Hwègbèèlì 2:10 - Mokpwe: Bakwery (New Testament)

¹⁰ ò hwèkòmè hwe Hvrìgìyà na Pàmhvilìya, ò èkòmè ya Ìjiptò na lòŋgò la hwèhvàrzù ò èkòmè ya Lìbiya, ò tòŋgòŋgò ya Rzirènè, lòŋgò la hwa irzɔ jò uwɛ̀lɛ̀lɛ̀yi ndi ò mbòwa ya Ròmànì.

Hwègbèèlì 2:10 Mawu Ofanana

Matiyò 2:15

Hwa mà lìya aŋga natɛ̀ɛ Hɛ̀rɔ̀dì à ŋwa. Hwenè hwe arzɛ hwe mà gbèyɛ̀nɛ ò lì òndìrzɛ̀ è mbɔrzi ema Tatɛ̀ à mà òme è mòòhwèlì wà èlìŋgɛ̀ ò lì òhwa nanù ema, “Ò Ìjiptò ndi nà hwɛlɛ è ŋmanà wà ami.”

Matiyò 23:15

Mòjèmà na inyɔ Hwà-òkòlèlì hwa mbenda na inyɔ Hvàlìrzàyì, e hwèlì ndi hwatò hwa mèhvìlì! È lìŋgòwa ò èkòmè yɔ̀kɔ tɛ na enɛyi aŋga nanù e lùwa mòtò mɔ̀kɔ ema a tànɛyi lì e lata. Ndi mɔ̀ à e lati tɛ, inyɔ e mò hvaŋga nyayi ema mɔ̀ à hwɛni lì luwa kɔ̀kìrzɛ̀ ya ŋgelì ihwàkɛ ya mùùnya ema mò rza lìma lì aka tɔ̀ inyɔ.

Matiyò 27:32

Nà òma hwà mà wurze lì ɛ̀ndɛ rzìi hwa taneya mòtò mɔ̀kɔ ema à mà uhwɛlɛlɛ ò mbòwa ya Rzilenì ema à ma hwɛ̀lɛ̀hwɛ̀ Rzìmɔ̀nì. Hwà mà mò tìnɛlɛ ò lì hwanɛ̀ è mbarza ya ama Yerzù na lì mò nɔ̀ŋgɔ ò mburza.

Makòrzì 15:21

È hvònda hwa mà hwɛ lì ɛ̀ndɛ, hwa mà ùŋmanɛ̀lɛ mòtò mɔ̀kɔ à ma uhwɛlɛlɛ ò mbòwà ya Rzilìni, hwa mà mò hwɛlɛ ndi Rzìmɔ̀nì. Rzìmɔ̀nì à mà hwɛ ndi è rzàŋgò yà ama Àlɛ̀rzanda na Lùhvɔ̀rzì. Rzìmɔ̀nì à mà hwɛ lì aka ò lì kpèeyà ò mbòwà, rzìi hwa mò lɛ̀mbɛ, hwa mò kànèyà ò lì hwanɛ̀ è mbàrza yà ama Yerzù.

Hwègbèèlì 11:20

Ndi tɔ̀ nanù, lòŋgò la hwàlòkèlì ema hwà mà uwɛ̀lɛ̀lɛ̀yi ò mbòwa ya Rzàyìprɔ̀rzì na Rzìlènè, hwà mà ɛ̀ndɛ ò mbòwà ya Antìyɔ̀kì, hwà mà hwɛ lì òhweyà hvɛ hwatò hwa Grìki, na ò lì hwa òhweyà ŋmɛ̀ndì mò gbamù lì hvòmɛ̀nɛ̀ e Rzàŋgò Yerzù.

Hwègbèèlì 13:1

O ŋmèmba ema mò hwèlì ò Antìyɔ̀kì lòŋgò la hwà-òhwèlì hwa hwèlìŋgɛ̀ na hwà-òkòlèlì hwà mà hwɛ aŋga. Hwàŋga hwatò hwà mà hwɛ ndi Bànàbàrzì, Rzimɔ̀nì (à mà hwɛ̀lɛ̀hwɛ̀ e Ŋmindò), Lùrzìyùrzì (ema à mà uwɛ̀lɛ̀lɛ̀yi ò Rzìlènè), Manayene (ema wɔ̀ na Hɛ̀rɔ̀dì e Gɔ̀winà hwà mà òŋgɛnɛ ekì yɔ̀kɔ), na Rzàwòlò.

Hwègbèèlì 13:13

Pàwolò na imbunda ja eni hwà mà kpèeyà ò wɔ̀lɔ̀ ò Pàhvɔ̀rzì hwa lùuka natɛ̀ɛ hwa uka e mbòwa ya Pɛ̀ga, ò erzòòkà ya Pàmhvilìyà. Ndi Yòwanìrzɛ̀ Màkòrzì à mà hwa lìya aŋga a tìmba e ye eni ò Jèrurzalɛ̀mù.

Hwègbèèlì 13:43

È hvònda ema hwaŋga hwatò hwà mà wurze ò màkanɛ̀, rzayì-rzayì ja wònyà Yudà na hwaŋga hwatò ema hwa rza enje wònyà Yudà ema hwà mà tikòwahwɛ ò lì lòkɛ̀ la wònyà Yudà, hwà mà òŋgamà Pàwolò na Bànàbàrzì. Pàwolò na Bànàbàrzì hwà mà hwa òhwìrzɛ̀nɛ̀ rzìi hwa hwà kɔ̀mɛlɛ nanù ema hwa hwɛ ndi ò lì lòkɛ̀ e ndèli ya ama Lohwɛ̀.

Hwègbèèlì 14:24

È hvònda hwà mà akeyà ò ìtììtènì ja erzòòkà ya Pìrzìdìyà, rzìi hwa uka ò erzòòkà ya Pàmhvilìya.

Hwègbèèlì 15:38

Ndi Pàwolò à mà rzɔ̀rzɔ̀ na ŋginyà èhwanja Yòwanìrzɛ̀ Màkòrzì à mà lòma lì hwa kìnyɛ̀lɛ̀ ò mbòwa ndɛnɛ ya Pàmhvilìya ndèŋgànà hwa e kulɛ èwòlò.

Hwègbèèlì 16:6

Pàwolò na mòndeŋge mò eni hwà mà akeyà hwèrzòòkà hwe Hvrigèyà na Gàlèrzìyà, èhwanja Èlìŋgɛ̀ yà Wòtani ema hwa keka nanù ema hwa rzi keka lì òhwa eyà ya Lohwà ò erzòòkà ya arzɛ ya Èrzìyà.

Hwègbèèlì 17:21

Èhwanja i wònja ja arzɛ ja e mbòwa ndɛnɛ ya Atɛ̀nrzì na hwàyɛ̀nì hwa hwatò ema hwà mà lìya aŋga, hwà mà lìŋgàna ò lì akɛlɛ e hvònda ya awu ya arzɛ ò lì òhwa na ò lì òkànèyà màlùtèyà ma hvènya.

Hwègbèèlì 18:2

Nà òma à mà uke aŋga à mà ùŋmanɛlɛ mòtò wa wònyà Yudà ema à mà hwɛ̀lɛ̀hwɛ̀ Akwìlà. Akwìlà à mà ŋyàhwɛlɛ ndi ò mbòwà ndɛnɛ ya Pòntìyùrzì. Mɔ̀ à mà uwɛ̀lɛ̀lɛ̀yi ndi mòhvènya ò èkòmè ya Itàlì na e jòjìyɛ̀ ya eni Prìrzìlà. Wɔ̀ hwà mà anjiya ò Itàlì ehwànja e Kàyirza ya Ròmànì, Klàwùdìyùrzì à mà akɛlɛ njàmbɛ̀ ama hwatò hwa arzɛ ema hwa hwèlì wònyà Yudà, hwa anjiye ò èkòmè ya Ròme. Pàwolò à mà ɛ̀ndɛ lì ɛnɛ Akwìlà na jòjìyɛ̀ wa eni.

Hwègbèèlì 18:23

O mburzà ya hvònda ema à mà hvaŋge hvònda ò mbòwa ndɛnɛ ya Antìyɔ̀kì, Pàwolò rzìi a anjiya aŋga, rzìi a ɛ̀ndɛ ò hwèrzòòkà hwe Gàlèrzìyà na Hvrìgèyà ò lì kòkòwɛ̀lɛ̀ na lì ètìrzɛ̀ hwàlòkèlì hwa arzɛ.

Hwègbèèlì 2:11

O ìtììtènì ja hwanu hwatò hwa arzɛ, lòŋgò hwa uwɛ̀lɛ̀lɛ̀yi ndi ò mòtende mò wònyà Yudà hwanɛyi hvɛ hwa hwèlì ndi hwatò ema hwa rza enje wònyà Yudà, ndi hwa òŋgami lìlòkɛ̀ là wònyà Yudà. Lòŋgò la arzu jò uwɛ̀lɛ̀lɛ̀yi ndi ò èkòmè ya Krɛ̀tɛ na ò èkòmè ya Arèbìyà, ndi tɔ̀ nanù, tɔ̀ ima mɔ̀ wa arzu a hwèya na òma hwa òhwa ò imbɔrzi ja arzu hweyà hwe ndɛnɛ ema Lohwɛ̀ à mà gbeyɛ.”

Hwègbèèlì 23:11

O wòŋgò wuu, Rzàŋgò à mà tɛmeya Pàwolò ò tòŋgòŋgò rzìi a mò òhweyà nanù ema, “O rza òka wɔ̀ŋgɔ̀! Èhwànja e ŋgànà ema ò nò tɛmelì e mbòŋgi ò ene mbòwa ya Jèrurzalɛ̀mù, nanù mɛnɛ hvɛ ndi ò hwɛni lì nò tɛmeya e mbòŋgi ò èkòmè ya Ròmànì.”

Hwègbèèlì 27:5

Rzìi i hwɛmɛ e rzàawà ya hwèrzòòkà hwe Rzìlirzìyà na Pàmhvilìyà rzìi ja aka ŋmàanja ndèŋgànà irzɔ je uka e mbòwa ndɛnɛ ya Mila ò erzòòkà ya Lìrzìyà.

Hwègbèèlì 28:15

Wònyamòwè hwa Krirztò hwà mà hweyà nanù ema i hwèlì i jà, ò eŋgànɛlɛ hwà mà uka natɛ̀ɛ na ò èki ema e hwɛ̀lɛ̀hwɛ̀ èlùwà ya ama Apìyùrzì hwahvɛhvɛ hwà mà jò ambɛlɛlɛ ò èki ema e hwɛ̀lɛ̀hwɛ̀ e Ndawò ya Hwàyɛ̀ni Hwàyàwò. Nà òma Pàwolò à mà hwa ɛnɛ, à mà eka Lohwɛ̀ rzìi a ètìrzɛ̀ mèèmà mò eni.

Hwègbèèlì 6:5

Ène eyà ema I àpɔ̀rzìtòlò i ma òhwe e ma lìŋgìrzɛ e ŋgìndì ya arzɛ. Aŋga ndi hwa a hvɔ̀rzɔ̀ Rzìtehvànɛ mɔ̀kɔ ema à mà òhva lìlòkɛ̀ la ŋginyà à mà ònda hvɛ na Èlìŋgɛ̀ yà Wòtani, hwà mà hvɔ̀rzɔ̀ hvɛ Hvìlìpì, Pròkòrùrzì, Nìkanò, Tìmɔ̀nɛ̀, Pàmɛ̀nàrzì na Nìkòlàrzì. Nìkòlàrzì à mà uwɛ̀lɛ̀lɛ̀yi ndi ò mbòwa ya Antìyɔ̀kì a rzi hwɛ ndi mòtò wà Yudà, ndi à mà òŋgama lìlòkɛ̀ la wònyà Yudà.

Hwègbèèlì 6:9

Ndi lòŋgò la hwatò hwà mà wòteyà lì tɔ̀wɔ na mɔ̀. Hwàŋga hwatò hwà mà hwɛ ndi hwatò ema hwà mà uwɛ̀lɛ̀lɛ̀yi ò e ŋgindi ya hwatò ema hwɛ lì ɛndɛ ò e ndawò ya màkànɛ ŋgɛ̀lɛŋgɛlɛ ema e ma hwɛ̀lɛ̀hwɛ̀ ndi e ndawò ya màkanɛ̀ ya hwàkòmì ema hwa rza enje hwàkòmì hvɛ. Hwàŋga hwatò hwà mà hwɛ ndi hwa wònyà Yudà ema hwà mà uwɛ̀lɛ̀lɛ̀yi ò mambòwà mà Rzìrènè na Alɛ̀rzàndrìyà. Wɔ̀ na hwahvɛhvɛ hwatò hwa wònyà Yudà ema hwà mà uwɛ̀lɛ̀lɛ̀yi ò hwèrzòòkà hwe Rzìlirzìyà na Èrzìyà, wɔ̀ hwà mà wòteyà lì tɔ̀wɔ na Rzìtehvànɛ.

Ròmànì 1:15

Ò èŋgànɛ̀lɛ̀ rzɔ, nà òhvi nyɔ̀ŋgi yà ŋginyà ò lì è òhweyà inyɔ hvɛ ema e hwèlì ò Ròmànì Ŋmɛ̀ndì mò Gbamù.

Ròmànì 1:7

Ò èŋgànɛ̀lɛ̀ rzɔ, nà è tìlèlì inyɔ hwa arzɛ ema è hwèlì ò èkòmè ya Ròmànì. È hwèlì ndi hwatò ema Lohwɛ̀ à lìŋgàni ndèŋgànɛ̀lɛ̀ à mà è hvɔ̀rzɔ̀ ò lì hwɛ hwatò wà eni. Inyɛ̀ è ndèli nà ɛ̀yɔ̀lɛ̀ ema hwe uwɛ̀lɛ̀lɛ̀yi òma Lohwɛ̀ è Tatɛ̀ yà arzu, nà è Rzàŋgò Yerzù Krirztò è hwɛ nà inyɔ.

2 Tìmotì 1:17

ndi nà oma mɔ̀ à mà ukè ò Romànì, à wòteyà ò lì nò arza natɛ̀ɛ à mà nò lùwa.

Hwèwulùwèlì 11:8

Ŋmìimbà mè awu mè o nàŋga o moombo ema mo akeyà e mbowà ndɛɛndɛ ema hwà mà wòmeya e Rzàŋgo ya awu o mbàrza. Èŋge mbowà ndɛɛndɛ e ma hwɛ̀lɛ̀hwɛ̀ ndi na ŋmàna nanù ema, Rzodomi na Ìjiptò.