Hwègbèèlì 2:4 - Mokpwe: Bakwery (New Testament)

⁴ Wɔ̀ hwa arzɛ hwà mà ònda na Èlìŋgɛ̀ yà Wòtani, rzìi hwa wòteya lì òhwa imbɔrzi ja hwahvɛhvɛ hwatò ema hwa rza òkòwɛ. Èlìŋgɛ̀ yɔ ndi e ma hwa lìyɛlɛ ò lì òhwa mamɛ ema hwà mà hwɛ lì òhwa.

Hwègbèèlì 2:4 Mawu Ofanana

Matiyò 10:19

Hwa è ɛndɛ̀nì tɛ ò hwèkàyìrzèlì tɔ̀ mɔ̀kɔ wa anyu a rzi atàkìrzɛ̀ ò mamɛ ema a hwɛ̀nì lì òhwa, tɔ̀ nɛ mɔ̀ à hwɛ̀nì lì è òhweyà. È hvònda è uki tɛ à ò hwɛ̀nɛ̀ eyà ya lì òhwa.

Makòrzì 16:17

Hwatò ema hwa lòkɛ̀yì hwa òhva ŋginyà ò lì gbeyà hweyà hwe mànyakà: Wɔ̀ hwa ò hvaya hwèlìŋgɛ̀ hwe wòhwe ò lìna la ami, wò òhwa hvɛ imbɔrzi hvènya.

Lukàrzɛ̀ 1:15

È ò hwɛ ndi nanù, èhwanja ò nò ŋmanà a ò hwɛnɛ èluhwe ndɛnɛ̀ ò wòrzò wò amà Rzàŋgò. A rza ò nyɔ mimba ema mà èèti tɔ̀ hwelandì. Lìwòteya ò hwèŋyàyèlì hwe eni, a ò òndìrzɛ̀hwɛ̀ nà Èlìŋgɛ̀ yà Wòtani.

Lukàrzɛ̀ 1:41

Nà òmà Èlìrzabɛ̀tì a mà hweye ìikɔ̀mi ja ama Màlìyɛ̀, ŋmɛ̀ɛŋgɛ mò ŋmanà ema mò mà hwɛ ò èwònì ya lùùŋgà la ama Èlìrzabɛ̀tì mò mà anyìŋgìrzɛ̀nɛ̀. Èlìrzabɛ̀tì à mà ònda nà Èlìŋgɛ̀ yà Wòtani.

Lukàrzɛ̀ 1:67

Rzìi Yòwanìrzɛ̀, rzàŋgò wà èni, Rzàkàriyà à mà ònda nà Èlìŋgɛ̀ yà Wòtani, rzìi a wòteya lì òhwà hweyà nanù ema,

Lukàrzɛ̀ 12:12

Èhwanja èŋge hvònda Èlìŋgɛ̀ yà Wòtani yò òhweyà mamɛ ò hwɛnì lì òhwà.”

Lukàrzɛ̀ 21:15

Nà è ŋgbà mamɛ ema ya òhwa, na mahwiye ò lì hwe òhwa, ema tɔ̀ hwakɔ̀èlì hwa anyu hwa rza ò tànɛyi lì è ɛkɛ̀, nà lì rzɔ̀rzɔ mamɛ ema e ò hwɛ̀ɛ.

Lukàrzɛ̀ 4:1

Yerzù à mà uhwɛlɛlɛ ò mòrzò mò Jɔdànì, à mà ònda nà Èlìŋgɛ̀ yà Wòtani, rzìi e mò lìyɛlɛ ò lì ɛ̀ndɛ ò mòrzanjɛ̀.

Yòwanìrzɛ̀ 14:26

È Moòŋgòwànèlì, Èlìŋgɛ̀ yà Wòtani, ema Tatɛ̀ a e òmeya ò lìna lì ami, a ò e òkòlɛ̀ hweyà hwe arzɛ. Ndèŋgànɛ̀lɛ̀ hvɛ a ò gbeyà e ò ɔ̀ŋgɛ̀lɛ̀ hweyà hwe arzɛ ema nà mà lòmɛ lì e òhweyà.

Yòwanìrzɛ̀ 20:22

Rzìi à hwa uŋgɛlɛ muulu, a hwa òhweyà nanù ema, “È wòwe Èlìŋgɛ̀ yà Wòtani.

Hwègbèèlì 1:5

Yòwanìrzɛ̀ à mà lùhwìrzɛ̀ ndi nà malìhwa ndi ò ŋgùrzu jà mèènyà ema mè ò jɛ̀ɛ̀ è lùhwìrzɛ̀hwɛ̀ ndi nà Èlìŋgɛ̀ yà Wòtani.”

Hwègbèèlì 1:8

Ndi inyɔ e ò luwa màyìmbì e hvònda ema Èlìŋgɛ̀ yà Wòtani ye e rzihweyà, eŋge hvònda ɔ̀ndi hweyà hwe arzɛ ema e ma nò ɛnɛnɛ e ò hwe òhweyà hwatò ò e mbòwa ya Jèrurzalɛ̀mù, ò hwèrzòòkà hwe Jùdeyà na Rzàmàrìyà na ò màrzuku ma e rze ya arzɛ.”

Hwègbèèlì 10:46

Èhwanja hwa mà hweyà nɛ hwaŋga hwatò hwa òhwa jòòhwì na ihvɛ-hvɛ mbɔrzi na lì eka Lohwɛ̀. Pètrò rzìi a òhwa nanù ema,

Hwègbèèlì 10:47

“Hwanu hwatò hwà mà luwa Èlìŋgɛ̀ yà Wòtani nyayi hvɔ̀kɔ na òma irzɔ hvɛ i ma e luwe. O hwèlì rzɔ tɔ̀ mòtò tɔ̀ mɔ̀kɔ ema a tànɛyi lì hwa tɛmirzɛ nanù ema hwa rzi lùhwìrzɛ̀hwɛ̀ na malìhwa e?”

Hwègbèèlì 11:15

Ò mburza nanù nà òma nà mà wòteyà lì òhwa, Èlìŋgɛ̀ yà wòtani è mà hwa rzihweyà, nyayi hvɔ̀kɔ mɛnɛ, nà òma è mà jò rzihweyà irzɔhvɛ ò hwewòtelì.

Hwègbèèlì 11:24

Bànàbàrzì à mà hwɛ ndi mòtò wa gbamù, à mà ònda na Èlìŋgɛ̀ yà Wòtani, à mà imbama hvɛ ò lì lòkɛ̀. Ndèŋgànɛ̀lɛ̀ rzayì-rzayì ja hwatò hwà mà tikòwahwa ò lì lòkɛ̀ Rzàŋgò.

Hwègbèèlì 13:52

Hwàtò ema hwà mà lòkɛ̀ Yerzù ò mbòwa ya Antìyɔ̀kì hwà mà ònda na mɔ̀nyɛ̀ŋgì na Èlìŋgɛ̀ yà Wòtani.

Hwègbèèlì 13:9

Rzàwòlò ema a hwɛ̀lɛ̀hwɛ̀ hvɛ Pàwolò rzìi, à ònda na Èlìŋgɛ̀ yà Wòtani, rzìi a ɔŋgɔ̀ eŋge ŋgaŋga ya mbòwa ò mirzɔ̀ kòò,

Hwègbèèlì 15:8

Lohwɛ̀ ema a hwi mèèmà me hwatò, à mà uŋmɛ̀lɛ̀ nanù ema à mà ŋgba hwaŋga hwatò ema hwa rza enje wònyà Yudà è wònjà ò lì lòkɛ̀, na òma à mà hwa ŋgbe Èlìŋgɛ̀ yà Wòtani, ŋgàna hvɔ̀kɔ mɛnɛ na òma à mà jò ŋgbe irzɔ hvɛ e yɔ.

Hwègbèèlì 19:6

È hvònda ema Pàwolò à mà hwa hwàkɛ̀ màà mà eni ò meyòhvò me awu, Èlìŋgɛ̀ yà Wòtani rzìi e hwa rzihweyà. Rzìi hwa wòteyà lì òhwa ò i hvɛhvɛ mbɔrzi ema hwatò hwa rzi rzɔ̀ŋgìtɛ̀nɛ̀, na ò lì òhwa Ŋmɛ̀ndì mò ama Lohwɛ̀.

Hwègbèèlì 2:11

O ìtììtènì ja hwanu hwatò hwa arzɛ, lòŋgò hwa uwɛ̀lɛ̀lɛ̀yi ndi ò mòtende mò wònyà Yudà hwanɛyi hvɛ hwa hwèlì ndi hwatò ema hwa rza enje wònyà Yudà, ndi hwa òŋgami lìlòkɛ̀ là wònyà Yudà. Lòŋgò la arzu jò uwɛ̀lɛ̀lɛ̀yi ndi ò èkòmè ya Krɛ̀tɛ na ò èkòmè ya Arèbìyà, ndi tɔ̀ nanù, tɔ̀ ima mɔ̀ wa arzu a hwèya na òma hwa òhwa ò imbɔrzi ja arzu hweyà hwe ndɛnɛ ema Lohwɛ̀ à mà gbeyɛ.”

Hwègbèèlì 2:3

Aŋga ndi wɔ̀ hwà mà ɛnɛ hwema nàa mùnya ema mò ma ayèkɛnɛ̀ mekakò me tɛmi ò mèyòhvò me tɔ̀ ima mòtò.

Hwègbèèlì 4:31

Nà òma hwà mà kulɛ ò lì kanɛ̀, èki ema hwà mà taneya e ma nyiŋgà. Wɔ̀ hwa arzɛ hwà mà òndìrzɛ̀hwɛ na Èlìŋgɛ̀ yà Wòtani rzìi hwa wòteyà lì òhwa eyà ya Lohwà e rzi hwɛ lì òka wɔ̀ŋgɔ̀.

Hwègbèèlì 4:8

Pètrò rzɔ, ema ama ònda na Èlìŋgɛ̀ yà Wòtani à mà hwa alàhwɛ̀ nanù ema, “Hwàkànèlì na hwàmbaki hwa arzu hwa e mbòwa,

Hwègbèèlì 6:3

O èŋgànɛ̀lɛ̀ rzɔ wònyàmòwe kòkò, e hvɔ̀rzè lìrzamba la wunyanà ò ìtììtènì ja anyu ema hwa hwɛnì lì lòkɛ̀ hwa òndi hvɛ na Èlìŋgɛ̀ yà Wòtani, ndèŋgànà hwa òhvi hvɛ lìhwiyè. Wɔ̀ ndi irzɔ i ŋgbàà ene èwòlò.

Hwègbèèlì 6:5

Ène eyà ema I àpɔ̀rzìtòlò i ma òhwe e ma lìŋgìrzɛ e ŋgìndì ya arzɛ. Aŋga ndi hwa a hvɔ̀rzɔ̀ Rzìtehvànɛ mɔ̀kɔ ema à mà òhva lìlòkɛ̀ la ŋginyà à mà ònda hvɛ na Èlìŋgɛ̀ yà Wòtani, hwà mà hvɔ̀rzɔ̀ hvɛ Hvìlìpì, Pròkòrùrzì, Nìkanò, Tìmɔ̀nɛ̀, Pàmɛ̀nàrzì na Nìkòlàrzì. Nìkòlàrzì à mà uwɛ̀lɛ̀lɛ̀yi ndi ò mbòwa ya Antìyɔ̀kì a rzi hwɛ ndi mòtò wà Yudà, ndi à mà òŋgama lìlòkɛ̀ la wònyà Yudà.

Hwègbèèlì 6:8

Nàŋgɛ Rzìtehvànɛ à mà hwɛ ndi mòtò ema lòŋgɛ la eni lì ma hwɛ lì uŋmɛ̀lɛ̀ e ndèli ya ama Lohwɛ̀ rzayi-rzayi. A ma hwɛnɛ ŋginyà ò lì gbeyà hweyà hwe ndɛnɛ hwe mànyakà ò ìtììtènì ja hwatò.

Hwègbèèlì 7:55

Ndi kanatɛ Rzìtehvànɛ à mà ònde nà Èlìŋgɛ̀ yà Wòtani, à mà ɔŋgɔ̀ ò ŋmanyu yà lohwà, rzi à ɛnɛ ŋmàye mò òma Lohwɛ̀, nà Yerzù ema à tɛ̀mì ò ehvàrzu yà lìya là mòmɛ̀ là ama Lohwɛ̀.

Hwègbèèlì 8:17

Aŋga ndì Pètrò nà Yòwanìrzɛ̀ hwà a hwa hwàkɛ màà mà awu rzi hwa luwa Èlìŋgɛ̀ yà Wòtani.

Hwègbèèlì 9:17

O èŋgànɛ̀lɛ̀ Ànàniyarzì à mà ɛndɛ, rzi a kpèeyà ò tenì ya e ndawò ema Rzàwòlò à mà hwɛ, rzìi a mò hwàkɛ màà ma eni. A ma mò òhweyà nanù ema, “Ŋmanyàŋgò wa ami Rzàwòlò kòkò, Rzàŋgò a nò òmani lìkànèyà. Rzàŋgò Yerzù ema a ma ò wùrzeyà ò njiya na òma ò ma hwɛ lì jà anu. A nò òmi ò mbàà aŋgɔ̀ aŋga nanù, ò wa, ò tànɛ lì ɛnɛ̀ hvɛ, na lì òndìrzɛ̀hwɛ nà Èlìŋgɛ̀ yà Wòtani.”

Ròmànì 15:13

Nà kànɛ nanù ema, Lohwɛ̀ ema mɔ̀ ndi à ŋgbàà lìhvìtà, a e gbeye e ònde na mɔ̀nyɛ̀ŋgì mò arzɛ na ò lì hwɛ na ɛ̀yɔ̀lɛ̀ ò nyòla lì lòkɛ̀ ema e lòkɛ̀. Ène eyà e gbeyà e ŋginyà ya Èlìŋgɛ̀ yà Wòtani e gbeyà lì lòkɛ̀ la anyu lì nyàla rzayi-rzayi.

1 Kɔ̀rintìyà 12:10

Rzi Èlìŋgɛ̀ e ŋgbaà hvɛ mòtò mɔ̀kɔ, e ŋginyà ya lì gbeyà hweyà hwe mànyakà, rzi a ŋgbaà ɔhvɛ làhweyà la lì ohwa ŋmɛ̀ndì mo Lohwà. O ma ohvɛhvɛ mòtò, èlìŋgɛ̀ yà wòtani e ŋgba e ŋgilì ya lì rzɔ̀ŋgìtɛ̀nɛ̀ màahweyà ema mà uwɛ̀lɛ̀lɛ̀yi o èlìŋgɛ̀ yà wòtani, na e lɔ̀wu ema lì rza uwɛ̀lɛ̀lɛ̀yi o èlìŋgɛ̀ yà wòtani. Èŋge èlìŋgɛ̀ mɛnɛ e ŋgba mòtò mɔ̀kɔ lìhwiyè la lì ohwa ihvɛhvɛ mbɔrzi, e ŋgba ohvɛhvɛ mòtò lìhwiyè o lì tikowa mamɛ hwaŋga hwatò hwa ohwa.

1 Kɔ̀rintìyà 13:1

Nà tànɛyi tɛ lì ohwa i mbɔrzi jarzɛ ja hwatò hwa hwènàmà anù rze na e jɔ jà i aŋgèlì rzìi na rzì ohve ndìŋgɛ e mbɔrzi ya amì è hwɛ ndi nàa èhwèlèlè ya mokèŋge ema e gbeyà mɔ̀tɔ̀wù mo ŋgundu, tɔ̀ ŋgɛ̀ŋgi e ma yo òkahwa.

1 Kɔ̀rintìyà 13:8

È ndìŋgɛ e rza kùwa. Ndi hweyohwèlì hwe ŋmɛ̀ndì mo ama Lohwɛ̀, hwe kùwa. Li ohwa la ihvɛhvɛ mbɔrzi lì ohvɛ lì kùwa. È hwɛ ndi lìhwiyè, lɔhvɛ lì kùwà.

1 Kɔ̀rintìyà 14:18

Nà èki Lohwà ema imba nà ohwa o ihvɛhvɛ mbɔrzi rzayì-rzayì lì aka tɔ̀ ima mɔ̀ wa anyu.

1 Kɔ̀rintìyà 14:5

Nà lìŋgàni ema inyɔ hwa arzɛ e ohwa o ihvɛhvɛ mbɔrzi. Ndi na lìŋgana rzayì-rzayì ema inyɔ hwa arzɛ e ohwe ŋmɛ̀ndì mo ama Lohwɛ̀. È mòtò ema a ohwa ŋmɛ̀ndì mo ama Lohwà a akayi e mɔ̀ ema a ohwa ihvɛhvɛ mbɔrzi. Èhwanja natɛ̀ɛ nà ohvɛhvɛ mòtò a ohwà o lì tikowa mamɛ ya arzɛ ema a ohwa aŋga nanù oma o ma ètìrzɛ̀ wolìya wo è ndawò yà mitèlì yà arzɛ.

Ɛ̀hvìrzìyà 3:19

Nà kànɛ̀ hvɛ nanù ema tɔ̀ nɛ tɔ̀ mòtò tɔ̀ mɔ̀kɔ à rza tànɛyi lì hwiya kɔ̀yi-kɔ̀yi nɛ Krirztò ò jɔ̀kɛ̀ à è lìŋgàni inyɛ Lohwɛ̀ à è gbeye è rzɔ̀ŋgìtɛ̀nɛ̀. Nà kànɛ̀ nanù, aŋga nanù hwègbèèlì hwe anyu hwe hwɛ ndi nàa è hwe ama Lohwɛ̀.

Ɛ̀hvìrzìyà 5:18

È rzì woma mboma yà mimba, èhwanja mà è tìmbìrzɛ̀ ndi hwèèti hwe hwatò. Ndi tɔ̀ nanù, inyɛ Èlìŋgɛ̀ yà Wòtani e hwɛ o tenì ya anyu.

Ɛ̀hvìrzìyà 6:18

È kànɛ̀ na oma Èlìŋgɛ̀ yà Wòtani ye e lìyɛlɛ o ihvonda ja arzɛ. Inyɔ e ohweyà Lohwɛ̀ o lì e oŋgowàna o tɔ̀ mamɛ ema e gbeyà. È hwɛni lì aŋgowa, e kànɛ̀ o ihvonda ja arzɛ e rzi hwɛ nanù ema e ɔ̀tɔ̀. Ndèŋgànɛ̀lɛ̀ e a kànɛ̀lɛlɛ hwatò hwa arzɛ hwa ama Lohwɛ̀.

1 Pètrò 1:12

Lohwɛ̀ à mà wùluhweyà hwanù hwà-òhwèlì hwa hwèlìŋgɛ̀ nanù ema èwòlò ya awu ema hwa gbeyà, e rza o hwa lùhwìrzɛ̀ tɔ mɔ̀rzɛ̀ŋgì ndi e hwèlì ndi èwòlò ya anyu. Lohwɛ̀ à mà omeya hwatò Èlìŋgɛ̀ yà Wòtani ema e ma uwɛ̀lɛ̀lɛ̀yi o ŋmanyu yà lohwà. Èŋge Èlìŋgɛ̀ ndi e ma gbeyà ndèŋgànà loŋgo la hwatò hwa e ohwa Ŋmɛ̀ndì mò Gbamù, ema inyɔ e hweyà yawono. Hwene hweyà hweyɔ ndi Hwà-òhwèlì hwà mà ohwe. Tɔ̀ i aŋgèlì jo hwiti jo òkeya o lì hwiya hwene hweyà.

2 Pètrò 1:21

È mbɔrzi ema hwà-òhwèlì hwa hwèlìŋgɛ hwà mà ohwe, e rzi uwɛ̀lɛ̀lɛ̀yi ndi na hwatò hwa hwènàmà, ndi Èlìŋgɛ̀ yà Wòtani ndi e ma hwɛ lì lìyɛlɛ hwatò ema hwà mà ohwa eŋge mbɔrzi. Èŋge mbɔrzi e ma uwɛ̀lɛ̀lɛ̀yi ndi o ma Lohwɛ̀.