Hwègbèèlì 2:11 - Mokpwe: Bakwery (New Testament)

¹¹ O ìtììtènì ja hwanu hwatò hwa arzɛ, lòŋgò hwa uwɛ̀lɛ̀lɛ̀yi ndi ò mòtende mò wònyà Yudà hwanɛyi hvɛ hwa hwèlì ndi hwatò ema hwa rza enje wònyà Yudà, ndi hwa òŋgami lìlòkɛ̀ là wònyà Yudà. Lòŋgò la arzu jò uwɛ̀lɛ̀lɛ̀yi ndi ò èkòmè ya Krɛ̀tɛ na ò èkòmè ya Arèbìyà, ndi tɔ̀ nanù, tɔ̀ ima mɔ̀ wa arzu a hwèya na òma hwa òhwa ò imbɔrzi ja arzu hweyà hwe ndɛnɛ ema Lohwɛ̀ à mà gbeyɛ.”

Hwègbèèlì 2:11 Mawu Ofanana

Hwègbèèlì 2:10

ò hwèkòmè hwe Hvrìgìyà na Pàmhvilìya, ò èkòmè ya Ìjiptò na lòŋgò la hwèhvàrzù ò èkòmè ya Lìbiya, ò tòŋgòŋgò ya Rzirènè, lòŋgò la hwa irzɔ jò uwɛ̀lɛ̀lɛ̀yi ndi ò mbòwa ya Ròmànì.

Hwègbèèlì 2:12

O lì jeja la awu na hwètàmirzelì rzìi hwa a ijòwanɛ mɔ̀kɔ na ɔ̀nɛyi nanù ema, “Mamɛ e hwèlì jànda ja enè eyà e?”

Hwègbèèlì 27:12

Èŋge èki ema melì me ŋmànja me ma hwɛ e rzi hwɛ ndi èki ema hwatò hwà mà kànɛyi lì hwɛ e hvònda ema e mbɛ̀hvɛ̀nì e uŋgɛlɛ. O eŋgànɛ̀lɛ̀ rzɔ̀, hwatò ema hwà mà kòka hwà mà hwɛ ndi hwaŋga ema hwà mà lìŋgàna nanù ema hwa ɛ̀ndɛ̀nɛ̀ ndi yɔ̀ndɔ ò wòrzò ò lì keka lì uka ò e mbòwa ndɛnɛ ya Hvɔ̀nìrzì. Hvɔ̀nìrzì à mà hwɛ ndi èki ema hwà mà hwɛ lì rzɛ̀lɛ melì me ŋmànja ò erzòòkà ya Klɛ̀tì. Klɛ̀tì ema à mà hwɛ lì ɔ̀ŋgɔ e rzàawà ya lɛlu na e ya mbɛ̀ŋgɛ. Aŋga ndi hwà mà tànɛyi lì lìya ò e hvònda ya yùulùlì ndɛnɛ.

Hwègbèèlì 27:13

Ŋmanà mbɛ̀hvɛ̀nì ema e ma uwɛ̀lɛ̀lɛ̀yi mbɛŋgɛ e ma wòteyà lì aka. Rzìi hwaŋga hwatò hwa lùtèyà nanù ema hwa tànɛyi hwa ɛndɛ ò wòrzò na ŋmànò mò awu. O eŋgànɛlɛ wɔ̀ hwà mà rzìima mìiyò ma awu ò tenì ya melì me ŋmànja rzìi hwa ɛ̀ndɛ̀nɛ̀ yɔ̀ndɔ̀ ya awu ya màlìhwa lì akeyà ò tòŋgòŋgò ò lì uka ò erzòòkà ya Klɛti.

Hwègbèèlì 27:7

Lìwòteya aŋga, yɔ̀ndɔ ya meŋge melì me ŋmànja e ma hwɛ ndi hviyayi-hviyayi ndèŋgànɛlɛ rzàyi-rzàyi ja mèenyà me ma aka ndèŋgana je òhwa nanù ema i ma uka ò e mbòwa ndɛnɛ ya Rznìdùrzì. Kànàtɛ e mbɛ̀hvɛ̀nì e ma hwɛ ndi lì jò uŋgɛlɛlɛ ò wòrzò, i rzi tànɛ lì ɛndɛ ò wòrzò ò eŋge èhvàrzù. O eŋgànɛlɛ, i ma akeyà ndi ò tòŋgòŋgò ò lì ɔ̀ndɔ̀ ò èhvàrzù ema e mbɛ̀hvɛ̀nì e rzi imbamɛ. I ma akeyà lì akeyà ò Kepi Rzàlmɔ̀nì ò lì uka ò erzòòkà ya Klɛti ema e ma hwɛ ndi yòndi.

1 Kɔ̀rintìyà 12:10

Rzi Èlìŋgɛ̀ e ŋgbaà hvɛ mòtò mɔ̀kɔ, e ŋginyà ya lì gbeyà hweyà hwe mànyakà, rzi a ŋgbaà ɔhvɛ làhweyà la lì ohwa ŋmɛ̀ndì mo Lohwà. O ma ohvɛhvɛ mòtò, èlìŋgɛ̀ yà wòtani e ŋgba e ŋgilì ya lì rzɔ̀ŋgìtɛ̀nɛ̀ màahweyà ema mà uwɛ̀lɛ̀lɛ̀yi o èlìŋgɛ̀ yà wòtani, na e lɔ̀wu ema lì rza uwɛ̀lɛ̀lɛ̀yi o èlìŋgɛ̀ yà wòtani. Èŋge èlìŋgɛ̀ mɛnɛ e ŋgba mòtò mɔ̀kɔ lìhwiyè la lì ohwa ihvɛhvɛ mbɔrzi, e ŋgba ohvɛhvɛ mòtò lìhwiyè o lì tikowa mamɛ hwaŋga hwatò hwa ohwa.

1 Kɔ̀rintìyà 12:28

Lohwɛ̀ à mà ŋgba hwatò hwehvɛhvɛ hwèwòlò ò tenì ya mìitelì. A ma loma lì ika lòŋgo la hwatò i Àpɔ̀rzìtòlò. O mburzà nanù, a hvɔ̀rzɔ̀ hvɛ hwà-òhwèlì hwa hwèlìŋgɛ̀. Ndèŋgana a e hvɔ̀rzɔ̀ hvɛ Hwà-òkòwèlì. Ndèŋgana a e hvɔ̀rzɔ̀ hwatò ema hwa gbeyà hweyà hwe mànyakà. Rzi a hvɔ̀rzɔ̀ hvɛ hwatò ema hwa òŋgòwàna hwanɛ̀yi hwatò. A ma hvɔ̀rzɔ̀ hwatò ema hwà mà hwɛnɛ lìhwiyè la lì tìmba hwahvɛhvɛ hwatò. Rzi a hvɔ̀rzɔ̀ hvɛ hwatò ema hwa ohwa ihvɛhvɛ mbɔrzi.

Gàletìyà 1:17

Nà rzi ɛndɛ hvɛ tɔ̀ o Jèrurzalɛ̀mù lì ɛnɛ hvɛ tɔ̀ hwaŋga ema hwà mà loma lì hwɛ i àpɔ̀rzìtòlò ndeŋgànɛ̀lɛ̀ imba na e hwɛ mɔ̀kɔ. Ndi nà mà ɛndɛ ndi ŋgelì hvɔ̀kɔ o erzòokà ya Arèbìyà, rzìi na timba hvɛ o mbowà ndɛnɛ ya Dàmàrzkɔ̀rzì.

Gàletìyà 4:25

Haga à hwèlì ndi nàa yòòmbò ema Lohwɛ̀ à mà ààtɛ̀ nà Morzè ò hvàko yà Rzìnàyì ò èkòmè ya Arèbìyà. Hwatò hwa Jèrurzalɛ̀mù wɔ̀ hvɛ hwa gbèyi ndi nàa Haga èhwanja wɔ̀ hwa arzɛ hwa hwèlì ndi hwàkomè.

Tàyìtùrzì 1:12

Mòòhwèlì mɔ̀kɔ wa èlìŋgɛ̀ wa kowàa o èkomè ya Krɛ̀tɛ à mà ohwa nanù ema, “Hwàto hwa Krɛ̀tɛ hwa kɔɔ hweyà ihvonda ja arzɛ. Wɔ̀ hwa hwèlì wɔ̀ɔ̀ na ɛkɔ̀ni, hwa hwèlì ndi hwatò hwa rziŋga ema hwa ondi na njɔ̀ŋgu.”

Tàyìtùrzì 1:5

Ìi Tàyìtùrzì, nà mà ò lììya ò mbowà yà Krɛ̀tɛ aŋga nanù ò wà ò tànɛ lì tɛ̀yirzɛ mamɛ ema è rzi kulɛ̀hwɛ ò lì gbeyàhwa, ndèŋganɛlɛ ò lì hvɔ̀rzɔ̀ hwàtìmbèlì hwa mèèmbà ò tɔ̀ ima mbowà. Ò rzi hvoŋga ò lì gbeyà nà oma imba nà mà ò ohweyà ò lì gbeyà.

Hibrù 2:4

Lohwɛ̀ mɔ̀ ŋmìti hvɛ à mà uŋmɛ̀lɛ̀ nanù ema hwene hweyà hwe hwèlì ndi e jɔ̀kɛ̀ na oma à mà gbeyàna hwahvɛhvɛ hwatò ò lì uŋmɛ̀lɛ̀ hwatò hwèmɛ̀nɛ̀nì na hwèèmbànèlì hwe mànyàka. Mɔ̀ à mà uŋmɛ̀lɛ̀ hvɛ na hweyà ema hwatò hwà mà hwɛ lì gbeyà lì akeyà na màyìmbi ma Èlìŋgɛ̀ yà Wòtani ema Lohwɛ̀ à mà hwa ŋgbe. Lohwɛ̀ à mà ŋgba hwatò Èlìŋgɛ̀ yà Wòtani na oma mɔ̀ à mà lìŋgàne.