Hwègbèèlì 2:23 - Mokpwe: Bakwery (New Testament)

²³ Lohwɛ̀ à mà lòma lì hwiya nanù ndèŋgànɛ̀lɛ̀ mɔ̀ à mà tɛ̀yirzɛ nanù ema, e hwɛni lì òŋwa Yerzù ò lì mò akɛlɛ ò màà mà hwàkɔ̀yèlì ema hwa mò wòmeyà ò mbarza.

Hwègbèèlì 2:23 Mawu Ofanana

Matiyò 20:19

Rzi hwa mò akɛlɛlɛ ò hwaŋga hwatò ema hwa rza enje wònyà Yudà ema hwa mò yɔ̀yeya, hwa mò gbiyɛ hvònji na lì mò wòmeya ò mbarza. O wùnyà ema wò ò ùkirzɛ̀ mèenyà meyawò, Lohwɛ̀ a ò mò hvùmùlɛ.”

Matiyò 26:24

È Ŋmanà wà è Mòtò wà Hwènàmà à hwɛnì lì ŋwa nà òma è kààtì yà Lohwà è òhwi, è ò hwɛ màwɔ̀ŋgɔ̀ nà òŋgò mòtò ema à ò nò ahwìrzɛ. È mà lɔ̀wu ema òŋgò mòtò à rzìi ŋyahwe hvɛ tɔ̀.”

Matiyò 27:35

Hwa wòmeyà Yerzù ò mbarza. Rzìi hwà òka mèrzɔ̀ɔ̀nì ò lì hwàa è mbɔ̀ti ya eni.

Makòrzì 15:24

Rzìi hwa wòmeyà Yerzù ò mbarza. Hwà mà òka mèrzɔ̀ɔ̀nì ò lì hwàa è mbɔ̀ti ya eni, aŋga nanù wɔ̀ hwa ò ɛnɛ̀ e mɔ̀ ema a ò lùwà e la eni lòŋgò la lìŋgi lìwɔtì.

Lukàrzɛ̀ 22:22

È Ŋmanà wà è Mòtò wà Hwènàmà à hwɛnì lì ŋwa nà òmà è mà tìlahwe, ndi èwòma nà òŋgò mòtò ema à mò àhwìrzɛ̀.”

Lukàrzɛ̀ 22:37

Nà è òhweyà nanù ema, è kaàtì yà Lohwà è òhwa nanù ema, ‘À mà wòwahwa ndi nàa ŋmìhwɛ̀.’ Nànù ndi e hwɛnì lì nò gbèyɛnɛ. Ndèŋgàna e hwɛnì lì òndìrzɛ̀hwɛ̀.”

Lukàrzɛ̀ 23:33

È hvònda ema hwa mà uke, ò èki ema è hwɛ̀lɛ̀hwɛ̀ Èkeke yà Mèyòhvò, rzìi hwa wòmeyà Yerzù ò mbarzà nà hwaŋga hwatò hwa wòhwe hwahwàkɛ. Mɔ̀kɔ ò lìya là eni là mòmɛ, ɔ̀nɛ̀yi hvɛ ò lìya là ŋmàlì.

Lukàrzɛ̀ 24:20

Ndi Ipìlìrzì ndɛnɛ ja arzu, nà hwànɛ̀yi hwàtìmbèlì hwa e mbòwà hwa mà mò ŋgba ò maà ma hwàkànèlì ema hwa ŋgbè e mbakò nanù ema hwa mò òŋwe. Rzìi hwa mò wòmeyà ò mbarza.

Yòwanìrzɛ̀ 19:18

Àŋga ndi hwa mà mò wòmeyà ò mbarza. Ò mà hwɛ hvɛ hwahvɛhvɛ hwatò hwahwàkɛ̀ ema hwa mà wòmàhwɛlɛ ò mbarza nà mɔ̀. Mɔ̀kɔ è èhvàrzù yɔ̀kɔ ɔ̀nɛyi hvɛ enɛyi è èhvàrzù Yerzù ò ìtììtènì jà awu.

Yòwanìrzɛ̀ 19:24

Àŋga ndi hwa òhwalɛnɛ nanù ema, “I rza lì ŋyàawà. Ja aŋgbe ndi lìnjaŋgà jò ɔ̀ŋgɔ njɛnɛ a lì kùwàna.” Ène ema gbèyɛ̀nɛ ndi ò lì òndìrzɛ̀ mamɛ ema e ma tìlahwa ò Kaàti ya Lohwà nanù ema, “Wɔ̀ hwiti hwà mà a kahwɛnɛ̀ màatù ma ami. Rzi hwa aŋgbaanɛ hvɛ lìnjaŋgà ò lì kawa mòŋgòmbè mò ami.” O èŋgànɛ̀lɛ̀ nanù ndi hwaŋga hwàanà njuma hwà mà gbèye.

Hwègbèèlì 13:27

Hwàtò ema hwa mà hwɛ lì lìya ò Jèrurzalɛ̀mù nà hwàtìmbèlì hwa awu hwa rzìi hwiye nanù ema, Yerzù ndi à hwèlì è Mòrzùŋgèlì. Hwa rzi rzɔ̀ŋgìtɛ̀nɛ̀ hwetilelì hwe hwà-òhwèlì hwa hwèlìŋgɛ̀ ema wɔ̀ hwa mà hwɛ lì làŋga ò tɔ̀ ima Wùnya wò lì Arzìyòlɛ. Tɔ̀ nɛ wɔ̀ hwa mà gbèye hweyà ema hwà-òhwèlì hwa hwèlìŋgɛ̀ hwa mà òhwe hwe mà òndìrzɛ̀hwɛ, nà òma hwa mà òhwe nanù ema hwa òŋwa Yerzù.

Hwègbèèlì 15:18

Imba ndi nà mà gbeyà hwenè hweyà hwe arzɛ hwe ma hwiyahwe natɛ̀ɛ na e hvònda ya kòhwa.’”

Hwègbèèlì 2:36

Petrò rzìi a hwatɛ hvɛ ò lì òhwa nanù ema, “O eŋgànɛlɛ rzɔ inyɔ hwa arzɛ hwatò hwa Irzàyɛ̀lì e hwɛni lì hwiye na e jɔ̀kɛ̀ nanù ema, ò nò Yerzù ema inyɔ e ma wòmeyà ò mbarza mɔ̀ ndi à hwèlì e mɔ̀ ema Lohwɛ̀ à mà gbeyɛ, e Rzàŋgò ndèŋgànɛ̀lɛ̀ mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi.”

Hwègbèèlì 3:18

Tɔ̀ nɛ e ma gbèyɛnɛ nanù, Lohwɛ̀ ŋmìti ndi à mà òndìrzɛ̀ e mbɔrzi ya eni na òma à mà òhweyà hwà-òhwèlì hwa eni hwa arzɛ hwa hwèlìŋgɛ̀ ema hwa òhwe nanù ema è Mɔ̀ ema à Ɔ̀kirzɛ̀hwɛ̀yi a ò taka.

Hwègbèèlì 4:28

Hwà mà òhva wòlìya ò lì gbeyà hweyà ema ò ma hwɛ ò ma tɛ̀yirzɛ na e ŋginyà ya aŋgɔ̀ ò e hvònda ema e ma aka.

Hwègbèèlì 5:28

“I ma e kòkòwɛ̀lɛ̀ nanù ema, e rzi keka lì òkòlɛ̀ eyà ò lìna lì ama ònò mòtò, ndi inyɔ e ma òndìrzɛ̀ e mbòwà ya Jèrurzalɛ̀mù na hwèyòkòlèlì hwe anyu. Ndeŋgànɛ̀lɛ̀ inyɔ ya arza lì òhwa nanù ema irzɔ ndi jò òŋwi ònò mòtò.”

Hwègbèèlì 5:30

È hvònda ema inyɔ e ma kulɛ lì wòmeyà Yerzù ò mbarza, e ma mò òŋwa, Lòohwà la ama i mbamba ja arzu i ma mò hvùmùlɛ̀.

Hwègbèèlì 7:52

O ma hwɛ tɔ̀ mòòhwèlì wà èlìŋgɛ̀ tɔ̀ mɔ̀kɔ ema imbamba ja anyu, i rzi tàkirzɛ̀ e? Wɔ̀ hwà mà òŋwa irzuhwɛlɛ ja ama Lohwɛ̀ ja arzɛ ja kòhwa, ema hwà mà hwɛ lì òhwa lì hvòmɛ̀nɛ̀ hwejèelì hwe ama e mɔ̀ ema a gbèeyà hweyà ema hwe hvòmɛ̀nɛ̀. O naŋgɛ rzɔ inyɔ e ma mò àhwirzɛ̀ na lì mò òŋwa.

Ròmànì 2:12

Hwàŋga hwatò ema hwa rza òhvɛ e mbenda ya ama Mòrzè hwa gbeyà wòhwe. Lohwɛ̀ a ò hwa kàyìrzɛ̀ e rzi hwɛ lì gbeyàna e mbenda, ndèŋgànɛ̀lɛ̀ wɔ̀ hwa ò nyɔ̀ŋgɔ̀, ndèŋgàna hwatò hwa Wònya Yuda ema hwa òhvi e mbenda ya ama Mòrzè rzi hwa gbeyà wòhwe, Lohwɛ̀ a ò gbeyàna èŋge mbenda ò lì hwa kàyìrzɛ̀hwɛ.

Ròmànì 4:17

È tìlahwì ò kaàtì yà Lohwà nanù ema, Lohwɛ̀ à mà òhweyà Abràhamù nanù ema, “Ìmba nà ò gbèyi è tatɛ̀ yà rzayì-rzayì ja hwèkòmè.” O èŋgànɛ̀lɛ̀ ò wòrzò wò ama Lohwɛ̀ Abràhamù ndi à hwèlì e tatɛ̀ hwa arzu. Lòohwà ema Abràhamù a lòkɛ̀, lì hwèlì ndi Lòohwà ema lì ŋgba hwatò ema hwa ŋwelì lòŋgɛ lìŋgi Lohwɛ̀ ema lì hvùmùlɛ̀ɛ è wɔ̀ hwa ŋwelì lòŋgɛ, ndèŋgàna mɔ̀ ndi à òhwa aŋga nanù hwèèmà ema hwe rza enje hwe hwɛ.

1 Tɛ̀rzàlonìyà 2:15

Lòŋgo la hwaŋga hwatò hwa Irzàyɛ̀lì hwà mà oŋwa e Rzàŋgo Yerzù Krirztò, ndèŋgana lòŋgo hwà mà oŋwa hwà-òhwèlì hwa hwèlìŋgɛ̀. Lòŋgo la hwaŋga hwatò hwa Irzàyɛ̀lì hwà mà jo hvaya o mbowà ndɛnɛ ya awu. Wɔ̀ hwa rzi lìŋgìrzɛ Lohwɛ̀, wɔ̀ hwà mà urzuhweya ndi hwatò hwa arzɛ.

1 Pètrò 1:2

Lì hvomɛ̀nɛ̀ hwètɛ̀yìrzèlèlì hwe ama Lohwɛ̀ è Tatɛ̀, mɔ̀ à ma lòma lì è hvɔ̀rzɔ̀. Ndeŋgànɛ̀lɛ̀ è Èlìŋgɛ̀ yà eni è mà è gbeyà ò lì hwɛ hwatò ema hwa rzàŋgì. À mà gbeyà nanù aŋga nanù inyɔ è hwɛ ò lì gbeyà mamɛ ema Yerzù Krirztò à ohwi nanù ema è gbeye. À mà gbeyà nanù aŋga nanù, màyija mà eni emà ma mà rzihweyà ò mbàrza mà gbeyà wòhwe wò anyu wò ò làkìrzɛ̀hwɛ̀. Inyɛ̀ è ndèli nà ɛ̀yɔ̀lɛ̀ yà ama Lohwɛ̀ ema lì ondìrzɛ̀hwɛyi è hwɛ nà inyɔ̀.

1 Pètrò 1:20

Lohwɛ̀ à mà mo hvɔ̀rzɔ̀ ndeŋgàna e rze ye e wekahwa. Ndi mɔ̀ à mà wuluwahwa o mene mèenyà me lìrzùkù o nyòla ya anyu.

1 Pètrò 2:8

Ndeŋgànɛ̀lɛ̀ e tìlahwì hvɛ o ehvɛhvɛ kààti ya Lohwà nanù ema, “Mɔ̀ ndi à hwèlì lìŋyàyi ema lì o nòŋgolɛ hwatò, nàa ewòmɛ ya lìŋyàyi ema e hwa kpìrzɛ. Hwàto hwa nòŋgowa ehwànja hwa rza hweyàna Lohwɛ̀. Nànù ndi Lohwɛ̀ à mà kàkɛ̀nɛ nanù ema e hwa gbèyɛ̀nɛ.”

Judɛ 1:4

Nà ohwa ndi nanù èhwanja lòŋgò là hwatò ema hwa rza hwɛnɛ ɛ̀ɛ̀mɛ̀ yà ama hwatò hwa ama Lohwɛ̀, hwa mà kpèeyà ò ìtììtènì jà anyu ò jùtùtà. Hwaŋga hwatò hwa ohwa nanù ema, è ndèli ema Lohwɛ̀ à mà jò ŋgbɛ, ndèŋganɛlɛ nà oma à mà jò làkìrzɛ̀ wòhwe wò arzu, è mà jò ŋgbàà è wònjà ò lì gbeyà hweyà hwe mbindo. Lohwɛ̀ mɔ̀ à mà màa lì tɛ̀yirzɛ̀ è kɔ̀kìrzɛ̀ ema hwaŋga hwatò hwa ò lùwɛ natɛ̀ɛ nà è kòhwàa. Hwàŋga hwatò hwa rza emelì Yerzù Krirztò na oma è hwèlì nanù ema Yerzù mɛnɛ ndi à hwèlì è Rzàŋgo yà arzu nà è mòkànèlì wà arzu.

Hwèwulùwèlì 13:8

Hwatò hwa arzɛ hwa è rze yà mɔ̀nyɛ̀ hwa ò kanɛ̀ eŋge èembe. Hwàto ema hwa rza ò è kanɛ̀, hwa hwèlì ndi hwaŋga hwatò ema mìinà mà awu mà tìlahwe ò tenì yà è kààtì yà lòŋgɛ ndèŋgànà Lohwɛ̀ à è wèka è rze yà mɔ̀nyɛ̀. È Ŋguma yà Mɔ̀lɛ̀ŋgù ema hwa mà oŋwe, mɔ̀ ndi à hwɛni ene kààtì.