Hwègbèèlì 2:5 - Mokpwe: Bakwery (New Testament)

⁵ O eŋge hvònda, wònyà Yudà ema hwà mà hwɛ lì kanɛ̀ Lohwɛ̀ hwà mà hwɛ ò Jèrurzalɛ̀mù. Hwanu hwatò hwà mà uwɛ̀lɛ̀lɛ̀yi hwehvɛhvɛ hweki ò e rze yà mɔ̀nyɛ̀.

Hwègbèèlì 2:5 Mawu Ofanana

Matiyò 24:14

Mònò ŋmɛ̀ndì mò gbamù lì hvòmɛ̀nɛ̀ lìkànèyà la ama Lohwà mò òhwahwa ò marzuku ma e rze ya arzɛ nàa mbòŋgi ò hwèkòmè, ndèŋgàna lìrzukù lì e ja.

Lukàrzɛ̀ 17:24

Wùùnyà ema è Ŋmanà wà è Mòtò wà Hwènàmà a ò jɛ̀ɛ̀, wò ò hwɛ ndi nàa lìŋmɛ̀tì-ŋmɛ̀tì lì ò ŋmɛ̀tɛ̀lɛ̀ njuka hvɔ̀kɔ yà è ŋmanyu ya Lohwà nà ènɛ̀yi.

Lukàrzɛ̀ 2:25

O èŋge hvònda, ò mà hwɛ mùnyanà ò Jèrurzalɛ̀mù, à ma hwɛ̀lɛ̀hwɛ̀ Rzimìyɔ̀nì. Ò nò mùnyanà à mà tɛ̀mɛ̀ ehve-ehve, nà lì òkà Lohwɛ̀ wɔ̀ŋgɔ̀. À mà ambɛlɛlɛ è hvònda ema Lohwɛ̀ à mà hwɛnɛ lì òŋgìrzɛ̀ hwatò hwa Irzàyɛ̀lì, Èlìŋgɛ̀ yà Wòtani e mà hwɛ nà mɔ̀.

Lukàrzɛ̀ 24:18

Mɔ̀kɔ wà awù ema à mà hwɛ̀lɛ̀hwɛ̀ Klèyòpàrzì à mà mò ijòwa nanù ema, “Ò hwèlì ndi ŋmɛ̀ni ò ène mbòwà yà Jèrurzalɛ̀mù e? O rza hwi hwenè hweyà hwe àrzɛ ema hwe gbèyɛnɛ menè mèenyà e?”

Yòwanìrzɛ̀ 12:20

Lòŋgò la hwatò hwa Grìki hwà mà hwɛ na hwanɛ̀yi hwatò ema hwà mà ɛ̀ndɛ ò Jèrurzalɛ̀mù lì kanɛ̀ ò e hvònda ya è Ndèma yà lì Aka Ɔ̀nɛyi.

Hwègbèèlì 10:2

Kɔ̀nɛlìyurzi à mà hwɛ̀ ndi mòtò ema à mà hwɛ lì òŋgama hweyà hwe ama Lohwɛ̀. Mɔ̀ na lìtumba la eni la arzɛ hwà mà gbèeyà Lohwɛ̀. A ma òŋgòwàna mèlìrza me hwatò me wònyà Yudà. A ma kanɛ̀ hvɛ Lohwɛ̀ ihvònda ja arzɛ.

Hwègbèèlì 10:7

Nà òma e aŋgèlì ema e ma hwɛ lì mò òhwirzɛnɛ e ma ɛndɛ, Kɔ̀nɛ̀lìyùrzì rzìi a hwɛlɛ hwàgbèèlì hwa eni hwahwàkɛ na ŋmanelì mɔ̀kɔ wa njuma ema mɔ̀ hvɛ à mà hwɛ lì òŋgama hweyà hwe ama Lohwɛ̀, ndèŋgànɛ̀lɛ̀ à mà hwɛ hvɛ ndi ŋmànèlì wa njuma ema à mà hwɛ lì ɔŋgeya Kɔ̀nɛ̀lìyùrzì.

Hwègbèèlì 13:50

Ndi wònyà Yudà hwà mà umbɛlɛlɛ hwàtimbelì hwa e mbòwa, na hwàmbaki hwa hwàalanà ema hwà mà hwɛ lì gbèeya Lohwɛ̀. Hwanu hwatò rzɔ hwà mà jàneyà Pàwolò na Bànàbàrzì lùwànje rzìi hwa hwà hvaya ò erzòòkà ya awu.

Hwègbèèlì 2:1

Nà òma e ndèma ema e hwɛ̀lɛ̀hwɛ̀ Pɛ̀ntìkɔ̀rzì e ma uke, hwalòkelì hwa ama Rzàŋgò hwà mà arzàŋgànɛ ò èki yɔ̀kɔ.

Hwègbèèlì 22:12

“O ma hwɛ munyanà mɔ̀kɔ ò eŋge mbòwa ndɛnɛ ya Dàmàrzkɔ̀rzì ema à mà hwɛ̀lɛ̀hwɛ̀ Ànàniyarzì. A ma hwɛ ndi mòtò ema à mà òŋgama Lohwɛ̀ ehve-ehve, ema à mà ika imbenda ja arzu ja wònyà Yudà. Ndeŋgànɛ̀lɛ̀ à mà ŋgbààhwà èluhwe rzayi-rzayi na hwatò hwa arzɛ hwa wònyà Yudà ema hwà mà hwɛ lì lìya ò eŋge mbòwa.

Hwègbèèlì 8:2

Ŋgurzu ja hwatò ema hwà mà ika mèèmà me awu me arzɛ ò lì gbèeyà Lohwɛ̀, hwà mà imeya Rzìtehvànɛ. Hwà mà hwɛ ò lì mò eyà na ò lì mò ɛhwɛ.

Hwègbèèlì 8:27

O èŋgànɛ̀lɛ̀ rzɔ, Hvìlìpì mɔ̀ à mà wòŋgirzɛnɛ rzìi a ɛndɛ, ò yɔ̀ndɔ̀ ya eni à mà uŋmànɛlɛ munyanà mɔ̀kɔ wa ŋgbakò ema à mà hwɛ lì timba ò èkòmè ya eni. Onò mòtò à mà hwɛ ndi mòkànèlì mò ndɛnɛ, à mà hwɛ lì ɔŋgeya lùùtà la arzɛ la Kàndɛrzi la gbàata wò Ètòpìyà. Onò munyanà à mà ɛndɛ ò Jèrurzalɛ̀mù ò lì kànɛ Lohwɛ̀.

Kòlòrzìyà 1:23

Inyɛ̀ è hwɛ ndi nanù ema lì lòkɛ̀ là anyu lì àŋgàmɛ̀nɛ̀yi lì imbama, è inyàmɛ̀nɛ̀ hwètɛ̀mèlì hwe matàŋga mà anyu ò mɔ̀nyɛ̀, ndèŋgànɛ̀lɛ̀ è ika mèèmà mè anyu ò ŋmɛ̀ndì mò gbamù ema è mà hwèyɛ. Moŋgo ŋmɛ̀ndì mò gbamù ema inyɔ è mà màa lì hweyà, mò hwèlì ndi ŋmɛ̀ndì mò gbamù ema mò mà nyàlɛ̀ ò è rze yà arzɛ, ndeŋgànɛlɛ mɔ̀ ndi imba Pàwolò nà atìmbìrzɛ̀yi è mògbèèlì wà ama Lohwɛ̀ ò lì gbeyà.