Hwègbèèlì 17:4 - Mokpwe: Bakwery (New Testament)

⁴ Lòŋgò la awu la hwatò hwa Yuda hwà mà lòkɛ̀ rzìi hwa òŋgama Pàwolò na Rzàyìlàrzì. Nànù hvɛ mɛnɛ na ŋgindi ndɛnɛ ya hwatò hwa Grìki ema hwà mà lòkɛ̀ Lohwɛ̀. Nà rzayi-rzayi ja hwalana hwa èluhwe wɔ hvɛ hwà mà hweŋga Pàwolò na Rzàyilarzi.

Hwègbèèlì 17:4 Mawu Ofanana

Yòwanìrzɛ̀ 7:35

Èŋge eyà è mà gbeyà hwatimbelì hwa wònyà Yudà hwa ijòwànɛ̀ mɔ̀kɔ nà ɔ̀nɛyi nanù ema, “One ònò mòtò à arza lì ɛndɛ ema irzɔ ì rza ò tànɛyi lì mò ɛnɛ e? À arza ndi lì ɛndɛ ò èkòmè yà Grìki ema hwatò hwa arzu hwa hwèlì e? Ò lì òkòlɛ hwatò hwa Grìki e?

Hwègbèèlì 13:43

È hvònda ema hwaŋga hwatò hwà mà wurze ò màkanɛ̀, rzayì-rzayì ja wònyà Yudà na hwaŋga hwatò ema hwa rza enje wònyà Yudà ema hwà mà tikòwahwɛ ò lì lòkɛ̀ la wònyà Yudà, hwà mà òŋgamà Pàwolò na Bànàbàrzì. Pàwolò na Bànàbàrzì hwà mà hwa òhwìrzɛ̀nɛ̀ rzìi hwa hwà kɔ̀mɛlɛ nanù ema hwa hwɛ ndi ò lì lòkɛ̀ e ndèli ya ama Lohwɛ̀.

Hwègbèèlì 13:50

Ndi wònyà Yudà hwà mà umbɛlɛlɛ hwàtimbelì hwa e mbòwa, na hwàmbaki hwa hwàalanà ema hwà mà hwɛ lì gbèeya Lohwɛ̀. Hwanu hwatò rzɔ hwà mà jàneyà Pàwolò na Bànàbàrzì lùwànje rzìi hwa hwà hvaya ò erzòòkà ya awu.

Hwègbèèlì 14:1

Nàa ɛ̀ɛ̀mɛ̀ ya awu Pàwolò na Bànàbàrzì hwà mà kpèeyà ò e ndawò ya màkanɛ̀ ya wònyà Yudà ò mbòwà ya Ikɔ̀nìyùmì. Hwà mà òhwa ŋmɛ̀ndì mò gbamù lì hvòmɛ̀nɛ̀ Yerzù aŋga nyayi ema rzayi-rzayi ja hwatò hwa wònyà Yudà na hwaŋga hwatò ema hwa rza enje wònyà Yudà hwà mà lòkɛ̀ Yerzù.

Hwègbèèlì 14:4

Hwàtò hwa èŋge mbòwà ndɛ̀nɛ hwà mà akahwanɛ mòòŋgò ma hwàkɛ. Lòŋgò la hwatò hwà mà timbana wònyà Yudà e mburza hwanɛyi hwatò wɔ̀ hvɛ I àpɔ̀rzìtòlò.

Hwègbèèlì 15:22

O èŋgànɛ̀lɛ̀ I àpɔ̀rzìtòlò na hwàtimbèlì hwa ŋmèmba na ŋmèmba mò arzɛ hwà mà kulɛ nanù ema, hwa hvɔ̀rzɔ̀ e hwa awu hwatò rzìi hwà hwa òma ò Antìyɔ̀kì mòndèŋge na Pàwolò na Bànàbàrzì. Wɔ̀ hwà mà hvɔ̀rzɔ̀ Jùdàrzì ema à mà hwɛ̀lɛ̀hwɛ̀ Bàrzabàrzì na Rzàyilàrzì, wunyanà ema hwà mà hwɛ hwàtimbèlì ò tenì ya hwàlòkèlì.

Hwègbèèlì 15:27

O èŋgànɛ̀lɛ̀ irzɔ je e òmeya Jùdàrzì na Rzàyìlàrzì wɔ hwa e òhweyà eŋge eyà mɛnɛ ema irzɔ i ma e tìleya.

Hwègbèèlì 15:32

Jùdàrzì na Rzàyìlàrzì, ema wɔ̀ hwiti hwà mà hwɛ ndi hwà-òhwèlì hwa hwèlìŋgɛ̀, hwà mà òhwa rzayi-rzayi ò lì kɔ̀mɛ̀lɛ̀ na lì embɛ hwàlòkèlì.

Hwègbèèlì 15:40

Pàwolò mɔ̀ à mà hvɔ̀rzɔ̀ Rzàyìlàrzì rzi a ɛ̀ndɛ. Hwàlòkèlì hwà mà hwa kànɛlɛlɛ nanù ema e ndèli ya ama Rzàŋgò a hwa timbe.

Hwègbèèlì 16:3

Nà òma Pàwolò à mà arze lì wòwa Tìmòtì ò lì ɛndɛ na mɔ̀, à mà mò endà. A ma gbeyà ndi nanù ehwànja à mà hwiya nanù ema hwatò hwa wònyà Yudà ema hwa hwèlì ò eŋge erzòòkà hwà mà hwiya nanù ema e tatɛ̀ ya ama Tìmòtì à mà hwɛ ndi mòtò wa Grìki.

Hwègbèèlì 17:10

Nà òma wùnyà wò ma kɔ, hwàlòkèlì hwa ama Yerzù hwà mà òma Pàwolò na Rzàyìlàrzì ò lì ɛndɛ ò mbòwa ndɛnɛ ya Bèrìyà. Nà òma wɔ hwà mà uke aŋga, rzìi hwa ɛndɛ lì kpèeyà ò tenì ya e ndawò ya màkànɛ ya wònyà Yudà.

Hwègbèèlì 17:12

O eŋgànɛ̀lɛ̀ rzɔ, rzayi-rzayi ja hwatò hwà mà lòkɛ̀. Ndeŋgana rzayi-rzayi ja hwalana hwa wònya Grìki ema hwà mà karzɛhwɛ na èluhwe, na rzayi-rzayi ja wunyanà hwa wònya Grìki wɔ hvɛ hwà mà lòkɛ̀.

Hwègbèèlì 17:14

O lìwòkimɛnɛ hwaŋga hwàlòkèlì hwà mà òma Pàwolò ò rzàawà ya ŋmànja, ndi Rzàyilarzi na Tìmòtì hwà mà lìiya ò Bèrìyà.

Hwègbèèlì 17:17

O eŋgànɛ̀lɛ̀ rzɔ à mà ɛndɛ ò tenì ya e ndawò ya màkànɛ ya wònyà Yudà rzìi a akòhwana hwatò hwa wònyà Yudà, na e wɔ ema hwa rza enje wònyà Yudà ema hwà mà hwɛ lì kànɛ Lohwɛ̀ mendeŋga. A ma hwɛ hvɛ ò lì ɛndɛ ò ewòka ya màlòkò wùnyà tɛ ò lì kòòwàna hwatò ema hwà mà hwɛ lì jà aŋga mendeŋga.

Hwègbèèlì 17:34

Lòŋgò la hwatò hwà mà wòteyà lì òŋgama Pàwolò rzi hwa lòkɛ̀ Yerzù. O ìtììtènì ja hwaŋga hwatò ò ma hwɛ mɔ̀kɔ ema à mà hwɛ̀lɛ̀hwɛ̀ Dìyònìrzìyùrzì. A ma hwɛ mùnyanà wa wòlìya wò Àrèyòpàgùrzì. O ma hwɛ òhvɛhvɛ mòlanà aŋga ema à mà hwɛ̀lɛ̀hwɛ̀ Dàmàrìrzì, na hwahvɛhvɛ hwatò.

Hwègbèèlì 18:4

Tɔ̀ ima Wùnya wò lì Arzìyòlɛ Pàwolò à mà hwɛ lì ɛndɛ ò ndawò ya màkanɛ̀ ya wònyà Yudà, ò lì òhwirzɛnɛ hwatò hwa wònyà Yudà na e hwa Grìki, aŋga nanù wɔ hwa lòkɛ̀ hweyà ema à mà hwɛ lì hwa òhweyà.

Hwègbèèlì 19:10

Pàwolò à mà gbeyà nanù ò hvòka ya meya mehwakɛ. Ène eyà e ma gbeyà nanù ema wònyà Yudà na hwaŋga hwatò ema hwa rza enje wònyà Yudà ema hwà mà hwɛ lì lìya ò erzòòkà ya Èrzìyà hwà mà hweyà eyà ya Lohwà.

Hwègbèèlì 2:44

Hwàlòkèlì hwa arzɛ hwà mà hwɛ lì arzàŋganɛ ekì yɔ̀kɔ na ò lì akahwanɛ tɔ̀ mamɛ ema hwà mà òhve.

Hwègbèèlì 21:28

Hwa a tɛɛ nanù ema, “Ìi wònyàmòwè hwa Irzàyɛ̀lì, e jò òŋgòwane! È mòtò ònò ema a òkòlɛ hwatò hwa arzɛ ò hweki hwe arzɛ nanù ema hwatò hwa Irzàyɛ̀lì, e mbenda ya ama Mòrzè na e ndawò yà Lohwà hwe rza enje tɔ̀ eyà. Tɔ̀ nàŋgɛ nanù, mɔ̀ à mà jànà lòŋgò la hwatò ema hwa rza enje wònyà Yudà ò tenì ya e ndawò yà Lohwà ndèŋgànà eŋge eyà e ma gbeyà e ndawò yà Lohwà e rza rzàŋgi hvɛ.”

Hwègbèèlì 28:24

Lòŋgò la awu hwà mà lòkɛ̀ mamɛ Pàwolò à mà òhwe ndi hwanɛ̀yi hwatò hwa rzi lòkɛ̀ nanù ema màmɛ ema à mà hwɛ lì òhwa e hwèlì ndi e jɔ̀kɛ̀.

Hwègbèèlì 4:23

Nà òma hwatò hwa kòtì hwà mà hwɛmɛ Pètrò nà Yòwanìrzɛ̀, lìwòkimɛnɛ Pètrò nà Yòwanìrzɛ̀ hwà mà tìmba lì ùŋmànɛ̀lɛ̀ mòndeŋge mò awu mò hwatò hwa Lohwà rzìi hwa hwà òhweyà mamɛ ipilìrzi ndɛnɛ na hwèwàŋgì hwe kòtì hwà mà hwa òhweyà.

2 Kɔ̀rintìyà 8:5

Hwà mà gbeyà lì aka na oma i ma ɔ̀ŋgɛ̀lɛ̀. Hwà mà loma lì ŋgbà mòŋgɛ ma awu oma Rzàŋgo. O mburzà hvonda hvɛ hwà mà ŋgbà mòŋgɛ màa awu o màa marzu na oma Lohwɛ̀ à mà hwa arzane nanù ema hwa gbeye.