Arzìyòlɛ i ma wurza ò tenì ya mbòwà ndɛnɛ rzi ja ɛndɛ ò rzàawà ya mòrzò, i ma ɔ̀ŋgɛ̀lɛ̀ nanù ema jò ùŋmànɛ̀lɛ̀ èki ema wònyà Yudà hwa kànɛlɛlɛ aŋga. I ma lìya aŋga na hwalanà ema i ma ùŋmànɛ̀lɛ̀ hwa arzàŋgànɛ aŋga rzìi i wòteyà lì tuhwa mendeŋga na wɔ.

Hwègbèèlì 16:16

Wùnya wɔ̀kɔ, na òma irzɔ i ma hwɛ lì ɛndɛ ò èki ya màkanɛ̀, ŋgɔ̀ndɔ̀ hvɔ̀kɔ ya mòkòme ema e ma òhva èlìŋgɛ̀ ya wòhwe e ma jò ùŋmànɛ̀lɛ̀. Èŋge èlìŋgɛ̀ e ma gbeyà à mà hwɛ lì òhweyà hwatò hweyà ema hwe ò gbèyɛ̀nɛ. Liŋgi lìyaŋga ema à mà hwɛ lì aŋgba lì ma gbeyà ema hwatò ema hwà mà mò anda nàa mòkòme hwà mà mo luwàna wòlì rzayi-rzayi.

Hwègbèèlì 18:22

È hvònda ema à mà ùke ò mbòwa ndɛnɛ ya Kàyìrzèrìyà, à mà agba ò mbòwà ndɛɛndɛ ya Jèrurzalɛ̀mù, ò lì kɔmɔ hwatò hwa ŋmèmba, rzìi a ɛndɛ ò mbòwa ndɛnɛ ya Antìyɔ̀kì.

Hwègbèèlì 20:13

Irzɔ i ma ɛndɛ ò wòrzò ò lì kpèeyà ò tenì ya melì me ŋmànja, rzi ja akeyà ò ŋmànja lì ɛndɛ lì uka ò mbòwa ndɛnɛ ya Arzɔ̀rzi. Aŋga ndi i ma àŋgàmɛ̀nɛyi lì wòwa Pàwolò. Mɔ̀ à mà òhwa nanù ema je ɛndɛ ò wòrzò, èhwanja mɔ̀ à mà ɛndɛ ndi yɔ̀ndɔ̀ ya ŋmindi.

Hwègbèèlì 20:6

O mburza e Ndema ya Hwèhvòòtò ema hwe rza òhvɛ hwindi, irzɔ i ma kpèeyà ò melì me ŋmànja ò mbòwa ndɛnɛ ya Hvìlìpì ò mburza mèenyà meta i ma hwa ùŋmànɛ̀lɛ̀ ò mbòwa ndɛnɛ ya Trɔ̀wàrzì ema irzɔ i ma hwɛ mèenyà lìrzàmbà.

Hwègbèèlì 21:16

Lòŋgò la hwà-òkòwèlì ema hwà mà uwɛ̀lɛ̀lɛ̀yi ò e mbòwa ya Kàyìrzèrìyà wɔ hvɛ hwà mà ɛndɛ na irzɔ. Rzìi hwa jò ɛ̀ndɛ̀nɛ̀ ò e ndawò ya ama Nàrzɔ̀nì ema aŋga ndi i ma hwɛnɛ lì lìya. Nàrzɔ̀nì à mà uwɛ̀lɛ̀lɛ̀yi ndi ò èkòmè ya Rzàyiprɔ̀rzì ndèŋgànɛlɛ a hwèlì ndi mɔ̀kɔ ema à mà lòma lì lòkɛ̀ Krirztò.

Hwègbèèlì 23:23

Òŋgò mòkànèlì wa hwàanà njuma rzìi a hwɛlɛ hwaànelì hwa njuma hwa eni hwa hwàkɛ rzìi a hwa òhweyà nanù ema, “È wòwe hwègbe hwehwakɛ hwe hwàànèlì hwa njuma, e hwa wòŋgirzɛnɛ ò lì ɛndɛ ò Kàyìrzèrìyà, e late hvɛ menì lìrzamba me hwàànèlì hwa njuma ema hwa ɛ̀ndɛnɛ iwɔ̀rzi, na ègbe ya hwàànèlì hwa njuma ema hwa anana na màwɔ̀ŋgɔ̀. O wa na wɔ̀ e wòŋgirzɛnɛ e anjiye eyà ya lùuwa la ŋgɛ̀ŋgì la wùu.

Hwègbèèlì 27:1

È hvònda ema hwà mà kulɛ nanù ema i kpèeyà ò tenì ya melì me ŋmànja ò lì ɛndɛ o èkòmè ya Itàlì, hwà mà akɛlɛlɛ Pàwolò na hwahvɛhvɛ hwatò hwa hwèwòwà ò ma e mòkànèlì wa hwààna njuma ema à mà hwɛ̀lɛ̀hwɛ̀ Jùlìyɔ̀rzì. Jùlìyɔ̀rzì mɔ̀ à mà hwɛ lì kànèyà lìtuta la hwààna njuma ema hwà mà hwɛ lì hwɛlɛ nanù ema, “Lìtuta la hwààna njuma hwa ama Kàyìrzà.”

Hwègbèèlì 28:11

O mburzà ya ŋgbɛ̀ndɛ iyàwò ja lì lìya ò Malta, irzɔ i ma kpèeyà ò tenì ya melì me ŋmànja ema me ma uwɛ̀lɛ̀lɛ̀yi ò Alɛ̀rzàndrìyà. Mene melì me ma hwɛ̀lɛ̀hwɛ̀ ndi nanù ema, “Mòòhwà ma màyìrzɛ̀.” Je e hwiya lì anjiya aŋga, meŋge melì me ŋmànja me ma hwɛ ò eŋge èki ò eŋge hvònda ema yùulùlì e ma inyàmɛnɛ.

Hwègbèèlì 28:16

È hvònda i ma ùke ò Ròmànì, Pàwolò à mà ŋgbààhwà wònjà ò lì lìya mɔ̀ ŋmìti, ndi à mà òhva rzònja ema e ma mò ɔŋgeya.

Hwègbèèlì 6:5

Ène eyà ema I àpɔ̀rzìtòlò i ma òhwe e ma lìŋgìrzɛ e ŋgìndì ya arzɛ. Aŋga ndi hwa a hvɔ̀rzɔ̀ Rzìtehvànɛ mɔ̀kɔ ema à mà òhva lìlòkɛ̀ la ŋginyà à mà ònda hvɛ na Èlìŋgɛ̀ yà Wòtani, hwà mà hvɔ̀rzɔ̀ hvɛ Hvìlìpì, Pròkòrùrzì, Nìkanò, Tìmɔ̀nɛ̀, Pàmɛ̀nàrzì na Nìkòlàrzì. Nìkòlàrzì à mà uwɛ̀lɛ̀lɛ̀yi ndi ò mbòwa ya Antìyɔ̀kì a rzi hwɛ ndi mòtò wà Yudà, ndi à mà òŋgama lìlòkɛ̀ la wònyà Yudà.

Hwègbèèlì 9:30

Nà òma hwàlòkèlì hwà mà àyɛ̀mbɛ̀ nanù ema ò hwèlì ŋmanò mò lì arza lì òŋwa Rzàwòlò, wɔ̀ hwà mà mò anjiyana lì mò ɛ̀ndɛ̀nɛ̀ ò mbòwa ya Kàyìrzèrìyà rzìi hwa mò òma ò mbòwa ya Tàrzùrzì.

Ɛ̀hvìrzìyà 4:11

Mɔ̀ ndi à ŋgbàa hwatò màahweyà. A ma gbeyà lòŋgo la hwatò ò lì hwɛ i àpɔ̀rzìtòlò, lòŋgo hwà-òhwèlì hwa hwèlìŋgɛ̀, lòŋgo hwa-ɛndɛ̀nàmɛ̀ɛndi, lòŋgo hwàtìmbèlì hwa hwatò ema hwa lòkɛ̀yi, ndèŋgàna à mà gbèeyà lòŋgo hwà-òkòlèlì o lì okòlɛ̀ hwatò ema hwa lòkɛ̀.

2 Tìmotì 4:5

Ndi o wa Tìmòtì, o hwɛni lì hwiya lì àwòhvɛ̀lɛ̀ la aŋgɔ̀ ihvonda ja arzɛ. O ajùlɛ̀nɛ̀ mòtàkà, o gbèyè èwòlò ya e mòtò ema a ohweyà hwatò Ŋmɛ̀ndì mò Gbamù mò ama Lohwɛ̀, ndèŋgàna o gbeye hvɛ èwòlò ya arzɛ ema Lohwɛ̀ à mà o òhweyà à mà o gbeye.