Hwègbèèlì 2:2 - Mokpwe: Bakwery (New Testament)

² O lìwòkimɛnɛ mɔ̀tɔ̀wù mò ma uwɛ̀lɛ̀lɛ̀yi ò ŋmanyu ya lohwà. È ma hwɛ ndi nàa mbɛ̀hvɛ̀nì ndɛnɛ ema e ma hwɛ lì aka. Rzìi mò ònda e ndawò ya arzɛ ema hwà mà hwɛ.

Hwègbèèlì 2:2 Mawu Ofanana

Lukàrzɛ̀ 2:13

O wòtɛmɛ̀tɛmɛ̀, ò mà uhweyà mòndèŋge mò ndɛnɛ̀, mò aŋgèlì ò ŋmanyu ema mò ma wurza lì ùŋma èŋge aŋgèlì, rzìi hwa wòteya ò lì eka Lohwɛ̀ nanù ema,

Yòwanìrzɛ̀ 3:8

È mbɛ̀hvɛ̀nì è uŋgɛlɛ èki ema è lìŋgàni. È hwèya nà òma è uŋgɛ̀lɛ̀ ndi è rza tànɛyi lì hwiya òne è uhwɛlɛlɛyi tɔ̀ òne è ɛndɛ. Nànù ndi è hwèlì hvɛ nà tɔ̀ ima mɔ̀ ema à ŋyààhwì nà Èlìŋgɛ̀ yà ama Lohwɛ̀.”

Hwègbèèlì 2:3

Aŋga ndi wɔ̀ hwà mà ɛnɛ hwema nàa mùnya ema mò ma ayèkɛnɛ̀ mekakò me tɛmi ò mèyòhvò me tɔ̀ ima mòtò.

Hwègbèèlì 2:6

Nà òma wɔ̀ hwà mà hweye mònò mɔtɔwu, ŋgindi ndɛnɛ ya hwatò e ma arzaŋganɛ ò eŋge èki ema hwalòkelì hwà mà hwɛ. Tɔ̀ ima mɔ̀ wa awu à mà jeja èhwanja na òma hwàlòkèlì hwà mà hwɛ lì òhwa, wɔ̀ hwa arzɛ hwà mà emba imbɔrzi ja awu ja mbòwa.

Hwègbèèlì 4:31

Nà òma hwà mà kulɛ ò lì kanɛ̀, èki ema hwà mà taneya e ma nyiŋgà. Wɔ̀ hwa arzɛ hwà mà òndìrzɛ̀hwɛ na Èlìŋgɛ̀ yà Wòtani rzìi hwa wòteyà lì òhwa eyà ya Lohwà e rzi hwɛ lì òka wɔ̀ŋgɔ̀.

1 Pètrò 1:12

Lohwɛ̀ à mà wùluhweyà hwanù hwà-òhwèlì hwa hwèlìŋgɛ̀ nanù ema èwòlò ya awu ema hwa gbeyà, e rza o hwa lùhwìrzɛ̀ tɔ mɔ̀rzɛ̀ŋgì ndi e hwèlì ndi èwòlò ya anyu. Lohwɛ̀ à mà omeya hwatò Èlìŋgɛ̀ yà Wòtani ema e ma uwɛ̀lɛ̀lɛ̀yi o ŋmanyu yà lohwà. Èŋge Èlìŋgɛ̀ ndi e ma gbeyà ndèŋgànà loŋgo la hwatò hwa e ohwa Ŋmɛ̀ndì mò Gbamù, ema inyɔ e hweyà yawono. Hwene hweyà hweyɔ ndi Hwà-òhwèlì hwà mà ohwe. Tɔ̀ i aŋgèlì jo hwiti jo òkeya o lì hwiya hwene hweyà.