Hwègbèèlì 18:8 - Mokpwe: Bakwery (New Testament)

⁸ Klìrzpùrzì, ema mɔndi à mà hwɛ e mòkànèlì wa e ndawò ya màkanɛ̀ ya wònyà Yudà, mɔ̀ na lìtumba la eni la arzɛ, hwà mà lòkɛ̀ e Rzàŋgò. Rzayì-rzayì ja hwatò hvɛ ò Kɔ̀rintò hwà mà hweyà Ŋmɛ̀ndì mò Gbamù, hwà mà mò lòkɛ̀ ndèŋgàna hwà mà lùhwìrzɛ̀hwɛ̀.

Hwègbèèlì 18:8 Mawu Ofanana

Matiyò 28:19

O èŋgànɛ̀lɛ̀ rzɔ e ɛndɛ ò hwèkòmè hwe arzɛ hwe ene rze, e gbèèye hwatò ò lì hwɛ hwà-òkòwèlì hwa ami. È hwa lùhwìrzɛ̀ ò lìna la ama Tatɛ̀, ò lìna la ama e Ŋmanà, na ò lìna la Èlìŋgɛ̀ yà Wòtani.

Makòrzì 5:22

Mòtìmbèlì mɔ̀kɔ wa è ndawò ya màkanɛ̀ yà wònyà Yudà ema à mà hwɛ̀lɛ̀hwɛ̀ Jàrìyɔ̀rzɛ̀, rzi a ja aŋga òma. A ɛnɛ Yerzù rzi a ɛ̀ndɛ a kpa ò mataŋgà mà eni.

Makòrzì 5:35

Nà òmà Yerzù à mà hwɛ lì òhwa nanù, rzìi lòŋgò la hwatò hwà mà uhwɛlɛlɛ̀ ò ndawò yà ama Jàrìyɔ̀rzɛ̀. Hwa òhweyà Jàrìyɔ̀rzɛ̀ nanù ema, “È ŋmanà ŋgɔ̀ndɔ̀ wa aŋgɔ̀ à mà màà lì ŋwa. Mamɛ ndèŋgàtɛ̀ ò tàkìrzɛ̀ è Mòòkòlèlì ema a jèe hvɛ ò ndawò ya aŋgɔ̀ e?”

Hwègbèèlì 10:2

Kɔ̀nɛlìyurzi à mà hwɛ̀ ndi mòtò ema à mà hwɛ lì òŋgama hweyà hwe ama Lohwɛ̀. Mɔ̀ na lìtumba la eni la arzɛ hwà mà gbèeyà Lohwɛ̀. A ma òŋgòwàna mèlìrza me hwatò me wònyà Yudà. A ma kanɛ̀ hvɛ Lohwɛ̀ ihvònda ja arzɛ.

Hwègbèèlì 11:14

Mɔ̀ à jèlì tɛ à è òhweyà mòndeŋga ema mò gbeyà Lohwɛ̀ à ò rzùŋgà lòŋgɛ là aŋgɔ̀ nà lìtumba là aŋgɔ̀.’

Hwègbèèlì 13:15

Wɔ̀ hwà mà hweyà na òma hwà mà làŋge hwèhvàrzù hwe e kààtì ya mbenda ya ama Mòrzè na e kààtì ya hwetilelì ya hwà-òhwèlì hwa hwèlìŋgɛ̀, ò mburza hwene hwèlàŋgèlì, hwatimbelì hwa e ndawò ya màkanɛ̀ yà wònyà Yudà hwà mà òmeya Pàwolò na Bànàbàrzì ŋmɛ̀ndì nanù ema, “Wònyàmòwe, e òhvi tɛ ŋmɛ̀ndì ò lì ètìrzɛ̀ hwatò, i rzòrzòmelì e jèe e jò òhweyà.”

Hwègbèèlì 16:34

Oŋgò mɔɔŋgelì wa hwèwòwà à mà ɛ̀ndɛ̀nɛ̀ Pàwolò na Rzàyìlàrzì ò ndawò ya eni, rzìi a hwa ŋgba mòlelì. Oŋgò mòtò na lìtumba la eni la arzɛ hwà mà ònda na mɔ̀nyɛ̀ŋgì ehwànja hwà mà lòkɛ̀ Lohwɛ̀.

Hwègbèèlì 18:1

O mburzà hwenè hweyà hwe arzɛ, Pàwolò à mà anjiya ò mbòwa ndɛnɛ ya Atɛ̀nrzì rzi a ɛ̀ndɛ ò mbòwa ndɛnɛ ya Kɔ̀rintò.

Hwègbèèlì 18:17

Wɔ̀ hwa arzɛ hwà mà hvùma Rzɔ̀rztenìrzì ema mɔ̀ ndi à mà hwɛ e mòtimbèlì wa e ndawò ya màkanɛ̀ ya wònyà Yudà, rzìi hwa mò anana njùma ò wòrzò wò èŋge ndawò ya hwèkàyìrzèlì. Ndi èŋge eyà e rzi tàkirzɛ Galìyò tɔ̀ tenyi.

Hwègbèèlì 19:1

Nà òma Apòlòrzì à mà hwɛ ò mbòwa ndɛnɛ ya Kɔ̀rintò, Pàwolò à mà akeyà ò tenì ya eŋge erzòòkà rzi a uka ò mbòwa ndɛnɛ ya Ɛ̀hvɛ̀rzɔ̀rzì. A ma ùŋmànɛ̀lɛ̀ ŋgurzu ja hwatò ema hwa lòkɛ̀ Yerzù aŋga.

Hwègbèèlì 8:12

Ndì nà òma wɔ̀ hwa mà lòkɛ̀yi Hvìlìpì nà òma mɔ̀ à mà òhwe Ŋmɛ̀ndì mò gbamù mò lìkànèyà là ama Lohwɛ̀, nà lì hvòmɛ̀nɛ̀ Yerzù Krirztò, wunyanà nà hwààlanà hwa arzɛ hwa mà lùhwìrzɛ̀hwɛ̀.

1 Kɔ̀rintìyà 1:2

Nà tìleya ndi ŋmèmba mò hwatò hwa Lohwɛ̀ ema mò hwèlì ò mbowà ndɛnɛ̀ yà Kɔ̀rintò. Inyɔ ema è hwɛ̀lɛ̀hwɛ̀yi nà Lohwɛ̀ ò lì hwɛ hwatò hwa eni hwa wòtani. À è gbèyi wòrzaŋgi èhwanja e ahviyànɛ nà Yerzù Krirztò. Nànù mɛnɛ hvɛ ndi à hvɔ̀rzì hwatò hwa arzɛ o èki ya arzɛ ema hwa kanɛ̀ o lìna la ama Rzàŋgo Yerzù Krirztò. È Rzàŋgo ya awu nà è yà arzù.

2 Kɔ̀rintìyà 1:1

Imba Pàwolò e Àpɔ̀rzìtòlò yà ama Yerzù Krirztò, nà omà e mà tɛyìrzɛhwɛ na Lohwɛ̀. Imba ndi na tìlì ene kààtì o irzɔ nà ŋmànyàŋgò wà arzu wà Krirztò Tìmòtì je omelì ikɔ̀mi. Inyɔ, lì arzàŋganɛ là hwatò hwa Lohwà ema e hwèlì ò è mbowà yà Kɔ̀rintò, na hwanɛ̀yi hwatò hwa arzɛ hwa Lohwà ema hwa hwèlì o erzoòkà ya Àkayiyà.

2 Kɔ̀rintìyà 1:23

Lohwɛ̀ ndi à hwèlì e mboŋgi ya ami, e uŋmɛ̀lɛ̀ ema màmɛ ya arzɛ ema na ohwa e hwèlì ndi e jɔ̀kɛ̀. Lìtìŋga ndèŋgàtɛ̀ na rzi timbe hvɛ o Kɔ̀rintò, lì hwèlì ndi ema, na rzi arze ema e hweye wòhwe.

2 Kɔ̀rintìyà 6:11

Ìi wònyàmowe, hwa e mbowà ya Kɔ̀rintò! Je e tilelì hweyà hwe arzɛ e rzi hwɛ ema je e utelì tɔ̀ eyà tɔ̀ yɔ̀kɔ. I ma e uŋmɛ̀lɛ̀ nɛ mèèmà me arzu me hwèlì o tenì.

2 Tìmotì 4:20

Ɛ̀ràrztùrzì à mà lììyà ò mbowà yà Kɔ̀rintò, ndeŋgànɛ̀lɛ̀ nà mà lìya Tròhvìmùrzì o mbowà yà Mìlɛ̀tùrzì èhwanja à mà hwɛ lì ɔ̀kirzɛ̀.