Hwègbèèlì 18:4 - Mokpwe: Bakwery (New Testament)

⁴ Tɔ̀ ima Wùnya wò lì Arzìyòlɛ Pàwolò à mà hwɛ lì ɛndɛ ò ndawò ya màkanɛ̀ ya wònyà Yudà, ò lì òhwirzɛnɛ hwatò hwa wònyà Yudà na e hwa Grìki, aŋga nanù wɔ hwa lòkɛ̀ hweyà ema à mà hwɛ lì hwa òhweyà.

Hwègbèèlì 18:4 Mawu Ofanana

Lukàrzɛ̀ 16:31

Abràhamù rzìi a mò òhweyà nanù ema, ‘Wɔ̀, hwa rzà hweyànì tɛ Mòrzè, nà hwanɛ̀yi hwà-òhwèlì hwa hwèlìŋgɛ̀, èŋge ŋgàna è hwèlì ndi ema hwa rzà tànɛyi lì lòkɛ̀ è mɔ̀ ema à ò hvùmùwɛ̀ ò èkòmè ya kpelì.’”

Lukàrzɛ̀ 4:16

Yerzù à mà ɛ̀ndɛ ò mbòwà yà èni yà Nàrzàrɛ̀tì e ma a mà kòkeya, rzìi a kpèeyà ò ndawò yà màkanɛ̀ ò Wùnyà wò lì Arzìyòlɛ̀ nà òma a ma nyàmɛ̀lɛ ò lì gbeyà. Rzìi à tɛ̀mɛ̀, ò lì laŋgà e mbɔrzi.

Yòwanìrzɛ̀ 7:35

Èŋge eyà è mà gbeyà hwatimbelì hwa wònyà Yudà hwa ijòwànɛ̀ mɔ̀kɔ nà ɔ̀nɛyi nanù ema, “One ònò mòtò à arza lì ɛndɛ ema irzɔ ì rza ò tànɛyi lì mò ɛnɛ e? À arza ndi lì ɛndɛ ò èkòmè yà Grìki ema hwatò hwa arzu hwa hwèlì e? Ò lì òkòlɛ hwatò hwa Grìki e?

Hwègbèèlì 13:14

Wɔ̀ hwà mà hwɛmɛ Pɛ̀ga rzìi hwa uka ò mbòwa ya Antìyɔ̀kì ò èkòmè ya Pìrzìdìyà. O Wùnyà wò lì arziyòlɛ, hwà mà kpèeyà ò ndawò ya màkànɛ̀, rzìi hwa lìya ò rze.

Hwègbèèlì 14:1

Nàa ɛ̀ɛ̀mɛ̀ ya awu Pàwolò na Bànàbàrzì hwà mà kpèeyà ò e ndawò ya màkanɛ̀ ya wònyà Yudà ò mbòwà ya Ikɔ̀nìyùmì. Hwà mà òhwa ŋmɛ̀ndì mò gbamù lì hvòmɛ̀nɛ̀ Yerzù aŋga nyayi ema rzayi-rzayi ja hwatò hwa wònyà Yudà na hwaŋga hwatò ema hwa rza enje wònyà Yudà hwà mà lòkɛ̀ Yerzù.

Hwègbèèlì 17:11

Hwàtò hwa wònyà Yudà ema hwà mà hwɛ ò mbòwa ndɛnɛ ya Bèrìyà hwà mà hwɛnɛ nyɔ̀ŋgi ya lì òkànèyà eyà ya Lohwà lì aka hwatò hwa e mbòwa ndɛnɛ ya Tɛ̀rzàlònìkà. Wùnyà tɛ wɔ̀ hwà mà hwɛ lì làŋga e kààtì ya ama Lohwà ò lì rzɔ̀ŋgìtɛ̀nɛ̀ na lì ɛnɛ ŋga hweyà ema Pàwolò na Rzàyilarzi hwà mà hwɛ lì òhwa hwe ma hwɛ ndi e jɔ̀kɛ̀.

Hwègbèèlì 17:17

O eŋgànɛ̀lɛ̀ rzɔ à mà ɛndɛ ò tenì ya e ndawò ya màkànɛ ya wònyà Yudà rzìi a akòhwana hwatò hwa wònyà Yudà, na e wɔ ema hwa rza enje wònyà Yudà ema hwà mà hwɛ lì kànɛ Lohwɛ̀ mendeŋga. A ma hwɛ hvɛ ò lì ɛndɛ ò ewòka ya màlòkò wùnyà tɛ ò lì kòòwàna hwatò ema hwà mà hwɛ lì jà aŋga mendeŋga.

Hwègbèèlì 18:13

Hwà mà òhwa nanù ema, “O nò mòtò a hwèlì a keka lì lukɛlɛ hwatò ò lì kànɛ Lohwɛ̀, nyayi ema e teŋgɛ̀nɛ̀ e mbenda.”

Hwègbèèlì 18:19

Hwà mà uka ò mbòwà ndɛnɛ ya Ɛ̀hvɛ̀rzɔ̀rzì. Nà òma hwà mà uke aŋga Pàwolò à mà lìiya Prìrzìlà na Akwìlà, rzìi a ɛ̀ndɛ ò ndawò ya màkanɛ̀ ya wònyà Yudà ò lì kòhwa na wònyà Yudà.

Hwègbèèlì 19:26

O naŋgɛ rzɔ, inyɔ hwiti e ma ɛni, na lì hweyà eyà ema ònò mòtò Pàwolò a gbeyà. Mɔ̀ a òhwa nanù ema mòhwa ema mà wòndɛhwɛyi na màà mà hwatò hwa hwènàmà ma rza enje mòohwa. Ndeŋgànɛ̀lɛ̀ mɔ̀ à mà gbeyà rzayi-rzayi ja hwatò e ma hwa hwèlì ò Ɛ̀hvɛ̀rzɔ̀rzì na hwèrzòòkà hwe arzɛ hwe Èrzìyà, hwa lòkɛ̀ nanù ema hweyà ema mɔ̀ à òhwa hwe hwèlì ndi e jɔ̀kɛ̀.

Hwègbèèlì 19:8

Pàwolò à mà lìya aŋga ŋgbɛndɛ iyàwò. Hvònda tɛ à mà hwɛ lì kpèeyà ò ndawò ya màkànɛ ya wònyà Yudà rzìi hwa a kòòwà e rzi hwɛ mɔ̀ lì òka tɔ wɔ̀ŋgɔ̀. Wɔ̀ na mɔ̀ hwà mà hwɛ ò hvenda ndèŋgànɛ̀lɛ̀ mɔ̀ à mà hwɛ lì keka ò lì hwa telɛlɛ aŋga nanù hwa lòkɛ̀ nanù ema màmɛ ema a hwa òhweyà lì hvòmɛ̀nɛ̀ lìkànèyà la ama Lohwɛ̀ e hwèlì ndi e jɔ̀kɛ̀.

Hwègbèèlì 26:28

Kiŋgɛ Agrìpa rzìi a alàhwɛ̀ Pàwolò nanù ema, “O lòkɛ̀ nanù ema ò tanɛ lì nò umbɛlɛ ò ònò ŋmanà hvòka wa hvònda ò lì emeyà lì hwɛ e mòlòkèlì wa ama Krirztò e?”

Hwègbèèlì 28:23

O èŋgànɛ̀lɛ̀ hwà mà ika wùnyà na Pàwolò ema hwa jà lì mò òkànèyà, na òma wòŋgò wùnyà wò ma uke, ŋgìndì ya hwatò e ma jà ò èki ema Pàwolò à mà lìya. Lìwòteya eelele natɛ̀ɛ na e ŋgòmbe, Pàwolò à mà hwɛ lì hwa òhweyà ŋmɛ̀ndì lì hvòmɛ̀nɛ̀ lìkànèyà là mà Lohwà. A ma keka nanù ema hwa lòkɛ̀ Yerzù. Mɔ̀ à mà hwɛ lì gbeyàna hwèhvàrzù ema hwe ma uwɛ̀lɛ̀lɛ̀yi ò e kààtì ya e mbenda ya ama Mòrzè na hwetilelì hwe hwà-òhwèlì hwa hwèlìŋgɛ̀ aŋga nanù wɔ hwa lòkɛ̀ nanù ema Yerzù ndi à hwèlì Krirztò.

Hwègbèèlì 9:20

O lìwòkimɛnɛ a wòteyà lì òhwa eyà ya Lohwà ò tenì ya i ndawò ja màkanɛ̀ nanù ema, Yerzù ndi à hwèlì è Ŋmanà wà ama Lohwɛ̀.

2 Kɔ̀rintìyà 5:11

Nà oma i hwi nanù ema e Rzàŋgo e o kàyìrzɛ̀ hwatò, ndèŋgànɛlɛ hvɛ na oma i mo ŋgba èluhwe, i keka o lì gbeyà nanù ema hwatò hwa hwiye nanù ema ŋmɛ̀ndì i hwa ohweyà mo hwèlì ndi e jɔ̀kɛ̀. Lohwɛ̀ a hwi i nyayi ja hwatò ema irzɔ i hwèlì, imba hvɛ na hwi nanù ema inyɔ hvɛ e hwi i nyayi ja hwatò ema irzɔ hvɛ i hwèlì, na lòkɛ̀yi hvɛ nanù ema inyɔ e hwi nanù ema, jo òhwa ndi e jɔ̀kɛ̀.