Hwègbèèlì 2:22 - Mokpwe: Bakwery (New Testament)

²² Petrò rzìi a ɛ̀ndɛ̀nɛ̀ e mbɔrzi ò wòrzò rzìi a òhwa nanù ema, “Hwàtò hwa Irzàyɛ̀lì, e òkànèyà kɔ̀yi-kɔ̀yi ò hweyà ema na arza lì òhwa. Lohwɛ̀ à mà gbeyà Yerzù mòtò wa e mbòwa ya Nàrzàrɛ̀tì ò lì gbeyà hweyà hwe ndɛnɛ hwe mànyakà na hwembànèlì ò lì e uŋmɛ̀lɛ̀ nanù ema mɔ̀ ŋmitɛ-ŋmitɛ ndi à mò òmi. Inyɔ hwiti e hwi nanù èhwanja eŋge eyà e ma gbèyɛ̀nɛ ndi ò ìtììtènì ja anyu.

Hwègbèèlì 2:22 Mawu Ofanana

Matiyò 12:28

Ndi na òma na gbeyàna e ŋginyà ya èlìŋgɛ̀ ya ama Lohwɛ̀, ò lì hvaya hwèlìŋgɛ̀ hwe wòhwe ene ŋgàna e uŋmɛ̀lɛ̀ ndi nanù ema lìkànèyà là ama Lohwɛ̀ lì mà jà ò ìtììtènì ja anyu.

Matiyò 2:23

À ɛ̀ndɛ̀ rzi à lìya ò mbòwà ndɛnɛ ema è mà hwɛ̀lɛ̀hwɛ̀ Nàrzàrɛ̀tì. Ene è mà gbèyɛ̀nɛ ndi ò lì òndìrzɛ̀ mamɛ Lohwɛ̀ à mà òhwèyà hwà-òhwèlì hwa hwèlìŋgɛ̀ lì hvòmɛ̀nɛ̀ Yerzù nanù ema, “À ò hwìyɛ̀nɛ ndi nàa mòtò wà Nàrzàrɛ̀tì.”

Matiyò 9:8

Nà òma è ŋgìndì è mà ɛnɛ nanù, hwa mà tùmeyà nà mòkambiya. Rzìi hwa wòteya lì eka Lohwɛ̀, èhwanja mɔ̀ à ŋgbelì hwatò ène tumba wònjà.

Lukàrzɛ̀ 11:20

Ndi nà òmà na gbeyàna ndi è ŋginyà yà ama Lohwɛ̀ ò lì hvayànà hwèlìŋgɛ̀ hwe wòhwe, e uŋmɛ̀lɛ̀ ema Lìkànèyà là ama Lohwɛ̀ lì ma è jèeyà.

Lukàrzɛ̀ 18:37

Hwa mà mò alàhwɛ̀ nanù ema, “Yerzù wà Nàrzàrɛ̀tì mɔ̀ ndì à akaa.”

Lukàrzɛ̀ 24:18

Mɔ̀kɔ wà awù ema à mà hwɛ̀lɛ̀hwɛ̀ Klèyòpàrzì à mà mò ijòwa nanù ema, “Ò hwèlì ndi ŋmɛ̀ni ò ène mbòwà yà Jèrurzalɛ̀mù e? O rza hwi hwenè hweyà hwe àrzɛ ema hwe gbèyɛnɛ menè mèenyà e?”

Yòwanìrzɛ̀ 1:45

Hvìlìpì à mà ɛ̀ndɛ lì arza Nàtànìyɛ̀lì. Rzìi à mò òhweyà nanù ema, “Ì mà lùwa è mòtò ema Mòrzè à mà tile lì hvòmɛ̀nɛ̀ ò e kààtì yà mbenda. Hwà-òhwèlì hwa hwèlìŋgɛ̀ hwa kòhwà wɔhvɛ hwa mà tìla lì mò hvòmɛ̀nɛ̀. Lìinà là eni lì hwèlì ndi Yerzù mòtò wà Nàrzàrɛ̀tì è ŋmanà wà ama Jòrzɛ̀hvù.”

Yòwanìrzɛ̀ 10:37

Nà rza gbèyi tɛ èwòlò ya ama Tatɛ̀, e rzi nò lòkɛ̀.

Yòwanìrzɛ̀ 11:47

Aŋga ndi Ipìlìrzì ndɛnɛ nà Ihvàlìrzàyì ja arzàŋganɛ ò ndòŋgamɛni, hwà mà òhwa nanù ema, “Mamɛ i gbeyà naŋgɛ e? I hwɛni lì gbeyà eyà èhwanja ònò mòtò a gbeyà hweyà rzayi-rzayi hwe mànyakà.

Yòwanìrzɛ̀ 12:17

È ŋgindi ema è mà hwɛ nà Yerzù è hvònda ema à mà hwɛlɛ Làrzàrɔ̀rzì ò rzɔ̀ŋgɔ̀ rzìi à mò timbirzɛ ò lòŋgɛ, wɔ̀ hwa mà hwɛ lì nyàlirzɛ̀ meŋge meyàŋgò.

Yòwanìrzɛ̀ 15:24

Imba na rzi gbeeye tɛ lòŋgò la hweyà ò ìtììtènì ja awu ema tɔ̀ mòtò a rzi gbeyi ò ma wòhwe wò awu, me rzi wuluwahwe. Ndi ò nàŋgɛ hwà mà ɛnɛ hweyà hwe arzɛ ema nà mà gbeye ndì tɔ̀ nanù hwa nò kɔwu ndèŋgànɛlɛ hwa kɔwu hvɛ Tatɛ̀ wa ami.

Yòwanìrzɛ̀ 19:19

Pìlatò rzìi à tìla mòtìla ò ehwambò rzìi à è wòmeyà ò mbarza, ò ŋmanyu teŋyi lì aka èki ema mòòhvò mò ama Yerzù mò mà hwɛ. Mòtìla mò mà hwɛ nanù ema, “Yerzù mòtò wà è mbòwa yà Nàrzarɛ̀tì è Kìŋgɛ yà wònyà Yudà.”

Yòwanìrzɛ̀ 3:2

Wuu wɔ̀kɔ à mà ɛ̀ndɛ lì ùŋmanɛlɛ Yerzù rzìi a mò òhweyà nanù ema, “Ìi Mòòkòlèlì, irzɔ i hwi nanù ema ò hwèlì ndi Mòòkòlèlì ema a òmahwi na Lohwɛ̀. O rza enje tɔ̀ mòtò tɔ̀ mɔ̀kɔ ema a tànɛyi lì gbeyà manù mànyakà ma arzɛ ema ò gbeyà e hwèlì tɛ ema Lohwɛ̀ a rza enje na mɔ̀.”

Yòwanìrzɛ̀ 4:48

Yerzù rzìi à mò òhweyà nanù ema, “È rza lòkɛ̀! Nàtɛ̀ɛ inyɔ hwanù hwatò è ɛnɛ hwèèmbànèlì nà mànyàka.”

Yòwanìrzɛ̀ 5:36

Ndi na hwɛni mbòŋgi ema e karzami lì aka Yòwanìrzɛ̀. Èwòlò ema Tatɛ̀ wa ami a nò ŋgbelì ò lì e gbeyàna lì e kulɛ, yɔ yiti ndi e nò tɛmelì mbòŋgi ema Tatɛ̀ wa ami ndi à na òmi.

Yòwanìrzɛ̀ 6:14

Nà òma hwaŋga hwatò hwà mà ɛnɛ manù mànyakà ma eyà ema Yerzù à mà gbeye rzìi hwa òhwa nanù ema, “O tɛ̀ɛtɛ̀ɛ e Mòòhwèlì wà èlìŋgɛ̀ ònò ema hwà mà òhwe ema a jà ò rze.”

Yòwanìrzɛ̀ 6:27

È rza atàkìrzɛ̀ ò mòlelì ema mò hvaŋgeyà, ndi è atàkìrzɛ̀ ndi ò mòlelì ema mò ò hwɛ̀ɛ natɛ̀ɛ na ò gbìndèyà mòŋgò mòlelì ndi mò ŋgba lòŋgɛ ema lì rza kuwa. Mòŋgò mòlelì ndi è Ŋmanà wà è Mòtò wà Hwènàmà a ò e ŋgba. Mɔ̀ ndi Tatɛ̀ Lohwɛ̀ à mà ika èèmbanelì ò lì gbeyà nanù.”

Yòwanìrzɛ̀ 7:31

Ndi tɔ̀ nanù rzayì-rzayì ja hwatò ò ìtììtènì ja èŋge ŋgìndì hwa mà mò lòkɛ̀. Wɔ̀ hwà mà hwɛ lì òhwa nanù ema, “È Mɔ̀ ema a Ɔ̀kirzɛ̀hwɛ̀yi a jelì tɛ, a ò gbeyà hwèmbànèlì hwe mànyakà ema hwe ò aka hwenè hweyà ema ònò mòtò amà gbeyà e?”

Yòwanìrzɛ̀ 9:33

Onò mòtò ema a nò wɔ̀wìrzɛ̀yi a rzi hwɛ tɛ mòtò wa Lohwà òma a rza tànɛyi lì gbeyà ene nyayi ya eyà.”

Hwègbèèlì 13:16

Pàwolò à mà tɛ̀mɛ̀ ò ŋmanyu, a rzekɛlɛ hwatò lìya ò lì hwɛmɛ mɔtɔwu mò awu, rzìi a wòteya lì òhwa eyà. A ma òhwa nanù ema, “Wònyàmòwe hwa Irzàyɛ̀lì na inyɔ hwatò ema e rza enje wònyà Yudà ema e gbèeyà Lohwɛ̀, e nò òkànèyà.

Hwègbèèlì 14:27

Nà òma wɔ̀ hwà mà uke ò mbòwa ndɛnɛ ya Antìyɔ̀kì, wɔ̀ hwà mà rzaŋga hwatò hwa ŋmèmba èki yɔ̀kɔ rzìi hwà hwa òhweyà mamɛ ya arzɛ ema Lohwɛ̀ à mà gbèyɛ lì akeyà na wɔ̀. Wɔ hwà mà hwa òhweyà nɛ Lohwɛ̀ à mà lìhvòweya e njiya ò hwatò ema hwa rza enje wònyà Yudà, ò lì lòkɛ̀ Yerzù.

Hwègbèèlì 2:19

Imba na ò uŋmɛ̀lɛ̀ hweyà hwe mànyakà ò ŋmanyu yà lohwà, ndèŋgànɛ̀lɛ̀ na uŋmɛ̀lɛ̀ hwembànèlì ò rze ya mɔ̀nyɛ̀. Màyìjà mò ò rzòweya, mùnya mò òŋwa na yutùtù hvɛ e wurza.

Hwègbèèlì 2:43

Tɔ̀ ima mòtò à mà jeja, ò nyòla rzayi-rzayi ja hweyà hwe mànyakà na hwembànèlì ema i àpɔ̀rzìtòlò i ma gbeye.

Hwègbèèlì 21:28

Hwa a tɛɛ nanù ema, “Ìi wònyàmòwè hwa Irzàyɛ̀lì, e jò òŋgòwane! È mòtò ònò ema a òkòlɛ hwatò hwa arzɛ ò hweki hwe arzɛ nanù ema hwatò hwa Irzàyɛ̀lì, e mbenda ya ama Mòrzè na e ndawò yà Lohwà hwe rza enje tɔ̀ eyà. Tɔ̀ nàŋgɛ nanù, mɔ̀ à mà jànà lòŋgò la hwatò ema hwa rza enje wònyà Yudà ò tenì ya e ndawò yà Lohwà ndèŋgànà eŋge eyà e ma gbeyà e ndawò yà Lohwà e rza rzàŋgi hvɛ.”

Hwègbèèlì 22:8

Nà mà ijòwa nanù ema, ‘Ìi Rzàŋgò, ò wà ò hwèlì ndi njɛnɛ e?’ À mà nò alàhwɛ nanù ema, ‘Imba nà hwèlì ndi Yerzù wà Nàrzàrɛ̀tì ema ò tàkìrzɛ̀.’

Hwègbèèlì 24:5

Irzɔ i luu nanù ema ònò mòtò a hwɛ̀lɛ̀hwɛ̀ɛ Pàwolò a hwèlì ndi mòtò hwa mòhvùŋgu, ndeŋgànɛlɛ mɔ̀ à tinɛlɛ mòhvùŋgu ò tenì ya wònyà Yudà hwa arzɛ ò e rze ya arzɛ. Ndèŋgànɛlɛ mɔ̀ à hwèlì ndi mòtìmbèlì mɔ̀kɔ wa ehvehva ya Nàrzàlɛ̀nì.

Hwègbèèlì 26:26

Kìŋgɛ̀ Agrìpa kòkò, na tànɛyi na ò òhwìrzɛ̀nɛ̀ na e kumba ehwànja na hwi nanù ema ò rzɔ̀ŋgitɛ̀nɛyi hwene hweyà hwe arzɛ. Nà lòkɛ̀ nanù ema ò rzɔ̀ŋgìtɛ̀nɛ̀ hweyà hwe arzɛ ema hwe ma gbèyɛ̀nɛ. Èhwànja hweyà ema hwe gbèyɛ̀nɛyi hwe rza gbèyɛ̀nɛyi ndi ò jututa.

Hwègbèèlì 26:9

Imba mbiti nà mà keka ò lì arza ŋmànò ò lì hvàŋga lìinà la ama Yerzù mòtò wa Nàrzàrɛ̀tì.

Hwègbèèlì 3:12

Nà òmà Pètrò à mà ɛnɛ hwanu hwatò, rzìi a hwa òhweyà nanù ema, “Ìi wònyà Irzàyɛ̀lì mamɛ ndèŋgàtɛ ene eyà ye tàmìrzɛ̀ nanù e? Mamɛ ndèŋgàtɛ e jò ɔ̀ŋgɔ nanù e? È ɔ̀ŋgɛ̀lɛ̀ ndi nanù ema ò e ŋginyà ya arzu tɔ̀ èhwanja i rzaŋgi ò wòrzò wò ama Lohwɛ̀, ɔ̀ndeŋgàtɛ̀ i wɔ̀wìrzɛ̀ ònò mòtò ema a ɛndɛ e?”

Hwègbèèlì 3:6

Ndi Pètrò à mà mò òhweyà nanù ema, “Nà rza òhvi tɔ̀ kahvà ò lì ò ŋgba. Ndi na ò ŋgbà mamɛ ema imba na òhvi. O lìna la ama Yerzù Krirztò mòtò wa Nàrzàrɛ̀tì tɛ̀mɛ̀nɛ ò ŋmanyu ò ɛ̀ndɛ!”

Hwègbèèlì 4:10

inyɔ hwatò hwa arzɛ hwa Irzàyɛ̀lì e hwiye rzɔ ndi nanù ema, ònò mòtò ema a e tɛmelì ò wòrzò à mà wɔ̀wìrzɛ̀hwɛ ndi na e ŋginyà ema e hwèlì ò lìna la ama Yerzù Krirztò, mòtò wa Nàrzàrɛ̀tì. È ma wòmeyà ò mbarza, ndi Lohwɛ̀ à mà mò hvùmùlɛ ò kpelì.

Hwègbèèlì 5:35

Aŋga ndi à mà òhweyà wòlìya nanù ema, “Wònyàmòwe kòkò hwa wònyà Irzàyɛ̀lì, è aŋgòwe ò mamɛ ema è arza lì gbeyàna hwanù hwatò.

Hwègbèèlì 6:14

I ma mò hwèya a òhwa nanù ema ònò Yerzù wa Nàrzàrɛ̀tì a rzuulɛ ene Ndawò yà Lohwà a eŋgòwa hvɛ hwɛ̀ɛ̀mɛ̀ hwe arzu ema hwe jò ŋgbàahwì na Mòrzè.”

2 Kɔ̀rintìyà 12:12

È hvonda nà mà hwɛ na inyɔ nà mà àjùlɛ̀ o lì e uŋmɛ̀lɛ̀ hwèmɛ̀nɛ̀nì ndèŋgànɛlɛ nà mà gbeyà hweyà hwe mànyakà hwe ndɛnɛ o lì uŋmɛ̀lɛ̀ nanù ema na hwèlì ndi àpɔ̀rzìtòlò ema Lohwɛ̀ a omi.

Hibrù 2:4

Lohwɛ̀ mɔ̀ ŋmìti hvɛ à mà uŋmɛ̀lɛ̀ nanù ema hwene hweyà hwe hwèlì ndi e jɔ̀kɛ̀ na oma à mà gbeyàna hwahvɛhvɛ hwatò ò lì uŋmɛ̀lɛ̀ hwatò hwèmɛ̀nɛ̀nì na hwèèmbànèlì hwe mànyàka. Mɔ̀ à mà uŋmɛ̀lɛ̀ hvɛ na hweyà ema hwatò hwà mà hwɛ lì gbeyà lì akeyà na màyìmbi ma Èlìŋgɛ̀ yà Wòtani ema Lohwɛ̀ à mà hwa ŋgbe. Lohwɛ̀ à mà ŋgba hwatò Èlìŋgɛ̀ yà Wòtani na oma mɔ̀ à mà lìŋgàne.