Hwègbèèlì 18:2 - Mokpwe: Bakwery (New Testament)

² Nà òma à mà uke aŋga à mà ùŋmanɛlɛ mòtò wa wònyà Yudà ema à mà hwɛ̀lɛ̀hwɛ̀ Akwìlà. Akwìlà à mà ŋyàhwɛlɛ ndi ò mbòwà ndɛnɛ ya Pòntìyùrzì. Mɔ̀ à mà uwɛ̀lɛ̀lɛ̀yi ndi mòhvènya ò èkòmè ya Itàlì na e jòjìyɛ̀ ya eni Prìrzìlà. Wɔ̀ hwà mà anjiya ò Itàlì ehwànja e Kàyirza ya Ròmànì, Klàwùdìyùrzì à mà akɛlɛ njàmbɛ̀ ama hwatò hwa arzɛ ema hwa hwèlì wònyà Yudà, hwa anjiye ò èkòmè ya Ròme. Pàwolò à mà ɛ̀ndɛ lì ɛnɛ Akwìlà na jòjìyɛ̀ wa eni.

Hwègbèèlì 18:2 Mawu Ofanana

Hwègbèèlì 11:28

Mɔ̀kɔ hwa hwaŋga hwà-òhwèlì hwa hwèlìŋgɛ̀ ema à mà hwɛ̀lɛ̀hwɛ̀ Agàbùrzì à mà tɛ̀mɛ̀ ò ŋmanyu. Nà e ŋginyà ya Èlìŋgɛ̀ yà Wòtani rzìi mɔ̀ à tɛ̀mɛ̀nɛ̀ ò ŋmanyu rzìi a òhwa nanù ema, “Njawò ndɛnɛ e hwɛnì lì jèeyà e rze ya arzɛ.” Ène eyà e ma gbèyɛ̀nɛ e hvònda ema Klàwɔ̀dìyùrzì à mà hwɛ e mòkànèlì.

Hwègbèèlì 18:18

Pàwolò ama lìya na hwàlòkèlì ò mbòwa ndɛnɛ ya Kɔ̀rintò rzayì-rzayì ja mèenyà, rzìi a hwɛmɛ hwàlòkèlì a kpèeyà ò melì me ŋmànja, rzìi a aka ŋmànja ò lì uka ò erzòòkà ya Rzìrìyà. O yɔ̀ndɔ ya eni, à mà ɛ̀ndɛ̀nɛ̀ Prìrzìlà na Akwìlà. Ndèŋgànà a e anjiya ò mbòwa ndɛnɛ ya Rzɛ̀nkreyà, à mà rzòòwa lìhvumbu la eni la mòhvò èhwanja ò ma hwɛ hweyi ema à mà aàtɛ.

Hwègbèèlì 18:26

Onò mòtò rzìi a wòteya lì òhwa ò ndawò ya màkanɛ̀ ya wònyà Yudà e rzi hwɛ lì òka tɔ̀ wɔ̀ŋgɔ̀. Nà òma Prìrzìlà na Akwìlà hwà mà hweye hweyà ema à mà hwɛ lì òhwa, hwà mà mò yòwɛ ò mààndà ma awu, rzìi hwa mò tɛlɛlɛ kɔ̀yi-kɔ̀yi e njiya ya ama Lohwɛ̀.

Hwègbèèlì 2:9

O ìtììtènì ja arzu, lòŋgò la hwatò hwa mà uwɛ̀lɛ̀lɛ̀yi ndi ò èkòmè ya Pàtìyà, Mediya na Èlàmi; ò èkòmè ya Mèrzòpòtemìyà, Jùdeyà, Kapadorzìyà; O hwèkòmè hwe Pòntìyùrzì, na Èrzìyà,

Hwègbèèlì 27:1

È hvònda ema hwà mà kulɛ nanù ema i kpèeyà ò tenì ya melì me ŋmànja ò lì ɛndɛ o èkòmè ya Itàlì, hwà mà akɛlɛlɛ Pàwolò na hwahvɛhvɛ hwatò hwa hwèwòwà ò ma e mòkànèlì wa hwààna njuma ema à mà hwɛ̀lɛ̀hwɛ̀ Jùlìyɔ̀rzì. Jùlìyɔ̀rzì mɔ̀ à mà hwɛ lì kànèyà lìtuta la hwààna njuma ema hwà mà hwɛ lì hwɛlɛ nanù ema, “Lìtuta la hwààna njuma hwa ama Kàyìrzà.”

Hwègbèèlì 27:6

Aŋga ndi òŋgò mòkànèlì wa hwàànà njuma a ɛnɛ melì me ŋmànja ema me ma uwɛ̀lɛ̀lɛ̀yi ò mbòwa ndɛnɛ ya Alɛ̀rzàndrìyà ema me ma hwɛ lì ɛndɛ ò èkòmè ya Itàlì, rzìi a jò kpɛɛlɛ ò tenì ya meŋge melì me ŋmànja.

1 Kɔ̀rintìyà 16:19

Mèèmbà me arzɛ me erzòòkà ya Èrzìyà me è omelì ikɔ̀mi ja awu. Akwìlà na Prìrzìlà na mèèmbà ema me taneyà o ndawò ya awu, wɔ̀ hvɛ hwa e omelì ikɔ̀mi o lìnà la ama Rzàŋgo.

2 Tìmotì 4:19

Ò nò kɔ̀mèya Prìrzìlà nà Akwìlà nà lìtumba là ama Ònɛ̀rzìhvɔ̀rùrzì.

Hibrù 13:24

È kɔmè hwatimbelì hwa anyu hwa arzɛ, nà hwatò hwa arzɛ hwa ama Lohwà. Hwatò hwa Lohwɛ̀ ema hwa uwɛ̀lɛ̀lɛ̀yi o Itàlì wɔ̀ hvɛ hwa e omelì ikɔ̀mi.

1 Pètrò 1:1

Imba Pètro ema na hwèlì e àpɔ̀rzìtòlò ya ama Yerzù Krirztò ndi na tilì ene kààti. Nà e tìleya ndi hwatò hwa ama Lohwɛ̀ ema hwa hvɔ̀rzɔ̀hwì, ema hwà mà wuhweyà ndèŋgànɛ̀lɛ̀ hwa hwèlì ndi nàa hwàyɛ̀nì o hwèrzòòkà hwe Pòntìyùrzì, Gàlerzìyà, Kapadorzìyà, Èrzìyà na Bìtìnìyà.