Hwègbèèlì 20:1 - Mokpwe: Bakwery (New Testament)

¹ È hvònda ema eŋge kanjɛ-kanjɛ e ma ùke ò lìrzukù. Pàwolò à mà òma à mà hwa mò hwɛlɛlɛ̀ hwàlòkèlì, rzì a hwa ètìrzɛ̀ mèèmà. È hvònda à mà kulɛ lì hwa ètìrzɛ̀ mèèmà rzìi a hwa àkpànɛ̀ɛ, a ɛ̀ndɛ ò erzòòkà ya Màrzèdonìyà.

Hwègbèèlì 20:1 Mawu Ofanana

Hwègbèèlì 11:26

Nà òma à mà mò luwe, rzi a mò tìmbana ò mbòwà ya Antìyɔ̀kì. Wɔ̀ hwahwàkɛ hwà mà lìya aŋga na ŋmèmba mò mitelì natɛ̀ɛ na ŋma mɔ̀kɔ mòrzurzu. Hwà mà hwɛ lì òkòlɛ̀ ŋgìndì ndɛnɛ ya hwatò. O mbòwà ya Antìyɔ̀kì aŋga ndi hwàlòkèlì hwà mà lòme ò lì hwɛ̀lɛ̀hwɛ̀ hwànɔ̀ŋgèlì hwa ama Krirztò.

Hwègbèèlì 16:12

Aŋga ndi i ma anjiye rzìi je ɛndɛ ò Hvìlìpì. Hvìlìpì a hwèlì ndi e mbòwa ndɛnɛ ò erzòòkà ya Màrzèdonìyà, ndèŋgànɛ̀lɛ̀ e ma hwɛ ndi mbòwa ndɛnɛ ema hwà mà ika ndi imbenda ja Lòmani. I ma hwɛ aŋga ò ŋgurzu ja mèenyà.

Hwègbèèlì 16:9

O wòŋgò wuu, Pàwolò à mà ɛnɛ jɛ̀nɛni. O iŋgi jɛ̀nɛ̀nì à mà ɛnɛ munyanà wa erzòòkà ya Màrzèdonìyà ema à mà tɛ̀mɛ̀ rzìi a à mò rzòrzòmeya nanù ema, “Jà ò Màrzèdonìyà ò jò òŋgòwane.”

Hwègbèèlì 19:21

O mburza ya hwene hwègbèèlì hwe arzɛ, Pàwolò à mà kulɛ ò ŋmèma mò eni nanù ema a akeyà ò tenì ya hwèrzòòkà hwe Màrzèdonìyà na Àkayiyà ndèŋgànà a e ɛndɛ ò Jèrurzalɛ̀mù. A ma òhwa nanù ema, “Nà mà ɛndɛ tɛ aŋga, na àŋgàmɛ̀nɛ̀yi lì ɛndɛ hvɛ ò lì ɛnɛ èkòmè ya Ròmànì.”

Hwègbèèlì 20:10

Ndi Pàwolò mɔ̀ à mà rzihwa ò rze ya eŋge ndawò rzìi a mò gbiyama ò nyò rzìi a mò rzɛhwɛ. A hwa òhweyà nanù ema, “È rza atàkìrzɛ̀, mɔ̀ à e hwèlì ò lòŋgɛ.”

Hwègbèèlì 20:2

Nà òma à mà akeyà hwèŋge hwèrzòòkà hwe arzɛ, à mà òhwa rzayi-rzayi ja hweyà ò lì ètìrzɛ̀ mèèmà me hwàlòkèlì hwa eŋge erzòòkà, rzìi a ɛ̀ndɛ ò èkòmè ya Àkayiyà.

Hwègbèèlì 20:3

A ma lìya ŋgbɛ̀ndɛ iyàwò ò èkòmè ya Àkayiyà. A ma hwɛ lì wòŋgirzɛnɛ ò lì ɛndɛ ò èkòmè ya Rzìrìyà aŋga ndi à mà rzɔ̀ŋgìtɛ̀nɛ̀ nanù ema lòŋgò la hwatò hwa wònyà Yudà hwà mà lìyà wùndɛ̀ ya lì mò òŋwa. Aŋga ndi à mà wòŋgirzɛnɛ ò lì timba lì akeyà ò erzòòkà ya Màrzèdonìyà.

Hwègbèèlì 20:37

Wɔ hwa arzɛ hwà mà hwɛ ndi ò lùwa, na òma hwà mà mò arzàŋgànɛ̀lɛ̀ na ò lì mò kɔmɔ, ò lì mò akpanɛ ò yɔ̀ndɔ̀ ya eni.

Ròmànì 15:19

Nà ma gbeyà ndi hwene hweyà ò ŋginyà ya hweembànèlì na mànyakà na e ŋginyà ya Èlìŋgɛ̀ ya ama Lohwɛ̀. O eŋgànɛ̀lɛ̀ rzɔ, lì anjiya ò e mbòwa ya Jèrurzalɛ̀mù natɛ̀ɛ na ò erzòòkà ya Ilìlìkumi, nà mà òhwa Ŋmɛ̀ndì mò Gbamù mò ama Krirztò gbamù.

Ròmànì 16:16

È arzàŋgànɛ̀lɛ̀ mɔ̀kɔ nà ɔ̀nɛyi ò lìnà là ama Yerzù. Ŋmèmbà me arzɛ mè è òmelì ikɔ̀mi.

1 Kɔ̀rintìyà 16:20

Wònyanyàŋgò hwa arzu hwa arzɛ hwa Krirztò, ema hwa hwèlì anù, hwa è omèlì ikɔ̀mi. È arzàŋgànɛ̀lɛ̀ mɔ̀kɔ nà ɔ̀nɛyi ò lìnà là ama Yerzù.

1 Kɔ̀rintìyà 16:5

Imba na jà o lì ehvɛhvɛ e hvonda ema na kulɛ o lì akeyà o erzòòkà ya Màrzèdonìyà èhwanja imba na ikayi o ŋmèma ema na akeyà ndi èŋge èhvarzù ya Màrzèdonìyà.

2 Kɔ̀rintìyà 13:12

È arzàŋgànɛ̀lɛ̀ mɔ̀kɔ nà ɔ̀nɛyi ò lìnà là ama Yerzù. Hwatò hwa arzɛ hwa Lohwɛ̀ hwa è omelì ikɔ̀mi.

2 Kɔ̀rintìyà 7:5

Nà oma i ma ùke o erzòòkà ya Màrzèdonìyà, i rzi hwɛnɛ lì Arzìyòlɛ̀. I ma luwa nyayi na nyayi ja mètàkà. Hwatò hwà mà jo kɔnɔ hvenda ndèŋgàna i ma ohva wɔ̀ŋgɔ̀ o mèèmà me arzu èhwanja i ma hwɛ lì e lùtèyà.

1 Tɛ̀rzàlonìyà 5:26

È kɔ̀mè hwàlòkèlì hwa arzɛ nà lì arzàŋgànɛ̀lɛ̀ mɔ̀kɔ nà ɔ̀nɛyi ò lìnà là ama Yerzù.

1 Tìmotì 1:3

Nà arza ema ò lìya ò mbowà yà Ɛ̀hvɛ̀rzɔ̀rzì, molemilemi nà oma nà mà ò kòkòwɛ̀lɛ̀ è hvonda ema nà mà hwɛ lì ɛndɛ ò erzòòkà yà Màrzèdonìyà. Àŋga nanù, ò wà ò kànèyà loŋgo là hwatò ema hwa rza okolɛ hwèyòkòlèlì ema hwe rza hvomɛ̀nɛ̀.