Hwègbèèlì 19:2 - Mokpwe: Bakwery (New Testament)

² Rzìi à hwa ijòwa nanù ema, “È ma luwa Èlìŋgɛ̀ yà Wòtani e hvònda ema e ma lòkɛ̀ e?” Hwà mà mò alàhwɛ̀ nanù ema, “Jàyɛ̀, irzɔ i rzi hweyi a hweyà hvɛ tɔ̀ nanù ema ò hwèlì eyà ema e hwɛ̀lɛ̀hwɛ̀ nanù ema Èlìŋgɛ̀ yà Wòtani.”

Hwègbèèlì 19:2 Mawu Ofanana

Yòwanìrzɛ̀ 7:39

Yerzù à mà hwɛ ndi lì òhwa, lì hvòmɛ̀nɛ̀ Èlìŋgɛ̀ yà Wòtani. Èŋge Èlìŋgɛ̀ yà Wòtani yɔ ndi hwaŋga hwatò ema hwà mà mò lòkɛ̀yì hwà mà hwɛnɛ lì ŋgbahwa. O lìŋgi lìrzakò ò ma Èlìŋgɛ̀ yà Wòtani e rzi hwa ŋgbàhwi èhwanja ò lìŋgi lìrzakò ò ma Lohwɛ̀ a rzi uŋmɛ̀lɛ̀ èluhwe ya ama Yerzù.

Hwègbèèlì 10:44

Nà òma Pètrò mɔ̀ à mà hwɛ lì òhwa nanù, Èlìŋgɛ̀ yà Wòtani rzi è rzihweyà hwaŋga hwatò hwa arzɛ ema hwa mà hwɛ lì òkànèyà mòŋgò ŋmɛ̀ndì.

Hwègbèèlì 19:5

Nà òma hwaŋga hwatò hwà mà hweye mamɛ ema Pàwolò à mà òhwe, hwà mà hwa lùhwìrzɛ̀ lì akeyà na lìinà la ama e Rzàŋgò Yerzù.

Hwègbèèlì 2:17

Lohwɛ̀ à mà òhwa nanù ema, ‘O mèenyà me lìrzukù, imba na òma Èlìŋgɛ̀ ya ami ya Wòtani ndèŋgànɛ̀lɛ̀ e jèeya tɔ̀ ima mòtò. Hwaana hwa anyu hwa wunyanà na e wɔ̀ hwa hwalana, hwa ò òhwa hweyà ema hwe ò gbèyɛ̀nɛ ò e hvònda ema e ò jɛ̀ɛ̀. Imberza ja anyu jò ò ɛnɛ jɛ̀nɛ̀nì ema jò uwɛ̀lɛ̀lɛ̀yi ò mba ami, hwàmbaki hwa anyu hvɛ hwa ò ɔ̀tɔ̀ indɔ̀tɔ̀.

Ròmànì 1:11

Nà hwɛni nyɔ̀ŋgi rzayi-rzayi ò lì è ɛnɛ aŋga nanù nà uki tɛ, nà è embɛ nà jàhwèyà ema èlìŋgɛ̀ yà Lohwɛ̀ è mà nò ŋgbɛ.

1 Kɔ̀rintìyà 6:19

È rza hwi nanù ema è nyo ya anyu è hwèlì ndi hwèlìyelì hwe Èlìŋgɛ̀ yà Wòtani e? Èma e lìyayi o tenì yà nyo yà anyu, ema Lohwɛ̀ a mà è ŋgbè e? Rzèketɛ inyɔ ndi e ohvi i nyo ja anyu, i hwèlì ndi nyo ja ama Lohwɛ̀.

Gàletìyà 3:5

Lohwɛ̀ à mà è ŋgba Èlìŋgɛ̀ yà Wòtani rzi mɔ̀ à è gbèeyà hweyà hwe mànyakà ò ìtììtènì ja anyu, è hwèlì ndi nanù ema è mà ika imbenda ɔ̀ndeŋgàtɛ̀ à mà gbeyà nanù e? Jàyɛ̀ rzeketɛ eŋge eyà ndi è mà gbeyà. È hwèlì ndi nanù ema ŋmɛ̀ndì mò gbamù ema è mà lòkɛ̀ ɔ̀ndeŋgàtɛ̀ mɔ̀ à mà gbeyà nanù.