Hwègbèèlì 16:6 - Mokpwe: Bakwery (New Testament)

⁶ Pàwolò na mòndeŋge mò eni hwà mà akeyà hwèrzòòkà hwe Hvrigèyà na Gàlèrzìyà, èhwanja Èlìŋgɛ̀ yà Wòtani ema hwa keka nanù ema hwa rzi keka lì òhwa eyà ya Lohwà ò erzòòkà ya arzɛ ya Èrzìyà.

Hwègbèèlì 16:6 Mawu Ofanana

Lukàrzɛ̀ 1:2

Wɔ̀ hwa mà tìla ndi ŋgàna hvɔ̀kɔ, nà òmà irzɔ imà hweyàne hwaŋga hwatò, ema hwà mà ɛnɛ hwenè hweyà nà mìirzɔ̀ ma awu ò hwèwòtelì ndèŋgàna wɔ̀ hwa mà hwɛ ndi lì òhwà Eyà ya Lohwà.

Hwègbèèlì 10:19

Pètrò mɔ̀ à mà hwɛ ò lì kèka ò lì rzɔ̀ŋgìtɛ̀nɛ̀ mamɛ iŋgi jɛ̀nɛ̀nì ì hwèlì, ɔ̀ndi Èlìŋgɛ̀ yà wòtani è à mò òhweyà nanù ema, “Rzimɔ̀ni, ò hwèlì hwatò hwàyàwò anu ema hwa ò arza.

Hwègbèèlì 11:12

Èlìŋgɛ̀ yà wòtani è mà nò òhweyà ò lì ɛ̀ndɛ nà wɔ̀ è rzi hwɛ lì à kìkìyɛ̀. Mònò mòtòhwa mò hwàlòkèlì ema mò mà uwɛ̀lɛ̀lɛ̀yi ò mbòwà yà Jopà mò mà nò nɔŋgɔ ò lì ɛndɛ ò mbòwa yà Kàyìrzèrìyà ndèŋgànɛ̀lɛ̀ irzɔ hwa arzɛ, i mà kpèeyà ò tenì yà è ndawò yà ama Kɔ̀nɛ̀lìyùrzì.

Hwègbèèlì 16:7

Nà òma hwà mà jèe lì uka ŋmeyò mò erzòòkà ya Mìrzìyà, wɔ̀ hwà mà keka ò lì kpèeyà ò erzòòkà ya Bìtìnìyà. Ndi tɔ̀ nanù Èlìŋgɛ̀ ya ama Yerzù e rzi imanɛlɛ nanù ema hwa kpèeyà aŋga.

Hwègbèèlì 18:23

O mburzà ya hvònda ema à mà hvaŋge hvònda ò mbòwa ndɛnɛ ya Antìyɔ̀kì, Pàwolò rzìi a anjiya aŋga, rzìi a ɛ̀ndɛ ò hwèrzòòkà hwe Gàlèrzìyà na Hvrìgèyà ò lì kòkòwɛ̀lɛ̀ na lì ètìrzɛ̀ hwàlòkèlì hwa arzɛ.

Hwègbèèlì 19:10

Pàwolò à mà gbeyà nanù ò hvòka ya meya mehwakɛ. Ène eyà e ma gbeyà nanù ema wònyà Yudà na hwaŋga hwatò ema hwa rza enje wònyà Yudà ema hwà mà hwɛ lì lìya ò erzòòkà ya Èrzìyà hwà mà hweyà eyà ya Lohwà.

Hwègbèèlì 20:16

Pàwolò mɔ̀ à mà kulɛ ndi nanù ema, i hwɛni lì hvanja e mbòwa ndɛnɛ ya Ɛ̀hvɛ̀rzɔ̀rzì ò ŋmanyu aŋga nanù i rza hvaŋga hvònda ò lì uka ò erzòòkà ya Èrzìyà. A ma hwɛ lì ahwèŋgɛ̀ ò lì uka ò mbòwa ndɛɛndɛ ya Jèrurzalɛ̀mù, ò wùnyà wò Pɛ̀ntìkɔ̀rzì à mà atanɛ tɛ.

Hwègbèèlì 20:28

È àwòŋgòhwɛlɛ inyɔ hwiti, na lìhwemba la hwatò ema Èlìŋgɛ̀ yà Wòtani ye e ŋgbelì ò rze ya anyu ò lì ɔŋgeya. È hwɛ nàa hwà-ɔ̀ŋgèlì hwa mɛ̀lɛ̀ŋgù e ɔŋgeya hwatò hwa ama Lohwɛ̀. A ma gbeyà ŋmèmba mò eni ò lì hwɛ e mò eni lì akeyà na e kpelì ema è Ŋmanà wà eni a ŋwelɛlɛyi ò mbarza.

Hwègbèèlì 20:4

Hwatò ema hwa mà mò òŋgama hwà mà hwɛ ndi Rzòpatà e ŋmanà hwa ama Hvìrzùrzì ema à mà uwɛ̀lɛ̀lɛ̀yi ò mbòwà ndɛ̀ɛndɛ̀ ya Bèrìyà, Arìrztàkùrzì na Rzèkùndùrzì ema hwà mà uwɛ̀lɛ̀lɛ̀yi ò e mbòwà ndɛnɛ ya Tɛ̀rzàlònìkà. Gàyiyùrzì ema à mà uwɛ̀lɛ̀lɛ̀yi ò mbòwà ndɛnɛ ya Dɛ̀bì, Tìmòtì, na Tàyìchìkùrzì na Tlòhvìmùrzì ema hwà mà uwɛ̀lɛ̀lɛ̀yi ò erzòòkà ya Èrzìyà.

Hwègbèèlì 21:27

Nà òma hwèkuhwèlì me meŋge mèenyà lìrzamba me hwètànìrzèlì me ma kòmbɛnɛ, lòŋgò la hwatò hwa wònyà Yudà ema hwà mà uwɛ̀lɛ̀lɛ̀yi ò erzòòkà ya Èrzìyà, hwà mà ɛnɛ Pàwolò ò tenì ya e ndawò yà Lohwà. Hwà mà gbeyà e ŋgindi ò lì kanjeya rzìi e hvɔ̀ɔ̀tɔ̀ Pàwolò.

Hwègbèèlì 6:9

Ndi lòŋgò la hwatò hwà mà wòteyà lì tɔ̀wɔ na mɔ̀. Hwàŋga hwatò hwà mà hwɛ ndi hwatò ema hwà mà uwɛ̀lɛ̀lɛ̀yi ò e ŋgindi ya hwatò ema hwɛ lì ɛndɛ ò e ndawò ya màkànɛ ŋgɛ̀lɛŋgɛlɛ ema e ma hwɛ̀lɛ̀hwɛ̀ ndi e ndawò ya màkanɛ̀ ya hwàkòmì ema hwa rza enje hwàkòmì hvɛ. Hwàŋga hwatò hwà mà hwɛ ndi hwa wònyà Yudà ema hwà mà uwɛ̀lɛ̀lɛ̀yi ò mambòwà mà Rzìrènè na Alɛ̀rzàndrìyà. Wɔ̀ na hwahvɛhvɛ hwatò hwa wònyà Yudà ema hwà mà uwɛ̀lɛ̀lɛ̀yi ò hwèrzòòkà hwe Rzìlirzìyà na Èrzìyà, wɔ̀ hwà mà wòteyà lì tɔ̀wɔ na Rzìtehvànɛ.

Hwègbèèlì 8:29

Èlìŋgɛ̀ yà Wòtani rzi e òhweyà Hvìlìpì nanù ema, “Ɛndɛ ò tòŋgòŋgò ya eŋge ehwàmbanì, ò e kòmbɛnɛ.”

Ròmànì 16:5

È nò kɔmèya hvɛ ŋmèmba ema mò taneya ò ndawò ya awu. È nò kɔmèya hvɛ e mbunda ya ami ya mèrziŋge Èpànɛ̀tùrzì, ema mɔ̀ ndi à mà hwɛ, e mòtò wa wòrzò ò lì lòkɛ̀ Krirztò ò erzòòkà ya Èrzìyà.

1 Kɔ̀rintìyà 12:11

Èlìŋgɛ̀ yɔ̀kɔ mɛnɛ ndi e gbeyà hwenè hwèwòlò hwe arzɛ, o màlùtèyà ma eni a lìŋgàna lì ŋgbàà tɔ̀ njɛnɛ è la eni lì ahweyà.

1 Kɔ̀rintìyà 16:1

Nàŋgɛ nanù, inyɛ nɛ ohweyà lì hvomɛ̀nɛ̀ wolì ema e ma rzaŋge o lì òŋgòwàna hwatò hwa Lohwɛ̀. Nà oma nà mà òhwèyà ŋmèmba mo hwatò hwa Gàlerzìyà ema hwa gbeye inyɔ hvɛ e hwɛnì ndi lì gbeyà nanù mɛnɛ.

1 Kɔ̀rintìyà 16:19

Mèèmbà me arzɛ me erzòòkà ya Èrzìyà me è omelì ikɔ̀mi ja awu. Akwìlà na Prìrzìlà na mèèmbà ema me taneyà o ndawò ya awu, wɔ̀ hvɛ hwa e omelì ikɔ̀mi o lìnà la ama Rzàŋgo.

2 Kɔ̀rintìyà 1:8

Wònyamòwè kòkò, ì lìŋgànì ema inyɔ hvɛ e rzɔ̀ŋgìtɛ̀nɛ̀ kɔ̀yi-kɔ̀yi mòtàkà ema i lu o tenì yà erzòòkà ya Èrzìyà. Mòtàkà ema i lu mo ma jò lìtana nyayi ema i rzi hwiyè ema i karzòwà.

Gàletìyà 1:2

Imba na hwàlòkèlì hwa arzɛ ema hwa hwèlì anu na imba je omelì ŋmèmba mo arzɛ ema mo hwèlì o Gàletìyà ikɔ̀mi.

Gàletìyà 3:1

Bɔ̀ɔ, inyɔ hwatò hwa èèti hwa Gàletìyà! Njɛnɛ à è jɔ̀ki nanù e? È rza ɔ̀ŋgɛ̀lɛ̀ nà oma nà ma e wuluhweyà nanù ema Yerzù Krirztò à mà ŋwa ndi ò mbarza ò nyòla à anyu e?

2 Tìmotì 1:15

Ò hwiye oma hwatò hwa arzɛ hwa ama Krirztò hwa mà nò rzɔ̀rzɔ̀ ò erzòòkà yà Èrzìyà. Hvìjɛ̀lùrzì nà Hɛ̀mòjɛ̀nìrzì wɔ̀ hvɛ hwa mà hwɛ ò mòndèŋgè mò hwatò ema hwa mà nò rzɔ̀rzɔ̀.

2 Tìmotì 4:10

Nà ohwa nanù èhwanja Dɛ̀màrzì à mà no kìnyɛ̀lɛ̀ èhwanja, mɔ̀ à mà ɛndɛ o mbowà yà Tɛ̀rzàlònìkà èhwanja a lìŋgàni lòŋgɛ la ene rze. Klɛrzɛnrzi à mà ɛndɛ o erzòokà ya Gàlerzìyà, Tàyìtùrzì mɔ̀hvɛ à mà ɛndɛ o mbowà ya Dàlmàtìyà.

Hibrù 11:8

Lìlòkɛ̀ lɔ̀ ndi lì ma gbeyà ema Abràhamù a hweyàne Lohwɛ̀, e hvonda ema Lohwɛ̀ à mà mo òhweyà ema a anjiya o e mbowà ema à mà lìya lì ɛ̀ndɛ lì lìya o ehvɛhvɛ èki ema mɔ̀ à mà mo rzekeya ema a lìye. A ma hweyàna Lohwɛ̀, rzìi a ɛ̀ndɛ, tɔ̀ nɛ mɔ̀ à rzìi hwiye èki ema à mà hwɛ lì ɛndɛ.

1 Pètrò 1:1

Imba Pètro ema na hwèlì e àpɔ̀rzìtòlò ya ama Yerzù Krirztò ndi na tilì ene kààti. Nà e tìleya ndi hwatò hwa ama Lohwɛ̀ ema hwa hvɔ̀rzɔ̀hwì, ema hwà mà wuhweyà ndèŋgànɛ̀lɛ̀ hwa hwèlì ndi nàa hwàyɛ̀nì o hwèrzòòkà hwe Pòntìyùrzì, Gàlerzìyà, Kapadorzìyà, Èrzìyà na Bìtìnìyà.

Hwèwulùwèlì 1:11

Lì ma ohwa nanù ema, “Tila o kààti hwèèmà ema o ɛni, rzìi hwe e omeya lìni lìrzàmba la mìitelì. Ò è omeya o lìni lìrzàmba la mìtelì ema me hwèlì o Ɛ̀hvɛ̀rzɔ̀rzì, o Rzɛ̀màyìnà, o Pɛ̀gàmùmì, o Tìyatìrà, o Rzàdìrzì, o Hvìladɛlhvìyà na o Làwòdèrzìyà.”

Hwèwulùwèlì 1:4

Imba Yòwanìrzɛ̀, nà tìlèlì mììtèlì lìrzàmba ema mè hwèlì ò erzòòkà yà Èrzìyà. Inyɛ̀ è ndèli nà ɛ̀yɔ̀lɛ̀ yà ama Lohwɛ̀, è hwɛ nà inyɔ. Lohwɛ̀ ema à hwèlì, ema à mà hwɛ, nà è mɔ̀ ema à ò hwɛ̀ɛ̀, ndèŋgànɛ̀lɛ̀ hwèlìŋgɛ̀ lìrzàmba hwa è omèlì è ndèli nà ɛ̀yɔ̀lɛ̀. Hweŋge hwèlìŋgɛ̀ hwe hwèlì ò worzo wò è konda yà lìkànèyà yà è ŋmanyu yà lohwà.