Hwègbèèlì 20:4 - Mokpwe: Bakwery (New Testament)

⁴ Hwatò ema hwa mà mò òŋgama hwà mà hwɛ ndi Rzòpatà e ŋmanà hwa ama Hvìrzùrzì ema à mà uwɛ̀lɛ̀lɛ̀yi ò mbòwà ndɛ̀ɛndɛ̀ ya Bèrìyà, Arìrztàkùrzì na Rzèkùndùrzì ema hwà mà uwɛ̀lɛ̀lɛ̀yi ò e mbòwà ndɛnɛ ya Tɛ̀rzàlònìkà. Gàyiyùrzì ema à mà uwɛ̀lɛ̀lɛ̀yi ò mbòwà ndɛnɛ ya Dɛ̀bì, Tìmòtì, na Tàyìchìkùrzì na Tlòhvìmùrzì ema hwà mà uwɛ̀lɛ̀lɛ̀yi ò erzòòkà ya Èrzìyà.

Hwègbèèlì 20:4 Mawu Ofanana

Hwègbèèlì 14:20

Ndi ò mburza hvònda ema hwàlòkèlì hwa mà mò tòŋge, à tɛ̀mɛ̀nɛ̀ ò ŋmanyu rzìi à tìmba ò lì kpèeyà ò tenì yà eŋge mbòwà ndɛnɛ. Nà òma wùnyà wò mà yahwe, mɔ̀ nà Bànàbàrzì hwa mà ɛ̀ndɛ ò mbòwa ndɛnɛ yà Dɛ̀bì.

Hwègbèèlì 14:6

Ndi e hvònda ema Pàwolò hwà mà ayembɛ nanù, hwà mà hwaŋga rzìi hwa ɛ̀ndɛ ò erzòòkà ya Lìkònìyà rzìi hwa kpèeyà ò imbowà ndɛ̀nɛ ja Lìrzìtìrà na Dɛ̀bì na ò hweŋge hweki ema hwe ma hwɛ ò tòŋgòŋgò.

Hwègbèèlì 16:1

Hwa Pàwolò hwa mà ɛ̀ndɛ ò mbòwa ndɛnɛ yà Dɛ̀bì na Lìrzìtìrà. Mòtò mɔ̀kɔ à mà hwɛ aŋga ema à mà hwɛ̀lɛ̀hwɛ̀ Tìmòtì. Nyàŋgò wà eni à mà hwɛ ndi mòlanà wa wònyà Yudà ndèŋgànɛ̀lɛ̀ mɔ̀ hvɛ à mà lòkɛ̀ Yerzù, ndi e tatɛ̀ ya eni e ma hwɛ ndi mòtò wa Grìki.

Hwègbèèlì 16:6

Pàwolò na mòndeŋge mò eni hwà mà akeyà hwèrzòòkà hwe Hvrigèyà na Gàlèrzìyà, èhwanja Èlìŋgɛ̀ yà Wòtani ema hwa keka nanù ema hwa rzi keka lì òhwa eyà ya Lohwà ò erzòòkà ya arzɛ ya Èrzìyà.

Hwègbèèlì 17:1

Nà òma Pàwolò na mòndeŋge mò eni mò ma akeyà ò mambòwà mà ndɛnɛ ma Amhvipòlìrzi na Apòlonìyà rzi hwa kpèeyà ò mbòwa ya Tɛ̀rzàlònìkà. È ndawò ya màkànɛ̀ ya wònyà Yudà e ma hwɛ aŋga.

Hwègbèèlì 17:13

Ndi na òma hwatò hwa wònyà Yudà hwa e mbòwa ndɛnɛ ya Tɛ̀rzàlònìkà hwà mà hweye nanù ema Pàwolò a hwèlì a òhwa hvɛ eyà ya Lohwà ò mbòwa ndɛnɛ ya Bèrìyà, wɔ̀ hwà mà ɛndɛ aŋga, rzìi hwa wòteyà lì tinɛlɛ e ŋgindi ò lì jana lùwànje.

Hwègbèèlì 19:29

Mòŋgò mòhvùŋgu mò ma nyàla ò e mbòwa ndɛɛndɛ ya arzɛ. È ŋgindi rzìi e hvùma Gàyiyùrzì na Arìrztàkùrzì, ema hwà mà uwɛ̀lɛ̀lɛ̀yi o Màrzèdonìyà ema hwà mà hwɛ ò mòndeŋge na Pàwolò, rzìi hwa hwà hwaŋgàna ò ndawò ya wòlìya wò mbòwa.

Hwègbèèlì 2:9

O ìtììtènì ja arzu, lòŋgò la hwatò hwa mà uwɛ̀lɛ̀lɛ̀yi ndi ò èkòmè ya Pàtìyà, Mediya na Èlàmi; ò èkòmè ya Mèrzòpòtemìyà, Jùdeyà, Kapadorzìyà; O hwèkòmè hwe Pòntìyùrzì, na Èrzìyà,

Hwègbèèlì 20:16

Pàwolò mɔ̀ à mà kulɛ ndi nanù ema, i hwɛni lì hvanja e mbòwa ndɛnɛ ya Ɛ̀hvɛ̀rzɔ̀rzì ò ŋmanyu aŋga nanù i rza hvaŋga hvònda ò lì uka ò erzòòkà ya Èrzìyà. A ma hwɛ lì ahwèŋgɛ̀ ò lì uka ò mbòwa ndɛɛndɛ ya Jèrurzalɛ̀mù, ò wùnyà wò Pɛ̀ntìkɔ̀rzì à mà atanɛ tɛ.

Hwègbèèlì 20:18

È hvònda ema hwà mà uke, rzìi mɔ̀ à hwa òhweyà nanù ema, “Inyɔ hwiti e hwi na òma imba nà mà lìya lìrzakò la arzɛ ema nà mà hwɛ na inyɔ, lì wòteyà wùnyà wò wòrzò ema imba nà mà tɛ̀yirzɛ lìtaŋga ò erzòòkà ya Èrzìyà.

Hwègbèèlì 21:29

(Wɔ hwà mà òhwa ndi nanù ehwànja hwà mà ɛnɛ Tlòhvìmùrzì mòtò wa e mbòwa ya Ɛ̀hvɛ̀rzɔ̀rzì na Pàwolò hwa ɛndɛlɛnɛ ò tenì ya mbòwa, ndèŋgànɛ̀lɛ̀ hwà mà ɔ̀ŋgɛ̀lɛ̀ nanù ema Pàwolò à mà mò kpeyaneya ò tenɛ-tenɛ ya e ndawò yà Lohwà).

Hwègbèèlì 27:2

Irzɔ i ma kpèeyà ò tenì ya melì me ŋmànja ò mbòwa ya Adramitiyumi. Meŋge melì me ŋmànja me ma wòŋgirzɛnɛ ò lì ɛndɛ lì uka ò e rzàawà ya ŋmànja mò erzòòkà ya Èrzìyà. Rzìi i wòteyà lì ɛndɛ yɔ̀ndɔ ya ŋmànja. Ndèŋgana irzɔ je anjiya aŋga, i ma wòwa Arìrztàkùrzì. Arìrztàkùrzì à mà hwɛ ndi mòtò wa erzòòkà ya Màrzèdonìyà, ema à mà uwɛ̀lɛ̀lɛ̀yi ò mbòwa ndɛnɛ ya Tɛ̀rzàlònìkà.

Ròmànì 16:21

Tìmòtì, ema irzɔ nà mɔ̀ i gbèèyɛ̀nɛ̀ èwòlò à è òmelì ikɔ̀mi. Lùrzìyùrzì, Jèrzɔ̀nì nà Rzòrzìpàtà, wònyanyàŋgò wà ami wà wònyà Yudà, wɔ̀ hvɛ hwa e òmelì ikɔ̀mi.

Ròmànì 16:23

Gàyiyùrzì, e mòtò ema ò ndawò ya eni ndi na hwèlì, ema ò ndawò ya eni ɔ̀ndi ŋmèmba mò wònya Krirztò mò tàneyà, mɔ̀ hvɛ a e òmelì ikɔ̀mi. Ɛ̀ràrztùrzì, ema mɔ̀ ndi à uta malì ma e mbòwa, na ŋmanyàŋgò hwa arzu Kwàtùrzì wɔ̀ hvɛ hwa e òmelì ikɔ̀mi.

2 Kɔ̀rintìyà 1:1

Imba Pàwolò e Àpɔ̀rzìtòlò yà ama Yerzù Krirztò, nà omà e mà tɛyìrzɛhwɛ na Lohwɛ̀. Imba ndi na tìlì ene kààtì o irzɔ nà ŋmànyàŋgò wà arzu wà Krirztò Tìmòtì je omelì ikɔ̀mi. Inyɔ, lì arzàŋganɛ là hwatò hwa Lohwà ema e hwèlì ò è mbowà yà Kɔ̀rintò, na hwanɛ̀yi hwatò hwa arzɛ hwa Lohwà ema hwa hwèlì o erzoòkà ya Àkayiyà.

2 Kɔ̀rintìyà 1:19

È hwèlì ndi nanù èhwanja, Ŋmɛ̀ndì mò Gbamù lì hvomɛ̀nɛ̀ e ŋmana wa Lohwà Yerzù Krirztò, ema imba, Rzàyìlàrzì, na Tìmòtì, ima e ohweyà. Yerzù a rza ohwa ama a gbeyà eyà ema a rza o gbeyɛ. A gbeyà mamɛ ema a ohwi à mà a gbeyà.

Ɛ̀hvìrzìyà 6:21

Ŋmanyàŋgò wà arzu wà Krirztò Tàyìchìkùrzì, ema i lìŋgàni à gbèeyà Rzàŋgo nà ŋmèma mɔ̀kɔ. Mɔ̀ ndi à hwèlì è mɔ̀ ema à è òhweyà hweyà lì nò hvomɛ̀nɛ̀. Ène yè è gbèeyà ò lì hwiya njɛnɛ ema nà hwèlì ndèŋgàna mamɛ ema nà gbèeyà.

Hvìlipìyà 2:19

Nà àhvìtɛ̀ nanù ema na e omeya Tìmòtì o lì ehvɛhvɛ ŋmanà mbɔ, e hwèlì tɛ nanù ema Rzàŋgo Yerzù a emelì tɛ, aŋga nanù ŋmɛ̀ndì ema imba na o luwɛ lì e hvomɛ̀nɛ̀, mo o no kɔ̀mɛlɛ.

Kòlòrzìyà 4:10

Arìrztàkùrzì, ema mɔ̀ hvɛ a hwèlì o hwèwòwà na imba, a e omelì ikɔ̀mi. Màkòrzì, ema a hwèlì Bànàbàrzì ŋmanyàŋgò wa eni mɔ̀ hvɛ a e omelì ikɔ̀mi. Nà ma màa lì e ohweyà lì hvomɛ̀nɛ̀ Màkòrzì mɔ̀ à jelì tɛ e mo kàrzɛ.

Kòlòrzìyà 4:7

Ŋmanyàŋgò wà arzu wà Krirztò wà ndìŋgɛ yà màlìŋgò Tàyìkìkùrzì, à è òhweyà hweyà ema hwe nò gbèèyɛ̀nɛ̀ anu, mɔ̀ hvɛ à hwèlì ndi mògbèèlì ema gbèeyà è Rzàŋgo nà ŋmèma mɔ̀kɔ nà imba.

1 Tìmotì 1:1

Imba Pàwolò, ema na hwèlì e àpɔ̀rzìtòlò ya ama Yerzù Krirztò, ndi na tilì ene kààtì. Lohwɛ̀ ndi à no kànèlì ema na gbeye ene èwòlò mɔ̀ ema a jo rzùŋgi o wòhwe hwa arzu. Lini lìkànèyà lì uwɛ̀lɛ̀lɛ̀yi hvɛ oma Krirztò Yerzù ema ji ikayi lìhvìta.

2 Tìmotì 1:2

Ìi Tìmòtì ò wà ndi nà tìlèlì ini ìtìtà ò hwèlì ndi è ŋmanà wà ami wà ndìŋgɛ yà màlìŋgo. Ndèli, ììlì nà ɛ̀yɔ̀lɛ̀ ema hwe uhwɛlɛ nà Lohwɛ̀ è Tatɛ̀ nà Yerzù Krirztò è Rzàŋgo yà arzu è hwɛ nà ò wà.

2 Tìmotì 4:12

Nà ma oma Tàyìchìkùrzì o mbowà ya Ɛ̀hvɛ̀rzɔ̀rzì.

2 Tìmotì 4:20

Ɛ̀ràrztùrzì à mà lììyà ò mbowà yà Kɔ̀rintò, ndeŋgànɛ̀lɛ̀ nà mà lìya Tròhvìmùrzì o mbowà yà Mìlɛ̀tùrzì èhwanja à mà hwɛ lì ɔ̀kirzɛ̀.

Tàyìtùrzì 3:12

Nà e omelì tɛ Atɛ̀màrzì tɔ̀ Tàkìkùrzì e keke natɛ̀ɛ e jèe e no uŋma o mbowà ndɛnɛ ya Nìkàpòlìrzì, ehwànja aŋga ndi nà mà kulɛ̀ nanù ema na aakɛ̀lɛ̀lɛ̀ ehvùhvà e hvonda ema yùulùlì e imbami.

Hvìlɛ̀mɔ̀nì 1:24

Nànù mɛnɛ hvɛ nà Màkòrzì, Arìrztàkùrzì, Dèmàrzì nà Lukàrzì, hwàgbèèlì ema irzɔ nà wɔ̀ ì gbèeyà èwòlò wɔ̀hvɛ hwa è òmèlì ikɔ̀mi.

3 Yòwanìrzɛ̀ 1:1

Imba e mòtìmbèlì wa ŋmèmba, imba ndi na o tìleya o wa Gàyiyùrzì ene kààti. Nà o lìŋgàni na e jɔ̀kɛ̀.