Hwègbèèlì 18:1 - Mokpwe: Bakwery (New Testament)

¹ O mburzà hwenè hweyà hwe arzɛ, Pàwolò à mà anjiya ò mbòwa ndɛnɛ ya Atɛ̀nrzì rzi a ɛ̀ndɛ ò mbòwa ndɛnɛ ya Kɔ̀rintò.

Hwègbèèlì 18:1 Mawu Ofanana

Hwègbèèlì 17:15

Hwàtò ema hwà mà ɛndɛ ò lì lìyɛlɛ Pàwolò, hwà mà mò lìyɛlɛ natɛ̀ɛ na ò mbòwa ndɛnɛ ya Atɛ̀nrzì rzìi hwa timbana lì kòkòwɛ̀lɛ̀ ò ma Rzàyilarzi na Tìmòtì ò lì mò ùŋmànɛ̀lɛ̀ ò Atɛ̀nrzì e rzì hwɛ lì hvaŋga hvònda.

Hwègbèèlì 17:16

Nà òma Pàwolò à mà hwɛ lì ambɛlɛlɛ Rzàyilarzi na Tìmòtì ò mbòwa ndɛnɛ ya Atɛ̀nrzì, à mà tàkìrzɛ̀hwɛ ò ŋmèma rzayi-rzayi na òma mɔ̀ à mà ɛnɛ na òma eŋge mbòwa e ma ònde nà mà hvɛhvɛ mòhwa ema hwà mà hwɛ lì kànɛlɛlɛ.

Hwègbèèlì 18:8

Klìrzpùrzì, ema mɔndi à mà hwɛ e mòkànèlì wa e ndawò ya màkanɛ̀ ya wònyà Yudà, mɔ̀ na lìtumba la eni la arzɛ, hwà mà lòkɛ̀ e Rzàŋgò. Rzayì-rzayì ja hwatò hvɛ ò Kɔ̀rintò hwà mà hweyà Ŋmɛ̀ndì mò Gbamù, hwà mà mò lòkɛ̀ ndèŋgàna hwà mà lùhwìrzɛ̀hwɛ̀.

Hwègbèèlì 19:1

Nà òma Apòlòrzì à mà hwɛ ò mbòwa ndɛnɛ ya Kɔ̀rintò, Pàwolò à mà akeyà ò tenì ya eŋge erzòòkà rzi a uka ò mbòwa ndɛnɛ ya Ɛ̀hvɛ̀rzɔ̀rzì. A ma ùŋmànɛ̀lɛ̀ ŋgurzu ja hwatò ema hwa lòkɛ̀ Yerzù aŋga.

1 Kɔ̀rintìyà 1:2

Nà tìleya ndi ŋmèmba mò hwatò hwa Lohwɛ̀ ema mò hwèlì ò mbowà ndɛnɛ̀ yà Kɔ̀rintò. Inyɔ ema è hwɛ̀lɛ̀hwɛ̀yi nà Lohwɛ̀ ò lì hwɛ hwatò hwa eni hwa wòtani. À è gbèyi wòrzaŋgi èhwanja e ahviyànɛ nà Yerzù Krirztò. Nànù mɛnɛ hvɛ ndi à hvɔ̀rzì hwatò hwa arzɛ o èki ya arzɛ ema hwa kanɛ̀ o lìna la ama Rzàŋgo Yerzù Krirztò. È Rzàŋgo ya awu nà è yà arzù.

2 Kɔ̀rintìyà 1:1

Imba Pàwolò e Àpɔ̀rzìtòlò yà ama Yerzù Krirztò, nà omà e mà tɛyìrzɛhwɛ na Lohwɛ̀. Imba ndi na tìlì ene kààtì o irzɔ nà ŋmànyàŋgò wà arzu wà Krirztò Tìmòtì je omelì ikɔ̀mi. Inyɔ, lì arzàŋganɛ là hwatò hwa Lohwà ema e hwèlì ò è mbowà yà Kɔ̀rintò, na hwanɛ̀yi hwatò hwa arzɛ hwa Lohwà ema hwa hwèlì o erzoòkà ya Àkayiyà.

2 Kɔ̀rintìyà 1:23

Lohwɛ̀ ndi à hwèlì e mboŋgi ya ami, e uŋmɛ̀lɛ̀ ema màmɛ ya arzɛ ema na ohwa e hwèlì ndi e jɔ̀kɛ̀. Lìtìŋga ndèŋgàtɛ̀ na rzi timbe hvɛ o Kɔ̀rintò, lì hwèlì ndi ema, na rzi arze ema e hweye wòhwe.

2 Kɔ̀rintìyà 6:11

Ìi wònyàmowe, hwa e mbowà ya Kɔ̀rintò! Je e tilelì hweyà hwe arzɛ e rzi hwɛ ema je e utelì tɔ̀ eyà tɔ̀ yɔ̀kɔ. I ma e uŋmɛ̀lɛ̀ nɛ mèèmà me arzu me hwèlì o tenì.

2 Tìmotì 4:20

Ɛ̀ràrztùrzì à mà lììyà ò mbowà yà Kɔ̀rintò, ndeŋgànɛ̀lɛ̀ nà mà lìya Tròhvìmùrzì o mbowà yà Mìlɛ̀tùrzì èhwanja à mà hwɛ lì ɔ̀kirzɛ̀.