Hwègbèèlì 17:7 - Mokpwe: Bakwery (New Testament)

⁷ Ndèŋgànɛlɛ Jèrzɔ̀nì mɔ̀ndi à hwa uti ò màandà mà eni. Wɔ̀ hwà mà unda e mbenda ya ama Kàyìrzà. Wɔ̀ hwa òhwa nanù ema, ò hwèlì ò hvɛhvɛ kiŋgɛ ema e hwɛ̀lɛ̀hwɛ̀ nanù ema Yerzù.”

Hwègbèèlì 17:7 Mawu Ofanana

Lukàrzɛ̀ 10:38

Yerzù nà hwà-òkòwèlì hwa eni hwa mà hwɛ ò yɔ̀ndɔ̀, rzìi hwa uka mbòwà hvɔ̀kɔ. Mòlanà mɔ̀kɔ ema à ma hwɛ̀lɛ̀hwɛ̀ Màta, à mà mò kpɛɛlɛ nàa ŋmɛ̀ni ò ndawò yà èni.

Lukàrzɛ̀ 23:2

Aŋgà ndi hwa mà wòteya lì mò kùwa ewɛnyɛnyɛ, lì mò kìkòwa lì òhwà nanù ema, “Ò nò mòtò à hwèlì à hvùŋgùwà ekòmè ya arzu. À òhwà àma, ì rzì taŋga è njàŋge yà ama Kàyìrzà. À òhwà à mà Mɔ̀ ndì à Ɔ̀kirzɛ̀hwɛ̀yi, ama mɔ̀ ndì a hwèlì è kiŋgɛ̀.”

Yòwanìrzɛ̀ 19:12

Nà òma Pìlatò à mà hwèye nanù rzìi à wòteyà lì arza nɛ à rzòlòhweyà Yerzù ndì hwaŋga hwatò hwa mà tɛ̀ɛ̀ nanù ema, “Ò rzòlòhwì tɛ ònò mòtò, nanù òma ò rza enje yòrza yà ama Kàyìrzà. Tɔ̀ njɛnɛ à ahwɛlɛyi ŋmìti Kìŋgɛ òma à teŋgɛ̀nɛ̀yi Kàyìrzà.”

Hwègbèèlì 16:21

Wɔ̀ hwa hwèlì hwa òkòlɛ̀ hwɛ̀ɛ̀mɛ̀ hwe wòhwe ema hwe teŋgɛ̀nɛ̀yi i mbenda ja arzu nàa hwatò hwa Ròmànì. Irzɔ i rza tànɛyi ò lì emeyà hwenè hwɛ̀ɛ̀mɛ̀ tɔ̀ lì hwe gbeyàna.”

Hwègbèèlì 17:5

Ndi lòŋgò la hwatò hwa wònyà Yudà hwà mà nòneyà Pàwolò na Rzàyilarzi. O eŋgànɛ̀lɛ̀ rzɔ hwà mà ɛndɛ ò èlùwà ò lì rzaŋga hwatò ema hwà mà òhva hwɛ̀ɛ̀mɛ̀ hwe wòhwe. Hwà mà hwa lata ò lì gbeyà ŋgindi ya e kanjɛ-kanjɛ, eŋge ŋgindi rzìi e wòteyà ò lì kanja e mbòwa ya arzɛ, rzìi hwa ɛndɛ lì urzuweyà màandà mà ama Jèrzɔ̀nì ò lì arza Pàwolò na Rzàyìlàrzì, aŋga nanù hwa hwà wurzàneya e ŋgindi.

Hwègbèèlì 17:8

Nà òma wɔ̀ hwà mà kulɛ ò lì òhwa nanù, e ŋgindi ya arzɛ na hwàkànèlì hwa è mbowà ndɛnɛ hwà mà kànjeyà.

Jèmìrzì 2:25

Nànù mɛnɛ ndi è mà hwɛ hvɛ nà è mòlana wà àkpàlà Làhàbì. A ma ikahwa ehve-ehve na Lohwɛ̀ ehwànja wònyà Yudà ema hwà mà omahwa o lì ɛndɛ lì injàneyà e mbowà ndɛnɛ o jututa, à mà hwa kàrzɛ, rzìi mɔ̀ à hwa ulɛ o tenì ya mbowà ndɛnɛ, rzìi a hwa akɛlɛ ehvɛhvɛ njiya o jututa.

1 Pètrò 2:15

È hwèlì ndi hwètɛ̀yirzèlelì hwe ama Lohwɛ̀ nanù ema, lì akeyà na hwègbèèlì hwe anyu hwe gbamù ema e gbeyà, e hwɛni lì tɛmirzɛ e mbɔrzi ya ŋgundu ema hwatò hwa èèti hwa ohwa o lì e teŋgɛ̀nɛ̀.