Hwègbèèlì 19:9 - Mokpwe: Bakwery (New Testament)

⁹ Ndi lòŋgò la awu hwà mà hwɛnɛ maniya ndèŋgànà hwa rzi emeyà ò lì lòkɛ̀. Hwà mà hwɛ lì òhwa hweyà hwe wòhwe ò marzò ma hwatò hwa arzɛ lì hvòmɛ̀nɛ̀ e Njiya ya ama e Rzàŋgò. O eŋgànɛ̀lɛ̀ rzɔ Pàwolò à mà hwa hwɛmɛ rzìi a ɛndɛ na hwatò ema hwà mà lòkɛ̀. Wùnyà tɛ mɔ̀ na wɔ hwà mà hwɛ ndi ò hvenda ò tenì ya e ndawò ya hwèyòkòlèlì ya ama e mòòkòlèlì Tìlanùrzì.

Hwègbèèlì 19:9 Mawu Ofanana

Matiyò 15:14

È rza atàkìrzɛ̀ ò nyòla ya awu! Hwa hwèlì ndi hwàtìmbèlì hwa ndima; mòtò wa ndìma a timbì tɛ òhvɛhvɛ mòtò wà ndìma, hwahwàkɛ hwa undà ò tenì yà èhvɔ̀ndì.”

Matiyò 16:4

Ene nyɔ̀ŋgɔ̀nì ya wòhwe ema e rza arza lì hweyàna Lohwɛ̀, e arza ndi embànèlì ya mànyakà! Ndi inyɔ e rza ò luwa tɔ̀ embànèlì lì aka e embànèlì ya mànyakà ya ama Jona e mòòhwèlì wà èlìŋgɛ̀.” Yerzù à mà hwa hwɛmɛ rzi a ɛ̀ndɛ e ye eni.

Matiyò 26:55

Yerzù rzìi a ijòwa eŋge ŋgindi nanù ema, “Nà hwèlì ndi ŋmìhwɛ̀ ema e jelì lì nò ŋgbaŋgɛ na hweeye na irzɔ̀lɔ̀ e? Mamɛ ndeŋgatɛ e rzi nò ŋgbaŋgɛ e hvònda ema nà mà hwɛ lì òkòlɛ̀ wùnyà tɛ ò e Ndawò yà Lohwà e?

Yòwanìrzɛ̀ 12:40

“Lohwɛ̀ à mà tìmbìrzɛ̀ mììrzɔ̀ mà awu ndima, rzìi à hwa ŋgbà hvɛ mèèmà ema me eti, aŋga nanù hwa rza ɛnɛ, ndèŋgàna hwa rza rzɔ̀ŋgìtɛ̀nɛ̀. Aŋga nanù hwa gbe tɛ nanù hwa nò tìmbeyà òma nà mà hwa wɔ̀wìrzɛ̀.”

Hwègbèèlì 11:26

Nà òma à mà mò luwe, rzi a mò tìmbana ò mbòwà ya Antìyɔ̀kì. Wɔ̀ hwahwàkɛ hwà mà lìya aŋga na ŋmèmba mò mitelì natɛ̀ɛ na ŋma mɔ̀kɔ mòrzurzu. Hwà mà hwɛ lì òkòlɛ̀ ŋgìndì ndɛnɛ ya hwatò. O mbòwà ya Antìyɔ̀kì aŋga ndi hwàlòkèlì hwà mà lòme ò lì hwɛ̀lɛ̀hwɛ̀ hwànɔ̀ŋgèlì hwa ama Krirztò.

Hwègbèèlì 14:4

Hwàtò hwa èŋge mbòwà ndɛ̀nɛ hwà mà akahwanɛ mòòŋgò ma hwàkɛ. Lòŋgò la hwatò hwà mà timbana wònyà Yudà e mburza hwanɛyi hwatò wɔ̀ hvɛ I àpɔ̀rzìtòlò.

Hwègbèèlì 17:4

Lòŋgò la awu la hwatò hwa Yuda hwà mà lòkɛ̀ rzìi hwa òŋgama Pàwolò na Rzàyìlàrzì. Nànù hvɛ mɛnɛ na ŋgindi ndɛnɛ ya hwatò hwa Grìki ema hwà mà lòkɛ̀ Lohwɛ̀. Nà rzayi-rzayi ja hwalana hwa èluhwe wɔ hvɛ hwà mà hweŋga Pàwolò na Rzàyilarzi.

Hwègbèèlì 19:23

O ene hvònda ɔ̀ndi mòhvùŋgu mò ndɛnɛ mò ma hwɛ ò mbòwa ndɛnɛ ya Ɛ̀hvɛ̀rzɔ̀rzì, ò lì hvòmɛ̀nɛ̀ e Njiya ya ama e Rzàŋgò ema hwatò hwà mà hwɛ lì òŋgama.

Hwègbèèlì 19:30

Pàwolò ŋmìti à mà wòŋgirzɛnɛ ò lì kpèeyà lì tɛ̀mɛ̀ ò wòrzò wò eŋge ŋgindi. Ndi hwàlòkèlì hwà mà mò aya.

Hwègbèèlì 20:31

O eŋgànɛ̀lɛ̀ rzɔ inyɔ e wòwe hvònda ò lì ɔ̀ŋgɛ̀lɛ̀ nanù ema nà mà hwɛ lì òkòlɛ inyɔ hwa arzɛ ò tenì ya ŋmerze na wuu, ò hvòka ya meya meyawò ò tenì ya lìtake.

Hwègbèèlì 22:4

Nà mà tàkirzɛ hwatò ema hwa mà òŋgama è njiya yà ama Yerzù rzayi-rzayi natɛ̀ɛ lòŋgò hwa ŋwa. Nà mà hwɛ lì ŋgbaŋgɛ wunyanà nà hwalanà rzi nà hwa aŋgɛ ò hwèwòwà.

Hwègbèèlì 24:21

Lì akà tɛ ene eyà ya awɔ̀kɛ mɛnɛ ema nà mà gbeye. Nà ma kàrzɛ lìlò la ami nanù ema, ‘Inyɔ e nò kàyìrzɛ ndi ànu yàwònò èhwanja na lòkɛ̀yi nanù ema hwatò ema hwa ŋwelì hwa ò hvùmùwà hvɛ ò lòŋgɛ.’”

Hwègbèèlì 28:22

Ndi irzɔ i lìŋgàna lì hwiya mɔ̀ŋgɛ̀lɛ̀ ma aŋgɔ̀ èhwanja irzɔ i hwi nanù ema ò hweki hwe arzɛ hwatò hwa òhwa wòhwe lì teŋgɛ̀nɛ̀ ene ehvehva ema ò hwèlì nanù.”

Hwègbèèlì 7:51

Rzìtehvànɛ rzìi a hwatɛ hvɛ ò lì òhwa nanù ema, “Inyɔ hwatò hwa maniya, mèèmà me anyu ma eti. È ma umba matò ma anyu ò lì hweyà ŋmɛ̀ndì mò ama Lohwɛ̀. È gbèyi ndi nàa imbamba ja anyu, e teŋgɛ̀nɛ̀yi Èlìŋgɛ̀ yà Wòtani.

Hwègbèèlì 9:2

Rzìi à mò ijòwa ama à mò ŋgbe itita, ò lì ŋgba hwàtìmbèlì hwa è ndawò yà màkànɛ̀ ema è hwèlì ò mbòwa yà Dàmàrzkɔ̀rzì. Aŋga nanù, à hwɛnɛ è wònja nanù ema à ɛni tɛ tɔ̀ ima mòtò ema à nɔ̀ŋgɔ è njiya yà ama Yerzù aŋga mɔ̀ à hwa ŋgbaŋgɛ, tɔ̀ hwa hwɛ ndi wunyanà tɔ̀ hwalanà, à hwa ɛ̀ndɛ̀nɛ̀ ò mbòwa yà Jèrurzalɛ̀mù.

Ròmànì 11:7

Mamɛ rzɔ ene e uŋmɛ̀lɛ̀ e? Hwàtò hwa Irzàyɛ̀lì hwa rzi luwe mamɛ ema wɔ̀ hwà mà hwɛ lì arza. Hwàtò ema hwà mà hvɔ̀rzè hwà mà luwa mamɛ ema hwà mà hwɛ lì arza. Ndi hwanɛyi mèèmà me awu me ma eta ò kòkò.

Ròmànì 9:18

O eŋgànɛ̀lɛ̀ rzɔ, Lohwɛ̀ mɔ̀ à hwɛnɛ ììlì ò tɔ̀ ima mòtò ema mɔ̀ à mà hvɔ̀rzɔ̀, ndeŋgànɛ̀lɛ̀ mɔ̀ à mà gbeyà tɔ̀ ima mòtò ò lì hwɛ maniya na òma mɔ̀ à arza nanù ema a hwɛ maniya.

1 Kɔ̀rintìyà 16:9

Lìyohva lì ndɛnɛ lì lìhvowahwi anù o lì gbeyà èwòlò ya jɔ̀kɛ̀, ndi tɔ̀ nɛ ohwèlì rzayì-rzayì ja hwatò ema hwa no teŋgɛ̀nɛ̀yi.

1 Tìmotì 6:5

Ène e ma hwa gbeyà ema hwa tɔ̀wɔ mòtaŋgo ihvonda ja arzɛ ŋgàna ema o ambi wɔ̀ lì hwiya mamɛ ema e hvomɛ̀nɛ̀. Hwa rza tànɛyi lì rzɔŋgìtɛ̀nɛ̀ eyà ema e hwèlì e jɔ̀kɛ̀ na e yɔ ema e hwèlì mòlàŋgà. Wɔ̀ hwa ɔ̀ŋgɛ̀lɛ̀ nanù ema, hwa gbèelì tɛ Lohwɛ̀, oma hwà mà tuwa hwèwàŋgì.

2 Tìmotì 1:15

Ò hwiye oma hwatò hwa arzɛ hwa ama Krirztò hwa mà nò rzɔ̀rzɔ̀ ò erzòòkà yà Èrzìyà. Hvìjɛ̀lùrzì nà Hɛ̀mòjɛ̀nìrzì wɔ̀ hvɛ hwa mà hwɛ ò mòndèŋgè mò hwatò ema hwa mà nò rzɔ̀rzɔ̀.

2 Tìmotì 3:5

O ò hwɛ hwatò ema hwa awuŋmɛ̀lɛ̀ ò à ɛnɛ oma hwa gbeyà ndi mamɛ Lohwɛ̀ a arza, ndi hwa rza o arza nanù ema e ŋginyà ya ama Lohwɛ̀ e tikowe mòŋgɛ ma awu. O rzi ɛndɛ o toŋgoŋgo ya lìŋgi lìtumba la hwatò.

2 Tìmotì 4:2

O lì ohwa ŋmɛ̀ndì mò gbamù mò ama Lohwɛ̀, tɔ̀ hwatò hwa lìŋgàna o lì mo hweyà tɔ̀ hwa rzi lìŋgàne. O hwa gbeye o lì hwiya nanù ema tɔ̀ mamɛ ema o hwa òhwèyà e hwèlì ndi è jɔ̀kɛ̀, o hwa gbeye hwa hwɛmɛ lì gbeyà wòhwe o hwa kɔ̀mɛ̀lɛ̀, ndèŋgàna o òkolɛ hwatò hwene hweyà hwe arzɛ na lì àjùlɛ̀.

Hibrù 3:13

Ndi è àyètìrzɛ̀nɛ̀ mɔ̀kɔ nà ɔnɛyi wùnyà tɛ, na oma eyu e hwɛ̀lɛ̀hwɛ̀ nanù ema, “Yàwono,” aŋga nanù wòhwe wo rza lukɛlɛ mèèmà me anyu o lì hwɛneya Lohwɛ̀ maniya.

2 Pètrò 2:12

Ndi hwaŋga hwà-òkòlèlì hwa mòlaŋgà, hwa gbeyà ndi hweyà ò màlùtèyà mà awu, nàa nyàmà jà waŋga. Iŋgi nyàmà ja waŋga ì ŋyàhwɛlɛyì ndi ò lì lɛ̀mbɛ̀hwɛ̀ nà lì oŋwahwa. Hwàŋga hwà-òkòlèlì hwa mòlaŋgà wɔ̀ hwa ohwa ndi hweyà hwe wòhwe ò tɔ̀ ima eyà ema hwa rzɔ̀ŋgìtɛ̀nɛ̀. Ò eŋgànɛ̀lɛ̀ rzɔ, Lohwɛ̀ à hwa nyɔ̀ŋgìrzɛ̀ nà oma hwatò hwa oŋwa iŋgi nyàmà jà waŋga.

2 Pètrò 2:2

Hvɛ tɔ̀ nanù, rzayi-rzayi ja hwatò hwa o òŋgama ndi hweyà hwe mbindo ema hwe hwaŋga hwà-òkòlèlì hwa mòlàŋga. Èhwànja o mamɛ ema wɔ̀ hwa gbeyà, hwatò hwa o òhwa wòhwe o hweyà hwe e Njiya ya jɔ̀kɛ̀.

Judɛ 1:10

Ndi hwaŋga hwatò ema hwa mà è kpèeyà ò ìtììtènì yà anyu, hwa ohwa wòhwe lì hvomɛ̀nɛ̀ hweyà ema hwa rza rzɔ̀ŋgìtɛ̀nɛ̀. Tɔ̀ mamɛ ema è hwa jɛ̀lɛ̀lɛ̀yi ò màlùtèyà mà awu, ɔndi hwa gbeyà. Wɔ̀ hwa gbeyà ndi hweyà nàa nyàmà ja waŋga. Hwèŋge hweyà mɛnɛ ndi hwe hwa jàneyà e kpelì.