Hwègbèèlì 17:3 - Mokpwe: Bakwery (New Testament)

³ A ma hwɛ lì hwa uŋmɛ̀lɛ̀ na lì hwa telɛlɛ hweyà ema à mà hwɛ lì hwa òhweyà, ndèŋgànɛ̀lɛ̀ à mà hwa uŋmɛ̀lɛ̀ nanù ema è Mɔ̀ ema à Ɔ̀kirzɛ̀hwɛ̀yi a hwɛnɛ lì luwa metàkà na lì hvùmùwà ò mburza e kpelì ya eni. Pàwolò à mà hwa òhweyà nanù ema, “Onò Yerzù ema imba na e òhweyà nanù, mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi.”

Hwègbèèlì 17:3 Mawu Ofanana

Lukàrzɛ̀ 24:32

Hwa mà àyijòwànɛ̀ mɔ̀kɔ nà ɔnɛ̀yi nanù ema, “Rzèke ì mà hweyà ndi mèèmà ò tenì jòlì-jòlì, nà òmà a mà jò òhwìrzɛ̀nɛ̀ ò njìya nà lì jò tèlɛ̀lɛ̀ e kààtì yà Lohwà e?”

Lukàrzɛ̀ 24:44

Rzìi à hwa òhweyà nanù ema, “Èŋge hvònda na mà hwɛ nà inyɔ, nà mà è òhweyà ema hweyà hwe arzɛ ema hwe gbèyɛ̀nɛ lì nò hvòmɛ̀nɛ̀, nà òma e tìlahwì ò kààtì yà è mbenda yà ama Mòrzè, nà ò kààtì yà hwà-òhwèlì hwa hwèlìŋgɛ̀, nà ò kààtì ya Mɛ̀rzɔ̀kɔ̀.”

Lukàrzɛ̀ 24:46

À mà hwa òhweyà nanù ema, “È tìlahwi ò e kààtì ya Lohwɛ̀ nanù ema, è Mɔ̀ ema à Ɔ̀kirzɛ̀hwɛ̀yi à hwɛnì lì tàka rzìi a ŋwa, rziyàyò à hvùmùwa.

Yòwanìrzɛ̀ 20:9

Tɔ̀ nɛ wɔ̀ hwa rzi rzɔ̀ŋgìtɛ̀nɛ̀ mamɛ ema e ma tìlahwa ò Kaàti ya Lohwà ema Yerzù a ò hvùmùwà.

Hwègbèèlì 1:4

Ò wùnyà wɔ̀kɔ ema hwa mà arzàŋgànɛ, ò hwèlèèlì hwe awu nà mɔ̀, rzìi à hwa kòkòhwɛ̀lɛ̀ kɔ̀yi-kɔ̀yi nanù ema, “È rzi keka lì anjiya anù mbòwà ya Jèrurzalɛ̀mù, ndi e ambɛ̀lɛ̀ natɛ̀ɛ è lùwa jàhwèyà ema Tatɛ̀ wa ami à mà è kàkɛ̀nɛ̀. Iŋgi jàhwèyà ndi nà mà lòme lì è òhwèyà.

Hwègbèèlì 18:28

O hvenda ya eni ya ŋginyà mɔ̀ à mà rzuwàna wònyà Yudà ò hwèki hwe ŋgìndì. Mɔ̀ à mà hwa telɛlɛ lì akeyà na e kààtì ya Lohwà nanù ema Yerzù mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi.

Hwègbèèlì 18:5

Nà òma Rzàyilarzi na Tìmòtì hwà mà uwɛ̀lɛ̀lɛ̀yi ò mbòwa ndɛnɛ ya Màrzèdonìyà, Pàwolò à mà aŋgbɛ mɔ̀ ŋmìti tòwòtòwò ò lì òhwà Ŋmɛ̀ndì mò Gbamù. Mɔ̀ à mà hwɛ lì òhweyà hwatò hwa Yudà nanù ema Yerzù à hwelì ndi è Mɔ̀ ema à Ɔ̀kirzɛ̀hwɛ̀yi.

Hwègbèèlì 3:18

Tɔ̀ nɛ e ma gbèyɛnɛ nanù, Lohwɛ̀ ŋmìti ndi à mà òndìrzɛ̀ e mbɔrzi ya eni na òma à mà òhweyà hwà-òhwèlì hwa eni hwa arzɛ hwa hwèlìŋgɛ̀ ema hwa òhwe nanù ema è Mɔ̀ ema à Ɔ̀kirzɛ̀hwɛ̀yi a ò taka.

Hwègbèèlì 9:22

Ndi tɔ̀ nanù hwèyòhwèlì hwe ama Rzàwòlò hwe eyà ya Lohwà, hwe ma ɛndɛ ndi ò wòrzò na ŋginyà. Ndi à mà tàmìrzɛ̀ hwatò hwa wònyà Yudà ema hwà mà hwɛ ò mbòwa ya Dàmàrzkɔ̀rzì. Nà òma à mà hwa uŋmɛ̀lɛ̀ nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi, wɔ̀ hwa rzi òhve hvɛ tɔ̀ eyà ya lì òhwa.

Gàletìyà 3:1

Bɔ̀ɔ, inyɔ hwatò hwa èèti hwa Gàletìyà! Njɛnɛ à è jɔ̀ki nanù e? È rza ɔ̀ŋgɛ̀lɛ̀ nà oma nà ma e wuluhweyà nanù ema Yerzù Krirztò à mà ŋwa ndi ò mbarza ò nyòla à anyu e?