Hwègbèèlì 2:30 - Mokpwe: Bakwery (New Testament)

³⁰ Dàhwitì à mà hwɛ ndi mòòhwèlì wà èlìŋgɛ̀ ndèŋgànà mɔ̀ à mà hwiya yòòma ema Lohwɛ̀ à mà òhwe nanù ema a mò ŋgba. Lohwɛ̀ à mà aàtɛ yòmbò nanù ema, a ò wòwa ŋmanà ò mòtende mò ama Dàhwitì a ò mò lìirzɛ kiŋgɛ nyayi hvɔ̀kɔ na òma Dàhwitì hvɛ à mà hwɛ kiŋgɛ.

Hwègbèèlì 2:30 Mawu Ofanana

Matiyò 22:43

Yerzù rzìi a hwa òhweyà nanù ema, “Mamɛ ndeŋgatɛ èlìŋgɛ̀ è mà kànèyà Dàhwitì ò lì mò hwɛlɛ ‘Rzàŋgò,’ e hvònda ema à mà òhwe nanù ema,

Matiyò 27:35

Hwa wòmeyà Yerzù ò mbarza. Rzìi hwà òka mèrzɔ̀ɔ̀nì ò lì hwàa è mbɔ̀ti ya eni.

Makòrzì 12:36

Dàhwitì mɔ̀ ŋmìti, Èlìŋgɛ̀ yà Wòtani e mà mò kpèeyà rzìi a òhwa nanù ema, ‘È Rzàŋgò Lohwɛ̀ à mà òhweyà e Rzàŋgò wa ami ama, Lìyà ò lìya la ami la mòme, natɛ̀ɛ na e hvònda ema na gbeyà ò laala hwakɔ̀èlì hwa aŋgɔ̀ na mataŋgà mà aŋgɔ̀.’

Lukàrzɛ̀ 24:44

Rzìi à hwa òhweyà nanù ema, “Èŋge hvònda na mà hwɛ nà inyɔ, nà mà è òhweyà ema hweyà hwe arzɛ ema hwe gbèyɛ̀nɛ lì nò hvòmɛ̀nɛ̀, nà òma e tìlahwì ò kààtì yà è mbenda yà ama Mòrzè, nà ò kààtì yà hwà-òhwèlì hwa hwèlìŋgɛ̀, nà ò kààtì ya Mɛ̀rzɔ̀kɔ̀.”

Hwègbèèlì 1:16

“Ìi wònyamòwè kòkò, hweyà ema hwe mà tìlahwa ò kààtì yà Lohwà hwe mà hwɛnɛ lì òndìrzɛ̀hwɛ. Èlìŋgɛ̀ yà wòtani è mà lòma lì òhwa ò wàna yà ama Dàhwitì lì hvòmɛ̀nɛ̀ Jùdàrzì ema à mà tìmba hwatò ò lì ɛndɛ lì ŋgbaŋgɛ Yerzù.

Ròmànì 1:3

Mònò Ŋmɛ̀ndì mò Gbamù, mò hwèlì ndi lì hvòmɛ̀nɛ̀ è Ŋmanà wà eni. O hwehwɛ̀ɛlì hwe e mòtò wà hwènàmà òŋgò Ŋmanà à mà ŋyàahwɛlɛ ndi ò lìhwende la ama kiŋgɛ̀ Dàhwitì.

Ròmànì 15:12

È mòòhwèlì wà èlìŋgɛ̀ Àyìrzayà rzìi mɔ̀hvɛ a òhwi na òma e tìlahwì nanù ema, “O ò wurza mòtò ò mòtende mò ama Jɛ̀rzɛ̀, a ò jà ò lì kànèyà hwaŋga hwatò ema hwa rza enje wònyà Yudà. Ndeŋgànɛ̀lɛ̀ wɔ̀ hwa ika màhvìtà mà awu na mɔ̀.”

2 Tìmotì 2:8

O hwɛni ndi lì ɔ̀ŋgɛ̀lɛ̀ nanù ema Yerzù Krirztò ema à mà hwɛ o e nyɔ̀ŋgɔ̀nì ya ama kiŋgɛ̀ Dàhwitì, Lohwɛ̀ à mà mo hvùmùlɛ̀ o kpelì. Ŋmɛ̀ndì mò Gbamù mòno ema imba na òhwèyà hwatò.

Hibrù 1:1

Ò màrzalɛ Lohwɛ̀ à mà òhwìrzɛ̀nɛ̀ ì mbamba jà arzu jà kòhwà nyayi nà nyayi jà ŋgelì nà rzayì-rzayì jà mà njiya lì akeyà nà hwà-òhwèlì hwa hwèlìŋgɛ̀.

Hibrù 3:7

Ò eŋgànɛlɛ, è okànèyà mamɛ ema Èlìŋgɛ̀ yà Wòtani è ohwa. Yɔ̀ è ohwa nanù ema, “Yàwonò, è hweyi tɛ lìlo là ama Lohwɛ̀,

Hibrù 4:7

Ò èŋgànɛ̀lɛ̀ Lohwɛ̀ à mà rzèkeyà wohvɛhvɛ wùnyà wò hwɛ̀lɛ̀hwɛ̀ ndi, nanù ema, “Yàwonò.” Ò hvonda ema è mà aka, Lohwɛ̀ à mà ohwa, lì akeyà nà imbɔrzi jà ama Dàhwitì ema imba nà mà màà lì è tìleyà nanù ema, “Yàwonò è hweyi tɛ lìlo là ama Lohwɛ̀, è rzi hwɛ̀neyà Lohwɛ̀ màniya.”

Hibrù 6:17

O eŋgànɛ̀lɛ̀ rzɔ na oma Lohwɛ̀ à mà arze lì uŋmɛ̀lɛ̀ na e jɔ̀kɛ̀ o hwaŋga hwatò ema hwà mà hwɛnɛ lì luwa mamɛ ema à mà hwa kàkɛ̀nɛ, nanù ema mɔ̀ à rza àyèŋgowɛ̀ o lì kàkɛ̀nɛ la eni, o eŋgànɛ̀lɛ̀ à mà aàtɛ yòombò o lì hwàtɛ o lì kàkɛ̀nɛ la eni.

Hibrù 7:21

Ndi lìrzàkò ema Lohwɛ̀ à mà hvɔ̀rzɔ̀ Yerzù ò lì hwɛ è pìlìrzì, mɔ̀ à mà ohwa nanù ema, “Rzàŋgo à mà ààtɛ̀ yombò, ndèŋgànɛ̀lɛ̀ mɔ̀ à rza unda yòòmbò yà eni, nanù ema, ‘O hwèlì ndi Pìlìrzì natɛ̀ɛ na o gbìndèyà na o gbìndèyà.’”

2 Pètrò 1:21

È mbɔrzi ema hwà-òhwèlì hwa hwèlìŋgɛ hwà mà ohwe, e rzi uwɛ̀lɛ̀lɛ̀yi ndi na hwatò hwa hwènàmà, ndi Èlìŋgɛ̀ yà Wòtani ndi e ma hwɛ lì lìyɛlɛ hwatò ema hwà mà ohwa eŋge mbɔrzi. Èŋge mbɔrzi e ma uwɛ̀lɛ̀lɛ̀yi ndi o ma Lohwɛ̀.

Hwèwulùwèlì 17:14

Hwa ò teŋgɛ̀nɛ̀ ò lì anàna è Ŋguma yà Mɔ̀lɛ̀ŋgù njùma. Ndi è Ŋguma yà Mɔ̀lɛ̀ŋgù è ò hwa rzùùwanà ehwànja mɔ̀ ndi à hwèlì è Rzàŋgo yà hwatò hwa arzɛ ndèŋgànɛ̀lɛ̀ à hwèlì ndi è Kìŋgɛ yà ikìŋgɛ jà arzɛ. À hwèlì nà hwatò hwa eni ema Lohwɛ̀ à mà hwɛlɛ nà lì hvɔ̀rzɔ̀, ema hwa mò gbèeyà nà ŋmèmà mɔ̀kɔ.”

Hwèwulùwèlì 19:16

O mòŋgòmbè mo eni na o e rzorzo ya eni lìni lìnà lì tìlahwi aŋga nanù ema, “Kiŋgɛ wa ikiŋgɛ ja arzɛ na e Rzàŋgo ya irzaŋgo ja arzɛ.”