Hwègbèèlì 2:1 - Mokpwe: Bakwery (New Testament)

¹ Nà òma e ndèma ema e hwɛ̀lɛ̀hwɛ̀ Pɛ̀ntìkɔ̀rzì e ma uke, hwalòkelì hwa ama Rzàŋgò hwà mà arzàŋgànɛ ò èki yɔ̀kɔ.

Hwègbèèlì 2:1 Mawu Ofanana

Hwègbèèlì 1:5

Yòwanìrzɛ̀ à mà lùhwìrzɛ̀ ndi nà malìhwa ndi ò ŋgùrzu jà mèènyà ema mè ò jɛ̀ɛ̀ è lùhwìrzɛ̀hwɛ̀ ndi nà Èlìŋgɛ̀ yà Wòtani.”

Hwègbèèlì 1:8

Ndi inyɔ e ò luwa màyìmbì e hvònda ema Èlìŋgɛ̀ yà Wòtani ye e rzihweyà, eŋge hvònda ɔ̀ndi hweyà hwe arzɛ ema e ma nò ɛnɛnɛ e ò hwe òhweyà hwatò ò e mbòwa ya Jèrurzalɛ̀mù, ò hwèrzòòkà hwe Jùdeyà na Rzàmàrìyà na ò màrzuku ma e rze ya arzɛ.”

Hwègbèèlì 2:46

Wùnyà tɛ wɔ̀ hwa mà hwɛ lì tàneyà ò Ndawò yà Lohwà ò lì kanɛ̀. Wɔ̀ hwa mà làlɛnɛ̀ ò màndawò mà awu nà mɔ̀nyɛ̀ŋgì mò arzɛ nà ŋmèma mɔ̀kɔ.

Hwègbèèlì 20:16

Pàwolò mɔ̀ à mà kulɛ ndi nanù ema, i hwɛni lì hvanja e mbòwa ndɛnɛ ya Ɛ̀hvɛ̀rzɔ̀rzì ò ŋmanyu aŋga nanù i rza hvaŋga hvònda ò lì uka ò erzòòkà ya Èrzìyà. A ma hwɛ lì ahwèŋgɛ̀ ò lì uka ò mbòwa ndɛɛndɛ ya Jèrurzalɛ̀mù, ò wùnyà wò Pɛ̀ntìkɔ̀rzì à mà atanɛ tɛ.

Hwègbèèlì 4:24

Nà òma hwàlòkèlì hwa mà hwèye nanù rzi hwa gbeyàna lìlò lɔ̀kɔ̀ ò lì kànɛ. Rzìi hwa òhweyà Lohwɛ̀ nanù ema, “Ìi Tatɛ̀ ò wà ema ò hwèki è ŋmanyu yà lohwà, è rze yà mɔ̀nyɛ̀ nà ŋmàànjà nà hwèèmà hwe arzɛ ema hwe hwèlì ò tènì yà awu,

Hwègbèèlì 4:31

Nà òma hwà mà kulɛ ò lì kanɛ̀, èki ema hwà mà taneya e ma nyiŋgà. Wɔ̀ hwa arzɛ hwà mà òndìrzɛ̀hwɛ na Èlìŋgɛ̀ yà Wòtani rzìi hwa wòteyà lì òhwa eyà ya Lohwà e rzi hwɛ lì òka wɔ̀ŋgɔ̀.

Hwègbèèlì 4:32

Hwàlòkèlì hwa arzɛ hwà mà òhva ŋmèma nà màlùtèyà mɔ̀kɔ. Tɔ̀ mɔ̀kɔ wa awu a rza òhwe nanù ema lìrzaŋgò la ami lì hwèlì ndi e la ami, ndi wɔ̀ hwà mà akahwanɛ mamɛ ema hwà mà òhve.

Hwègbèèlì 5:12

I àpɔ̀rzìtòlò i ma gbeyà hweyà hwe mànyakà na hwembànèlì hwe rzayì-rzayì ò tenì ya hwatò. Hwàlòkèlì hwa arzɛ hwà mà hwɛ ndi lì taneya nàa mòtò mɔ̀kɔ ò ihvònda ja arzɛ ò marzɛrzɛ ma ama Rzòlòmɔ̀nì ò e ndawò yà Lohwà.

Ròmànì 15:6

Àŋga nanù lì a àrzàŋgànɛ̀ lì anyu lì gbeyà e òhwa ndi eyà yɔ̀kɔ ò lì eka Lohwɛ̀, e Tatɛ̀ ya ama e Rzàŋgò ya arzu Yerzù Krirztò.

1 Kɔ̀rintìyà 16:8

Ndi na lìya anù o Ɛ̀hvɛ̀rzɔ̀rzì natɛ̀ɛ na eyu ya e ndèma ya Pɛ̀ntìkɔ̀rzì.

Hvìlipìyà 1:27

O nàŋgɛ, ɛ̀ɛ̀mɛ̀ ya anyu e àŋgàmɛ̀nɛ̀ ndi lì hwɛ na oma Krirztò o ŋmɛ̀ndì mò gbamù mo eni a ohwi. Ène eyà e gbeyà nanù ema tɔ̀ imba na jà o lì e ɛnɛ tɔ̀ na rzi e ɛnɛ, na hwiya nanù ema inyɔ e tɛmi gbamù nàa mòtò mɔ̀kɔ, ndèŋgànɛ̀lɛ̀ e hwɛni hvɛ ndi mɔ̀ŋgɛ̀lɛ mɔ̀kɔ o lì ana lì kombɛ mamɛ ema inyɔ e lòkɛ̀.

Hvìlipìyà 2:2

Mɔ̀nyɛ̀ŋgì mo ami mo o ondìrzɛ̀hwɛ, e hwèlì tɛ nanù ema e ohvi mɔ̀ŋgɛ̀lɛ mɔ̀kɔ, e awuŋmɛ̀lɛ̀nɛ tɛ mɔ̀kɔ na ɔnɛyi ndiŋgɛ, e ohvi tɛ ŋmèma mɔ̀kɔ ndèŋgànɛ̀lɛ̀ e hwɛ ndi nàa mòtò mɔ̀kɔ o tɔ̀ mamɛ ema e gbeyà.