Hwègbèèlì 2:41 - Mokpwe: Bakwery (New Testament)

⁴¹ Rzayi-rzayi ja hwàtò ema hwà mà lòkɛ̀ eyà ema Petrò à mà òhwe hwà mà lùhwìrzɛ̀hwɛ̀. O wòŋgò wùnyà mɛnɛ, eyà ya hwekòlì hweyàwò hwe hwatò hwe mà ahwatɛ ò Mɔ̀rzɔ̀ŋgi mò hwàlòkèlì hwa ama Krirztò.

Hwègbèèlì 2:41 Mawu Ofanana

Yòwanìrzɛ̀ 14:12

Nà e òhweyà ndi e jɔ̀kɛ̀. Tɔ̀ ima mɔ̀ ema a nò lòkɛ̀yì, a ò gbeyà hweyà ema na gbeyà. Mɔ̀ a ò gbeyà tɔ̀ hweyà ema hwe akayi hwenè hweyà. Èhwanja imba na ɛ̀ndɛ òma Tatɛ̀.

Yòwanìrzɛ̀ 21:11

Rzìmɔ̀nì Pètrò à mà kpèeyà ò wɔlɔ rzìi a rzìima èŋge mbunja ò rzàawà. È ma ònda na nyàmà ja malìhwa ndɛnɛ. Iŋgi nyàmà ja malìhwa i ma kòka lì uka egbe na menìmeta me nyàmà ja malìhwa na iyàwò. Tɔ̀ nɛ i ma aka lì kòka, e mbunja e rzi nyàaweya.

Hwègbèèlì 1:15

Ò eŋge hvònda, hwatò ema hwa mà lòkɛ̀ Yerzù hwa mà arzaŋganɛ ekì yɔ̀kɔ. Hwa mà hwɛ eyà ya hwègbe hwehwakɛ. Pètrò rzìi à tɛ̀mɛ̀ ò ŋmanyu ò ìtììtènì jà awu rzìi à òhwà nanù ema,

Hwègbèèlì 13:48

È hvònda ema hwaŋga hwatò ema hwa rza enje wònyà Yudà hwà mà hwèya ene hwà mà lìŋgà rzìi hwa kàrzɛ ŋmɛ̀ndì mò ama Rzàŋgò. Ndeŋgana hwatò hwa arzɛ ema hwà mà hvɔ̀rzɔ̀wɔ̀ ò lì luwa lòŋgɛ la gbìndèyà hwà mà lòkɛ̀ Rzàŋgò Yerzù.

Hwègbèèlì 2:37

Nà òma hwatò hwà mà hweye mamɛ ema Pètrò à mà òhwe, mèèmà me awu me ma kerzeya. Rzìi hwa ijòwa Pètrò nà inɛyi àpɔ̀rzìtòlò nanù ema, “Ìi wònyàmòwe mamɛ ja àŋgàmɛ̀nɛyi lì gbeyà e?”

Hwègbèèlì 2:47

Hwa mà hwɛ lì eka Lohwɛ̀ nà ò lì òka là mɔ̀nyɛ̀ŋgì mò hwèhwɛ̀ɛlì hwe gbamù hwe hwatò hwa arzɛ. Ndèŋgana wùnyà tɛ Rzàŋgò à mà hwatɛ ò mòndèŋge mò awu hwaŋga ema hwa mà hwɛ lì rzùŋgàhwà.

Hwègbèèlì 27:37

I ma hwɛ hwègbe hwehwakɛ mèni lìrzamba na mòtòhwa me hwatò ò tenì ya mene melì me ŋmànja.

Hwègbèèlì 3:23

Tɔ̀ njɛ̀nɛ ema a rza hweyàna òŋgò mòòhwèlì wà èlìŋgɛ̀, Lohwɛ̀ a mò ulɛ ò ìtììtènì ja hwatò hwa Lohwɛ̀ ndèŋgànɛ̀lɛ̀ a hvaŋgahwa.’

Hwègbèèlì 4:4

Ndi tɔ̀ nɛ hwà mà ŋgbaŋgɛ Petrò na Yòwanìrzɛ̀, rzayì-rzayì ja hwatò ema hwà mà hweya ŋmɛ̀ndì mò awu hwà mà lòkɛ̀. Mɔ̀rzɔ̀ŋgi mò hwàlòkèlì mò ma uka hwekòlì hweta hwe hwatò.

Hwègbèèlì 7:14

O mburza nanù, Jòrzɛ̀hvù rzìi a òhweyà wònyanyàŋgò wa eni ò lì òhweyà rzàŋgò hwa awu Jèkɔ̀bu ò lì jà ò Ìjiptò na lìtumba la eni la arzɛ. Wɔ̀ hwa arzɛ hwà mà hwɛ meni lìrzamba me hwatò na hwata.

Ròmànì 13:1

Inyɛ̀ tɔ̀ ima mɔ̀ wa anyu a hweyàne hwaŋga ema hwa hwèlì ò lìkànèyà. Èhwànja ò rza tanɛ lì hwɛ lìkànèyà e rzi hwɛ ema Lohwɛ̀ a emelì, ndèŋgànɛ̀lɛ̀ e wɔ̀ ema hwa hwèlì hwàkànèyà, Lohwɛ̀ mɔ̀ ndi à ika hwàkànèlì hwa arzɛ ò mbòkò.

1 Tɛ̀rzàlonìyà 1:6

Ò inyɔ è mà oŋgama ɛ̀ɛ̀mɛ̀ yà gbamù ema ì mà hwɛ̀nɛ̀ ndèŋgànɛ̀lɛ̀ inyɔ è mà oŋgama ɛ̀ɛ̀mɛ̀ yà ama è Rzàŋgo. Èlìŋgɛ̀ yà wòtani è mà è gbeyà ò lì oka mɔ̀nyɛ̀ŋgì nà oma è mà lùwè ŋmɛ̀ndì mò gbamù ema ì mà è jàneyà.

1 Pètrò 3:20

Hweŋge hwèlìŋgɛ̀ hwe hwèlì ndi hwèlìŋgɛ̀ ema hwe rzi hweyàne Lohwɛ̀ natɛ̀ɛ na e kòòhwà. O e hvonda ema Lohwɛ̀ à mà hwa ŋgbe hvoka hvonda ema e wawi o lì hwɛmɛ wòhwe wo awu. O eŋge hvonda ema Nowà à mà hwɛ lì oŋga wɔ̀ɔ̀lɔ̀ wo ndɛnɛ. Hwàmbi ya hwatò mɛnɛ ndi hwà mà hwɛ o tenì ya woŋgo wɔ̀lɔ̀ wo ndɛnɛ. Hwà mà rzùŋgahwà ndi na malìhwa.

Hwèwulùwèlì 16:3

È aŋgèlì ema e ma ùkirzɛ̀ ihwakɛ e kòma hwètàtò hwe ndɛnɛ hwe ama Lohwɛ̀ ema hwe ma hwɛ o tenì ya eŋge ewoki ya eni o ŋmànja. Mòŋgo ŋmànja mo ma timba ndi nàa màyija ma ewembe. Ndeŋgànɛlɛ tɔ̀ ima yoma ema e ma hwɛ lòŋgɛ o tenì ya moŋgo ŋmànja e ma ŋwa.